ಹೊಸದಿಲ್ಲಿ: ವಿಶ್ವದ ಶ್ರೀಮಂತ ಫ್ರಾಂಚೈಸಿ ಲೀಗ್ ಇಂಡಿಯನ್ ಪ್ರೀಮಿಯರ್ ಲೀಗ್ 13ನೇ ಆವೃತ್ತಿ ಮಾರ್ಚ್ 29 ರಿಂದ ಆರಂಭವಾಗಬೇಕಿತ್ತು. ಆದರೆ, ಕೊರೊನಾ ವೈರಸ್ ಜಗತ್ತಿನಾದ್ಯಂತ ವ್ಯಾಪಕ ಹರಡುತ್ತಿರುವ ಹಿನ್ನೆಲೆಯಲ್ಲಿ ಜಾಗತಿಕ ಮಟ್ಟದ ಹಲವು ಪ್ರಖ್ಯಾತ ಟೂರ್ನಿಗಳನ್ನು ಮುಂದೂಡಲಾಗಿದೆ. ಅದರಂತೆ ಐಪಿಎಲ್ ಟೂರ್ನಿಯನ್ನೂ ಏಪ್ರಿಲ್ 15ಕ್ಕೆ ಮುಂದಕ್ಕೆ ಹಾಕಲಾಗಿದೆ. ಕಳೆದ ಹಲವು ದಿನಗಳಿಂದ ಫ್ರಾಂಚೈಸಿ ತಂಡಗಳ ಕೆಲ ಆಟಗಾರರು ತವರು ಅಂಗಳಗಳಲ್ಲಿ ಅಭ್ಯಾಸ ಶುರು ಮಾಡಿದ್ದರು. ಆದರೆ, ಕೋವಿಡ್-19 ಸೋಂಕಿನಿಂದಾಗಿ ತರಬೇತಿ ಶಿಬಿರಗಳನ್ನುಸೋಮವಾರ ರದ್ದುಗೊಳಿಸಲಾಗಿದೆ. ಆಟಗಾರರನ್ನು ತಮ್ಮ-ತಮ್ಮ ಮನೆಗಳಿಗೆ ವಾಪಸ್ ಕಳುಹಿಸಲಾಗಿದೆ. ಹೀಗಿರುವಾಗ ಆಸ್ಟ್ರೇಲಿಯಾದ ಎಲ್ಲ ಆಟಗಾರರು ಐಪಿಎಲ್ ಮುಂದಿನ ಸೂಚನೆಗಾಗಿ ಕಾಯುತ್ತಿರುವುದಾಗಿ ವೇಗಿ ಕೇನ್ ರಿಚರ್ಡ್ಸನ್ ತಿಳಿಸಿದ್ದಾರೆ.
13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಈ ಬಾರಿ ಆಸ್ಟ್ರೇಲಿಯಾದ ಒಟ್ಟು17 ಮಂದಿ ಆಟಗಾರರು ಕಣಕ್ಕೆ ಇಳಿಯುತ್ತಿದ್ದಾರೆ. ಇತ್ತೀಚಿಗೆ ನ್ಯೂಜಿಲೆಂಡ್ ಹಾಗೂ ಆಸ್ಟ್ರೇಲಿಯಾ ತಂಡಗಳ ನಡುವಿನ ಏಕದಿನ ಹಾಗೂ ಟಿ20 ಸರಣಿಗಳನ್ನು ರದ್ದುಗೊಳಿಸಲಾಗಿತ್ತು. ಆದರೂ, ಸಿಡ್ನಿ ಕ್ರಿಕೆಟ್ ಕ್ರೀಡಾಗಣದಲ್ಲಿ ಪ್ರೇಕ್ಷಕರಿಲ್ಲದೆ ಮೊದಲನೇ ಏಕದಿನ ಪಂದ್ಯದಲ್ಲಿ ಉಭಯ ತಂಡಗಳು ಮುಖಾಮುಖಿಯಾಗಿದ್ದವು. ಈ ಪಂದ್ಯದಲ್ಲಿ ಆಸೀಸ್ ಜಯ ಸಾಧಿಸಿತ್ತು.
