ಫುಟ್ಬಾಲ್ ಇದ್ದಿದ್ದರೆ ಆರ್‌ಸಿಬಿಗೆ ಕಪ್ ಗ್ಯಾರಂಟಿ!

ಬೆಂಗಳೂರು: ಆರ್‌ಸಿಬಿ ಇನ್‌ಸೈಡರ್ ಶೋನಲ್ಲಿ ಮಗದೊಮ್ಮೆ ಮಿಸ್ಟರ್ ನಾಗ್ಸ್ ಮಗದೊಮ್ಮೆ ಮರ್ಮಭರಿತವಾದ ಮಾತುಗಳೊಂದಿಗೆ ಪ್ರತ್ಯಕ್ಷವಾಗಿದ್ದಾರೆ. ಈ ಬಾರಿ ಪ್ರಜ್ಞಾವಂತ ನಾಗರಿಕನ ಕರ್ತವ್ಯವನ್ನು ನಿಭಾಯಿಸಿರುವ ಮಿಸ್ಟರ್ ನಾಗ್ಸ್, ಲೋಕಸಭಾ ಚುನಾವಣೆಯಲ್ಲಿ ಮತದಾನ ಮಾಡುವ ಮೂಲಕ ಮಾದರಿಯಾಗಿದ್ದಾರೆ. ಇಲ್ಲಿ ಬೆಂಗಳೂರಿನಲ್ಲಿ ಮತದಾನ ಶೇ. 50 ಮೀರಿಲ್ಲ ಎಂಬುದು ಬೇಸರದ ಸಂಗತಿ.

ಹಾಗಿರಬೇಕೆಂದರೆ ಮಿಸ್ಟರ್ ನಾಗ್ಸ್ ಸಂಶಯವೊಂದನ್ನು ವ್ಯಕ್ತಪಡಿಸಿದ್ದಾರೆ. ಪ್ರತಿ ಬಾರಿಯೂ ಅಂಪೈರ್ ಔಟ್ ನೀಡುವಾಗ ಬೆರಳನ್ನು ಎತ್ತಿ ತೋರಿಸುತ್ತಾರೆ. ಅಂದರೆ ಅಂಪೈರ್ ವೋಟ್ ಮಾಡಲು ತಿಳಿಸುತ್ತಾರೆಯೇ ಏನೋ?

ಮೊಹಾಲಿಯಲ್ಲಿ ಆರ್‌ಸಿಬಿ ಎ ಹಾಗೂ ಆರ್‌ಸಿಬಿ ಬಿ ಪಂದ್ಯವನ್ನು ಎಲ್ಲರೂ ನೋಡಿರುತ್ತಾರೆ. ನಾವು ಆ ಪಂದ್ಯವನ್ನು ಗೆದ್ದೆವು. ಎಲ್ಲ ಪಂದ್ಯಕ್ಕೂ ಏಕೆ ಹೋಗುತ್ತಿಲ್ಲ ಎಂದು ಹಲವಾರು ಪ್ರಶ್ನಿಸುತ್ತಾರೆ. ನೋಡಿ ನಾನು ಶ್ರೀಮಂತ ವ್ಯಕ್ತಿಯಾಗಿದ್ದು ನನಗೆ ಹಲವಾರು ಜವಾಬ್ದಾರಿ ಕರ್ತವ್ಯಗಳಿದೆ. ಹಾಗಾಗಿ ಪ್ರತಿ ಪಂದ್ಯಕ್ಕೂ ಹೋಗುವುದು ಅಸಾಧ್ಯ ಎಂದರು.

ತರಬೇತಿ ವೇಳೆಯಲ್ಲಿ ಆರ್‌ಸಿಬಿ ಫುಟ್ಬಾಲ್ ಅಭ್ಯಾಸಿಸುತ್ತಿರುವುದನ್ನು ನೋಡಿದ ನಾಗ್ಸ್...
ನಮ್ಮ ಮುಂದಿನ ಪಂದ್ಯ ಕೋಲ್ಕತ್ತಾದಲ್ಲಿ ಮೊಹನ್ ಬಗಾನ್ ವಿರುದ್ಧ ಆಡುತ್ತಿದ್ದೇವೆ. ಇದಕ್ಕಾಗಿ ನಮ್ಮ ತಂಡವು ಅತ್ಯಂತ ಕಠಿಣ ತರಬೇತಿಯನ್ನು ನಡೆಸುತ್ತಿದೆ.

