ಗಬ್ಬರ್ ಈಸ್ ಬ್ಯಾಕ್; ಧವನ್ ಮ್ಯಾಚ್ ವಿನ್ನಿಂಗ್ 97*

ಕೋಲ್ಕತಾ: ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಚಾಂಪಿಯನ್‌ಶಿಪ್‌ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಕೋಲ್ಕತಾ ನೈಟ್ ರೈಡರ್ಸ್ ಏಳು ವಿಕೆಟ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದೆ.

ಅಜೇಯ ಇನ್ನಿಂಗ್ಸ್ ಕಟ್ಟಿದರೂ ಕೇವಲ ಮೂರು ರನ್ ಅಂತರದಿಂದ ಶತಕ ಮಿಸ್ ಮಾಡಿಕೊಂಡಿರುವ ಶಿಖರ್ ಧವನ್ (97*) ಡೆಲ್ಲಿ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದರು. ಈ ಮೂಲಕ ಫಾರ್ಮ್‌ಗೆ ಮರಳಿದ ಧವನ್ ಐಪಿಎಲ್‌ನಲ್ಲಿ ವೈಯಕ್ತಕ ಗರಿಷ್ಠ ಮೊತ್ತ ಪೇರಿಸಿದರು.

ಮುಂಬರುವ ಏಕದಿನ ವಿಶ್ವಕಪ್ ಹಿನ್ನಲೆಯಲ್ಲಿ ಗಬ್ಬರ್ ಖ್ಯಾತಿಯ ಧವನ್ ಫಾರ್ಮ್‌ಗೆ ಮರಳಬೇಕಾಗರುವುದು ಅತಿ ಅಗತ್ಯವೆನಿಸಿತ್ತು. ಇದೀಗ ಈಡೆನ್ ಗಾರ್ಡೆನ್ ಮೈದಾನದಲ್ಲಿ ಆಕರ್ಷಕ ಇನ್ನಿಂಗ್ಸ್ ಕಟ್ಟುವ ಮೂಲಕ ರನ್ ದಾಹ ತೀರಿಸಿಕೊಂಡಿದ್ದಾರೆ.

ಇದು ಐಪಿಎಲ್‌ನಲ್ಲಿ ಧವನ್ ಬ್ಯಾಟ್‌ನಿಂದ ಸಿಡಿದ 34ನೇ ಅರ್ಧಶತಕವಾಗಿದೆ. 32 ಎಸೆತಗಳಲ್ಲೇ ಅರ್ಧಶತಕ ಪೂರೈಸಿದ ಧವನ್ ಅಂತಿಮವಾಗಿ 63 ಎಸೆತಗಳಲ್ಲಿ 97 ರನ್ ಗಳಿಸಿ ಅಜೇಯರಾಗುಳಿದರು. ಇದರಲ್ಲಿ 11 ಬೌಂಡರಿ ಹಾಗೂ ಎರಡು ಸಿಕ್ಸರ್‌‌ಗಳು ಸೇರಿದ್ದವು.

ಆರಂಭದಲ್ಲಿ ವಿವಾದಾತ್ಮಕ ಡಿಆರ್‌ಎಸ್ ತೀರ್ಪಿನಿಂದ ಪಾರಾದ ಧವನ್ ಬಳಿಕ ಕೂದಲೆಳೆಯ ಅಂತರದಲ್ಲಿ ಸ್ಲಿಪ್‌ನಲ್ಲಿ ಜೀವದಾನ ಪಡೆದಿದ್ದರು. ಈ ಮೂಲಕ ಅದೃಷ್ಟದ ಬೆಂಬಲದೊಂದಿಗೆ ಡೆಲ್ಲಿಗೆ ಮಹತ್ವದ ಗೆಲುವು ಒದಗಿಸಿಕೊಡುವಲ್ಲಿ ಯಶಸ್ವಿಯಾಗಿದ್ದಾರೆ.

ಈ ಹಿಂದೆಯೇ ಧವನ್ ಜವಾಬ್ದಾರಿಯುತ ಆಟವನ್ನು ಪ್ರದರ್ಶಿಸಬೇಕು ಎಂದು ಕೋಚ್ ರಿಕಿ ಪಾಟಿಂಗ್ ಉಲ್ಲೇಖಿಸಿದ್ದರು. ಇದೀಗ ಎಲ್ಲ ಒತ್ತಡವನ್ನು ನಿಭಾಯಿಸಿರುವ ಧವನ್ ಮಿಂಚಿನ ಪ್ರದರ್ಶನ ನೀಡಿದ್ದಾರೆ.