ಕೊರೊನಾ ವೈರಸ್ ಎಫೆಕ್ಟ್; ಪಾಕಿಸ್ತಾನ ಸೂಪರ್ ಲೀಗ್ ನಾಕ್'ಔಟ್'
ಪಂದ್ಯಕ್ಕೂ ಮುನ್ನ ಕೇನ್ ರಿಚರ್ಡ್ಸನ್ ಅವರ ಗಂಟಲಲ್ಲಿ ನೋವು ಕಾಣಿಸಿಕೊಂಡಿತ್ತು. ಕೋವಿಡ್-19 ಸೋಂಕು ಪರೀಕ್ಷೆ ನಡೆಸಲಾಗಿತ್ತು. ವೇಗಿಗೆ ಕೊರೊನಾ ವೈರಸ್ ಪರೀಕ್ಷೆಯಲ್ಲಿ ನೆಗೆಟಿವ್ ಬಂದಿತ್ತು. ಇದರಿಂದಾಗಿ ತಂಡದಲ್ಲಿದ್ದ ಭೀತಿ ದೂರವಾಗಿತ್ತು. ಬಳಿಕ ಕೊರೊನಾ ವೈರಸ್ನಿಂದಾಗಿ ಉಭಯ ತಂಡಗಳ ನಡುವಿನ ಸರಣಿಯನ್ನು ಮುಂದೂಡಲಾಯಿತು.
ಎಲ್ಲ ಆಟಗಾರರು ಮನೆಗಳಲ್ಲಿ ವಿಶ್ರಾಂತಿಗೆ ಜಾರಿದ್ದಾರೆ. ಇದರ ನಡುವೆ ಮಾತನಾಡಿರುವ ಕೇನ್ ರಿಚರ್ಡ್ಸನ್, "ನಾವೆಲ್ಲ ಇಂಡಿಯನ್ ಪ್ರೀಮಿಯರ್ ಲೀಗ್ಗಾಗಿ ಕಾಯುತ್ತಿದ್ದೇವೆ. ಹಲವರು ಐಪಿಎಲ್ ರದ್ದಾಗುವುದು ಬಹುತೇಕ ಖಚಿತ ಎಂದು ಹೇಳುತ್ತಿದ್ದಾರೆ. ಆದರೆ, ನಾವು ಮುಂದಿನ ಏಪ್ರಿಲ್ 15 ರಂದು ಆಡುವ ಬಗ್ಗೆ ಅಧಿಕೃತ ಸೂಚನೆ ಬರಬಹುದೆಂದು ಫೋನ್ ಮುಂದೆ ಕಾಯುತ್ತಿದ್ದೇವೆ. ನಿಜ ಹೇಳಬೇಕೆಂದರೆ ಐಪಿಎಲ್ ಟೂರ್ನಿಯಲ್ಲಿ ಹೇಗೆ ಆಡಬೇಕೆಂದು ನಾನು ಸಾಕಷ್ಟು ಯೋಚಿಸುತ್ತಿದ್ದೇನೆ,'' ಎಂದು ಹೇಳಿದ್ದಾರೆ.
ಗ್ಲೆನ್ ಮ್ಯಾಕ್ಸ್ವೆಲ್-ವಿನಿ ರಾಮನ್ ಲಿಪ್-ಲಾಕ್; ಎಕ್ಸ್ಕ್ಲೂಸಿವ್ ಚಿತ್ರಗಳು!
" ಆಸ್ಟ್ರೇಲಿಯಾ ತಂಡದ ನಾವೆಲ್ಲ ಆಟಗಾರರು ಪೋನ್ ಮೂಲಕ ಐಪಿಎಲ್ ಬಗ್ಗೆ ಮಾತನಾಡುತ್ತಿದ್ದೇವೆ. ಮನೆಯಲ್ಲಿ ಕೈಕಟ್ಟಿ ಕುಳಿತಿರುವ ನಮಗೆ ಮುಂದೆ ಯಾವ ಬಗೆಯ ಕ್ರಿಕೆಟ್ ಆಡುತ್ತೇವೆ ಎಂಬ ಬಗ್ಗೆ ಸುಳಿವಿಲ್ಲ. ಎಷ್ಟು ಬೇಗ ಅಂಗಳಕ್ಕೆ ತೆರಳುತ್ತೇವೆ ಎಂದು ಕಾದು ನೋಡಬೇಕು. ಕಳೆದ ವಾರ ದಕ್ಷಿಣ ಆಫ್ರಿಕಾದಿಂದ ತವರಿಗೆ ಮರಳುತ್ತಿರುವ ವೇಳೆ ಕೊರೊನಾ ವೈರಸ್ ಗಾಳಿಯಲ್ಲಿ ಹಾರಾಡುತ್ತಿರುವ ಬಗ್ಗೆ ಯೋಚನೆ ಇರಲಿಲ್ಲ,'' ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ವೆಬ್ಸೈಟ್ಗೆ ತಿಳಿಸಿದ್ದಾರೆ.
