ಅಶ್ವಿನ್ ಒತ್ತಡದಲ್ಲಿ ಮಾಡಿರುವ ಪ್ರಕ್ರಿಯೆ: ಗಂಭೀರ್

ಹೊಸದಿಲ್ಲಿ: ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ನಾಯಕ ರವಿಚಂದ್ರನ್ ಅಶ್ವಿನ್ ಒತ್ತಡದಲ್ಲಿರುವ ಮಾಡಿರುವ ಪ್ರಕ್ರಿಯೆ ಎಂದು ಮಂಕಡ್ ರನೌಟ್ ಪ್ರಕರಣದ ಬಗ್ಗೆ ಮಾಜಿ ನಾಯಕ ಗೌತಮ್ ಗಂಭೀರ್ ಅಭಿಪ್ರಾಯಪಟ್ಟಿದ್ದಾರೆ.

ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಜೋಸ್ ಬಟ್ಲರ್ ಅವರನ್ನು ಅಶ್ವಿನ್ ರನೌಟ್ ಮಾಡಿರುವ ರೀತಿಯೂ ಎಲ್ಲೆಡೆ ವಿವಾದಕ್ಕೆ ಕಾರಣವಾಗಿದೆ.

ಬೌಲಿಂಗ್ ಮಾಡುವ ವೇಳೆ ನಾನ್-ಸ್ಟ್ರೈಕರ್‌ನಲ್ಲಿ ಕ್ರೀಸ್ ತೊರೆದಿದ್ದ ಬಟ್ಲರ್‌ರನ್ನು ಅಶ್ವಿನ್ ರನೌಟ್ ಮಾಡಿದ್ದರು. ಇದಾದ ಬೆನ್ನಲ್ಲೇ ಅಶ್ವಿನ್ ಕ್ರೀಡಾಸ್ಪೂರ್ತಿ ಬಗ್ಗೆ ಸಾಕಷ್ಟು ವಿವಾದಗಳು ಹುಟ್ಟಿಕೊಂಡಿದೆ.

ಈ ನಡುವೆ ಹೇಳಿಕೆ ನೀಡಿರುವ ಗಂಬೀರ್, ಬಿಳಿ ಚೆಂಡಿನ ಆಟದಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿ ಭಾರತದ ವಿಶ್ವಕಪ್ ತಂಡವನ್ನು ಸೇರುವ ತವಕದಲ್ಲಿರುವ ಅಶ್ವಿನ್ ಮೇಲೆ ಸಾಕಷ್ಟು ಒತ್ತಡವಿದೆ ಎಂದರು.

ತಮ್ಮ ಫ್ರಾಂಚೈಸಿ ಪರ ಅತ್ಯುತ್ತಮ ಪ್ರದರ್ಶನ ನೀಡುವ ಹಾಗೂ ತಂಡವನ್ನು ಉತ್ತಮವಾಗಿ ಮುನ್ನಡೆಸುವ ಒತ್ತಡ ಅಶ್ವಿನ್ ಮೇಲಿದೆ ಎಂದು ಗಂಭೀರ್ ಸೇರಿಸಿದರು.

ಅದೇ ಹೊತ್ತಿಗೆ ಹಳೆಯ ಮಂಕಡ್ ವಿವಾದಗಳ ಜತೆ ಈ ಪ್ರಕರಣವನ್ನು ಹೋಲಿಸಬಾರದು ಎಂದು ಗಂಭೀರ್ ಹೇಳಿದರು. ಅಲ್ಲದೆ ಅಶ್ವಿನ್ ಕೂಡಾ ಹೆಮ್ಮೆಯ ಕ್ರಿಕೆಟಿಗನಾಗಿದ್ದಾರೆ ಎಂದು ನುಡಿದರು.