ಫ್ರೆಂಡ್ಸ್, ನೀವು ನಮ್ಮ ಈ ವೀಡಿಯೋವನ್ನು ವೀಕ್ಷಿಸಿದರೆ ನಮ್ಮ ತಂಡ ಫುಟ್ಬಾಲ್‌ನಲ್ಲಿ ಅತ್ಯುತ್ತಮ ತಂಡ ಎಂಬುದು ತಿಳಿದು ಬರುತ್ತದೆ. ಹಾಗಾಗಿ ಯಾರೇ ಐಪಿಎಲ್ ಆಯೋಜಿಸುತ್ತಾರೆಯೋ ಅವರಲ್ಲಿ ನನ್ನ ಮನವಿ ಏನೆಂದರೆ ದಯವಿಟ್ಟು ಓಪನ್ ಟೂರ್ನಮೆಂಟ್ ಆಯೋಜಿಸಿ. ಮುಂದೆ ನಾವು ಜಾವೆಲಿನ್, ಶಾಟ್ ಫುಟ್, ಥ್ರೋ ಬಾಲ್‌ಗಳನ್ನು ಆಡಲಿದ್ದೇವೆ ಎಂದರು.

ಆರ್‌ಸಿಬಿ ಕ್ಯಾಂಪ್‌ಗೆ ಸ್ಟೈನ್...
ದಕ್ಷಿಣ ಆಫ್ರಿಕಾ ವೇಗಿ ಡೇಲ್ ಸ್ಟೈನ್ ಆರ್‌ಸಿಬಿ ಕ್ಯಾಂಪ್ ಸೇರಿಕೊಂಡಿರುವುದನ್ನು ಉಲ್ಲೇಖಿಸಲು ಮರೆಯಲಿಲ್ಲ.

ಕ್ರಿಕೆಟ್ ತಾರೆಗಳ ಸಂದರ್ಶನ ಶುರು...
ಅಂತಿಮವಾಗಿ ನಾನು ಆನ್ ಫೀಲ್ಡ್ ಎಂಟರ್‌ಟೈನ್ಮೆಂಟ್ ಗ್ಯಾರಂಟಿ ಕೊಡಲ್ಲ. ಆದರೆ ಆಫ್ ಫೀಲ್ಡ್ ಅಂತೂ ಖಚಿತ ಎಂದು ಹೇಳಿದರು. ಅದೇ ಹೊತ್ತಿಗೆ ಆರ್‌ಸಿಬಿ ಇನ್‌ಸೈಡರ್‌ನಲ್ಲಿ ಕ್ರಿಕೆಟಿಗರ ಸಂದರ್ಶನ ಮಾಡುವುದಾಗಿ ತಿಳಿಸಿದರು. ನಿಮ್ಮ ಬಳಿ ಯಾವುದೇ ಪ್ರಶ್ನೆಗಳಿದ್ದರೆ ಕಾಮೆಂಟ್ ಬಾಕ್ಸ್‌ನಲ್ಲಿ ನಮೂದಿಸುವಂತೆಯೂ ಸೂಚಿಸಲಾಗಿದೆ.

ಆಂಡ್ರೆ ರಸೆಲ್ ಹೆಸರೇ ಕಾಂಪ್ಲಿಕೇಟ್...
ಹೋಗುವ ಮುಂಚೆ ಏನಂದ್ರಿ ರಸೆಲ್ ಗೊತ್ತಾಯ್ತಾ? ಮತ್ತೆ ಏನಂದ್ರು? ಅವರ ಹೆಸರು ಕೇಳಿ ಸ್ವಲ್ಪ ಎಂದು ಕಾಳೆಳೆಯಲು ಮರೆಯಲಿಲ್ಲ.