" ಕೊರೊನಾ ವೈರಸ್ನಿಂದಾಗಿ ಎಲ್ಲ ಕ್ರಿಕೆಟ್ ಚಟುವಟಿಕೆಗಳನ್ನು ನಿಲ್ಲಿಸಿ ಮನೆಯಲ್ಲಿ ಕುಳಿತಿರುವುದನ್ನು ನಂಬಲು ಕಠಿಣವಾಗುತ್ತಿದೆ. ಆದರೆ, ಮನೆಯಲ್ಲಿ ಕುಳಿತು ಪ್ರಪಂಚದಲ್ಲಿ ಏನಾಗುತ್ತಿದೆ ಎಂದು ಟಿವಿಯಲ್ಲಿ ನೋಡುತ್ತಿದ್ದೇನೆ. ಇದನ್ನು ಗಮನಿಸಿದರೆ ಕ್ರಿಕೆಟ್ ಚಟುವಟಿಕೆಗಳನ್ನು ನಿಲ್ಲಿಸಿರುವ ಕ್ರಮ ಸರಿಯಾಗಿದೆ,'' ಎಂದು ಹೇಳಿದರು.
ಸೋಷಿಯಲ್ ಮೀಡಿಯಾಗಾಗಿ ಬ್ಯಾಟಿಂಗ್ ಮಾಡುತ್ತಿಲ್ಲ: ಗುಡುಗಿದ ಪೂಜಾರ
ಕಳೆದ ವಾರ ಕೋವಿಡ್-19 ಪರೀಕ್ಷೆಗೆ ಒಳಗಾಗಿದ್ದರ ಬಗ್ಗೆ ಮಾತನಾಡಿ,"ಕೊರೊನಾ ವೈರಸ್ ಪ್ರಕರಣದ ನಾಲ್ಕರಲ್ಲಿ ಒಂದು ಲಕ್ಷಣ ನನ್ನಲ್ಲಿ ಕಂಡುಬಂದಿತ್ತು. ಏಕೆಂದರೆ, ಎರಡು ವಾರಗಳ ಅಂತರದಲ್ಲಿ ವಿದೇಶಗಳಿಗೆ ಪ್ರಯಾಣ ಬೆಳೆಸಿದ್ದೆ. ಹಾಗಾಗಿ, ಸೋಂಕು ಪರೀಕ್ಷೆಗೆ ಒಳಗಾಗಿದ್ದೆ. ಪರೀಕ್ಷೆಯ ಬಳಿಕ ವೈದ್ಯರು ನನಗೆ ಕೋವಿಡ್-19 ಸೋಂಕು ತಗುಲಿರುವುದು ತಮಾಷೆಯ ವಿಚಾರ ಎಂದಿದ್ದರು,'' ಎಂದು ತಿಳಿಸಿದ್ದಾರೆ.
13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಈ ಬಾರಿ ಆಸ್ಟ್ರೇಲಿಯಾದ ಒಟ್ಟು17 ಮಂದಿ ಆಟಗಾರರು ಕಣಕ್ಕೆ ಇಳಿಯುತ್ತಿದ್ದಾರೆ. ಇತ್ತೀಚಿಗೆ ನ್ಯೂಜಿಲೆಂಡ್ ಹಾಗೂ ಆಸ್ಟ್ರೇಲಿಯಾ ತಂಡಗಳ ನಡುವಿನ ಏಕದಿನ ಹಾಗೂ ಟಿ20 ಸರಣಿಗಳನ್ನು ರದ್ದುಗೊಳಿಸಲಾಗಿತ್ತು. ಆದರೂ, ಸಿಡ್ನಿ ಕ್ರಿಕೆಟ್ ಕ್ರೀಡಾಗಣದಲ್ಲಿ ಪ್ರೇಕ್ಷಕರಿಲ್ಲದೆ ಮೊದಲನೇ ಏಕದಿನ ಪಂದ್ಯದಲ್ಲಿ ಉಭಯ ತಂಡಗಳು ಮುಖಾಮುಖಿಯಾಗಿದ್ದವು. ಈ ಪಂದ್ಯದಲ್ಲಿ ಆಸೀಸ್ ಜಯ ಸಾಧಿಸಿತ್ತು.
