ಫಿಫ್ಟಿ ಮೂಲಕ ವಿಶ್ವಕಪ್ ಆಯ್ಕೆ ಸಮರ್ಥಿಸಿದ ರಾಹುಲ್

ಮೊಹಾಲಿ: ಮುಂಬರುವ 2019 ಐಸಿಸಿ ಏಕದಿನ ವಿಶ್ವಕಪ್‌ಗಾಗಿ ಟೀಮ್ ಇಂಡಿಯಾದಲ್ಲಿ ಸ್ಥಾನ ಪಡೆಯುವಲ್ಲಿ ಕರ್ನಾಟಕದ ಯುವ ಭರವಸೆಯ ಬ್ಯಾಟ್ಸ್‌ಮನ್ ಕೆಎಲ್ ರಾಹುಲ್ ಯಶಸ್ವಿಯಾಗಿದ್ದಾರೆ.

ಇದೀಗ ಇಂಡಿಯನ್ ಪ್ರೀಮಿಯರ್ ಪ್ರೀಮಿಯರ್ ಲೀಗ್‌ನಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆಕರ್ಷಕ ಅರ್ಧಶತಕ ಬಾರಿಸುವ ಮೂಲಕ ರಾಹುಲ್ ತಮ್ಮ ಆಯ್ಕೆಯನ್ನು ಸಮರ್ಥಿಸಿಕೊಂಡಿದ್ದಾರೆ.

ಬಹು ಪಾತ್ರ ನಿಭಾಯಿಸುವ ಉದ್ದೇಶದೊಂದಿಗೆ ರಾಹುಲ್‌ಗೆ ವಿಶ್ವಕಪ್ ತಂಡಕ್ಕೆ ಎಂಟ್ರಿ ಕೊಡಲಾಗಿತ್ತು. ಇದೀಗ ಪಂಜಾಬ್ ಪರ ಆರಂಭಿಕನಾಗಿ ಕಣಕ್ಕಿಳಿದರುವ ರಾಹುಲ್ 45 ಎಸೆತಗಳಲ್ಲಿ ಫಿಫ್ಟಿ ಬಾರಿಸಿದ್ದಾರೆ.

ಮುಂಬರುವ ವಿಶ್ವಕಪ್‌ನಲ್ಲಿ ಮೂರನೇ ಆರಂಭಿಕ, ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್ ಹಾಗೂ ಮೂರನೇ ವಿಕೆಟ್ ಕೀಪರ್ ಮುಂತಾದ ಜವಾಬ್ದಾರಿಗಳನ್ನು ರಾಹುಲ್‌ಗೆ ವಹಿಸಲಾಗಿದೆ. ಕ್ರಿಕೆಟ್‌ನ ಎಲ್ಲ ಶಾಟ್‌ಗಳನ್ನು ಕರಗತ ಮಾಡಿಕೊಂಡಿರುವುದು ರಾಹುಲ್‌ಗೆ ಕಂಪ್ಲೀಟ್ ಏಕದಿನ ಆಟಗಾರ ಎಂಬ ಪಟ್ಟ ಕಟ್ಟಲು ನೆರವಾಗಿದೆ.
ನಿಮ್ಮ ಮಾಹಿತಿಗಾಗಿ, ಕೆಲವು ದಿನಗಳ ಹಿಂದಯಷ್ಟೇ ರಾಹುಲ್ ಐಪಿಎಲ್‌ನ ಚೊಚ್ಚಲ ಶತಕ ಸಾಧನೆ ಮಾಡಿದ್ದರು.