ಮಳೆಯಲ್ಲೂ ಆರ್‌ಸಿಬಿಗೆ ಚಿಯರ್ ಹಾಡಿದ ರಾಹುಲ್ ದ್ರಾವಿಡ್

ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ 2019ನೇ ಸಾಲಿನ ಟ್ವೆಂಟಿ-20 ಕ್ರಿಕೆಟ್‌ ಚಾಂಪಿಯನ್‌ಶಿಪ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಅತಿ ಕೆಟ್ಟ ಪ್ರದರ್ಶನವನ್ನು ನೀಡರಬಹುದು.

ಟೂರ್ನಿಯಿಂದಲೇ ಬಹುತೇಕ ಹೊರನಡೆದಿರಬಹುದು. ಈ ನಡುವೆ ಗೆಲ್ಲಲೇ ಬೇಕಾದ ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯಕ್ಕೆ ಮಳೆ ಅಡ್ಡಿಯಾಗಿರಬಹುದು.

ಈ ಎಲ್ಲದರ ನಡುವೆಯೂ ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ತಡೆಗೋಡೆ ಖ್ಯಾತಿಯ ರಾಹುಲ್ ದ್ರಾವಿಡ್, ಬೆಂಗಳೂರು ತಂಡಕ್ಕೆ ಚಿಯರ್ ಹಾಡಿರುವುದು ಅವರ ಹೃದಯ ವೈಶಾಲ್ಯತೆಗೆ ಸಾಕ್ಷಿಯಾಗಿದೆ.

ರಾತ್ರಿ 8 ಗಂಟೆಯ ಹೊತ್ತಿಗೆ ಸುರಿಯಲಾರಂಭಿಸಿದ ಮಳೆಯು 10.30 ಗಂಟೆಯ ವರೆಗೂ ಮುಂದುವರಿದಿತ್ತು. ಅಭಿಮಾನಿಗಳಂತೂ ಆರ್‌ಸಿಬಿ ಪಂದ್ಯ ನೋಡಲು ಕಾತರದಲ್ಲಿದ್ದರು. ಇದರಂತೆ ದೇವರಲ್ಲಿ ಬೇಡಿಕೊಂಡಿದ್ದರು.

ಅತ್ತ ರಾಹುಲ್ ದ್ರಾವಿಡ್ ಕೂಡಾ ಮಳೆಯ ನಡುವೆಯೇ ಇತ್ತಂಡಗಳಿಗೂ ಚಿಯರ್ ಹೇಳುವ ಮೂಲಕ ಗಮನ ಸೆಳೆದಿದ್ದಾರೆ. ಇದು ಅಪ್ಪಟ್ಟ ಕ್ರಿಕೆಟ್ ಪ್ರೀತಿಗೆ ಸಾಕ್ಷಿಯಾಗಿದೆ.