ಕೊರೊನಾ ವೈರಸ್ ಎಫೆಕ್ಟ್; ಪಾಕಿಸ್ತಾನ ಸೂಪರ್ ಲೀಗ್ ನಾಕ್'ಔಟ್'
ಪಂದ್ಯಕ್ಕೂ ಮುನ್ನ ಕೇನ್ ರಿಚರ್ಡ್ಸನ್ ಅವರ ಗಂಟಲಲ್ಲಿ ನೋವು ಕಾಣಿಸಿಕೊಂಡಿತ್ತು. ಕೋವಿಡ್-19 ಸೋಂಕು ಪರೀಕ್ಷೆ ನಡೆಸಲಾಗಿತ್ತು. ವೇಗಿಗೆ ಕೊರೊನಾ ವೈರಸ್ ಪರೀಕ್ಷೆಯಲ್ಲಿ ನೆಗೆಟಿವ್ ಬಂದಿತ್ತು. ಇದರಿಂದಾಗಿ ತಂಡದಲ್ಲಿದ್ದ ಭೀತಿ ದೂರವಾಗಿತ್ತು. ಬಳಿಕ ಕೊರೊನಾ ವೈರಸ್ನಿಂದಾಗಿ ಉಭಯ ತಂಡಗಳ ನಡುವಿನ ಸರಣಿಯನ್ನು ಮುಂದೂಡಲಾಯಿತು.
ಎಲ್ಲ ಆಟಗಾರರು ಮನೆಗಳಲ್ಲಿ ವಿಶ್ರಾಂತಿಗೆ ಜಾರಿದ್ದಾರೆ. ಇದರ ನಡುವೆ ಮಾತನಾಡಿರುವ ಕೇನ್ ರಿಚರ್ಡ್ಸನ್, "ನಾವೆಲ್ಲ ಇಂಡಿಯನ್ ಪ್ರೀಮಿಯರ್ ಲೀಗ್ಗಾಗಿ ಕಾಯುತ್ತಿದ್ದೇವೆ. ಹಲವರು ಐಪಿಎಲ್ ರದ್ದಾಗುವುದು ಬಹುತೇಕ ಖಚಿತ ಎಂದು ಹೇಳುತ್ತಿದ್ದಾರೆ. ಆದರೆ, ನಾವು ಮುಂದಿನ ಏಪ್ರಿಲ್ 15 ರಂದು ಆಡುವ ಬಗ್ಗೆ ಅಧಿಕೃತ ಸೂಚನೆ ಬರಬಹುದೆಂದು ಫೋನ್ ಮುಂದೆ ಕಾಯುತ್ತಿದ್ದೇವೆ. ನಿಜ ಹೇಳಬೇಕೆಂದರೆ ಐಪಿಎಲ್ ಟೂರ್ನಿಯಲ್ಲಿ ಹೇಗೆ ಆಡಬೇಕೆಂದು ನಾನು ಸಾಕಷ್ಟು ಯೋಚಿಸುತ್ತಿದ್ದೇನೆ,'' ಎಂದು ಹೇಳಿದ್ದಾರೆ.
ಗ್ಲೆನ್ ಮ್ಯಾಕ್ಸ್ವೆಲ್-ವಿನಿ ರಾಮನ್ ಲಿಪ್-ಲಾಕ್; ಎಕ್ಸ್ಕ್ಲೂಸಿವ್ ಚಿತ್ರಗಳು!
" ಆಸ್ಟ್ರೇಲಿಯಾ ತಂಡದ ನಾವೆಲ್ಲ ಆಟಗಾರರು ಪೋನ್ ಮೂಲಕ ಐಪಿಎಲ್ ಬಗ್ಗೆ ಮಾತನಾಡುತ್ತಿದ್ದೇವೆ. ಮನೆಯಲ್ಲಿ ಕೈಕಟ್ಟಿ ಕುಳಿತಿರುವ ನಮಗೆ ಮುಂದೆ ಯಾವ ಬಗೆಯ ಕ್ರಿಕೆಟ್ ಆಡುತ್ತೇವೆ ಎಂಬ ಬಗ್ಗೆ ಸುಳಿವಿಲ್ಲ. ಎಷ್ಟು ಬೇಗ ಅಂಗಳಕ್ಕೆ ತೆರಳುತ್ತೇವೆ ಎಂದು ಕಾದು ನೋಡಬೇಕು. ಕಳೆದ ವಾರ ದಕ್ಷಿಣ ಆಫ್ರಿಕಾದಿಂದ ತವರಿಗೆ ಮರಳುತ್ತಿರುವ ವೇಳೆ ಕೊರೊನಾ ವೈರಸ್ ಗಾಳಿಯಲ್ಲಿ ಹಾರಾಡುತ್ತಿರುವ ಬಗ್ಗೆ ಯೋಚನೆ ಇರಲಿಲ್ಲ,'' ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ವೆಬ್ಸೈಟ್ಗೆ ತಿಳಿಸಿದ್ದಾರೆ.
" ಕೊರೊನಾ ವೈರಸ್ನಿಂದಾಗಿ ಎಲ್ಲ ಕ್ರಿಕೆಟ್ ಚಟುವಟಿಕೆಗಳನ್ನು ನಿಲ್ಲಿಸಿ ಮನೆಯಲ್ಲಿ ಕುಳಿತಿರುವುದನ್ನು ನಂಬಲು ಕಠಿಣವಾಗುತ್ತಿದೆ. ಆದರೆ, ಮನೆಯಲ್ಲಿ ಕುಳಿತು ಪ್ರಪಂಚದಲ್ಲಿ ಏನಾಗುತ್ತಿದೆ ಎಂದು ಟಿವಿಯಲ್ಲಿ ನೋಡುತ್ತಿದ್ದೇನೆ. ಇದನ್ನು ಗಮನಿಸಿದರೆ ಕ್ರಿಕೆಟ್ ಚಟುವಟಿಕೆಗಳನ್ನು ನಿಲ್ಲಿಸಿರುವ ಕ್ರಮ ಸರಿಯಾಗಿದೆ,'' ಎಂದು ಹೇಳಿದರು.
ಸೋಷಿಯಲ್ ಮೀಡಿಯಾಗಾಗಿ ಬ್ಯಾಟಿಂಗ್ ಮಾಡುತ್ತಿಲ್ಲ: ಗುಡುಗಿದ ಪೂಜಾರ
ಕಳೆದ ವಾರ ಕೋವಿಡ್-19 ಪರೀಕ್ಷೆಗೆ ಒಳಗಾಗಿದ್ದರ ಬಗ್ಗೆ ಮಾತನಾಡಿ,"ಕೊರೊನಾ ವೈರಸ್ ಪ್ರಕರಣದ ನಾಲ್ಕರಲ್ಲಿ ಒಂದು ಲಕ್ಷಣ ನನ್ನಲ್ಲಿ ಕಂಡುಬಂದಿತ್ತು. ಏಕೆಂದರೆ, ಎರಡು ವಾರಗಳ ಅಂತರದಲ್ಲಿ ವಿದೇಶಗಳಿಗೆ ಪ್ರಯಾಣ ಬೆಳೆಸಿದ್ದೆ. ಹಾಗಾಗಿ, ಸೋಂಕು ಪರೀಕ್ಷೆಗೆ ಒಳಗಾಗಿದ್ದೆ. ಪರೀಕ್ಷೆಯ ಬಳಿಕ ವೈದ್ಯರು ನನಗೆ ಕೋವಿಡ್-19 ಸೋಂಕು ತಗುಲಿರುವುದು ತಮಾಷೆಯ ವಿಚಾರ ಎಂದಿದ್ದರು,'' ಎಂದು ತಿಳಿಸಿದ್ದಾರೆ.