ಆರ್‌ಸಿಬಿ ನೂತನ ಲೋಗೋ ಮುಂಬೈ ಸ್ಟಾರ್ ಬೌಲರ್ ಶೈಲಿಯನ್ನು ಹೋಲುತ್ತಿದೆಯೇ?

ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ 13ನೇ ಆವೃತ್ತಿ ಆರಂಭಕ್ಕಿನ್ನು ಒಂದು ವರೆ ತಿಂಗಳು ಮಾತ್ರ ಬಾಕಿ ಉಳಿದಿದೆ. ಹೊಸ ದಶಕದ ಆರಂಭದೊಂದಿಗೆ ಹೊಸತನದಲ್ಲಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿ ನೂತನ ಲೋಗೋ ಹಾಗೂ ಜೆರ್ಸಿಯನ್ನು ಬಿಡುಗಡೆ ಮಾಡಿದೆ.

ಬೆಂಗಳೂರು ಪರಿಷ್ಕೃತ ಲೋಗೋ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕನ್ನಡಾಭಿಮನಿಗಳು ಸಂತಸವನ್ನು ವ್ಯಕ್ತಪಡಿಸಿದರೂ ಹೆಸರು ಬ್ಯಾಂಗಲೋರ್ ಬದಲು ಬೆಂಗಳೂರು ಆಗಬೇಕಿತ್ತು ಎಂದು ಆಶಿಸಿದ್ದಾರೆ.

ಈ ಮಧ್ಯೆ ಮುಂಬೈ ಇಂಡಿಯನ್ಸ್ ತಂಡದ ಸ್ಟಾರ್ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ವಿಶೇಷ ಕಾಮೆಂಟ್‌ನೊಂದಿಗೆ ಮುಂದೆ ಬಂದಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಲೋಗೋ ತಮ್ಮ ಬೌಲಿಂಗ್ ಶೈಲಿಯನ್ನು ಹೋಲುತ್ತಿದೆ ಎಂದು ಕಾಮೆಂಟ್ ಮಾಡಿದ್ದಾರೆ.

ಆರ್‌ಸಿಬಿ ನಾಡಿಮಿಡಿತ 'ಬೆಂಗಳೂರು'; ಕನ್ನಡಿಗರ ಮನಮೆಚ್ಚಿದ ಹೊಸ ಲೋಗೋದಲ್ಲಿ ಏನಿದೆ ವಿಶೇಷ?

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಬಿಡುಗಡೆ ಮಾಡಿರುವ ಹೊಸ ಲಾಂಛನವು ಕೆಂಪು ಹಿನ್ನೆಲೆ, ಬಂಗಾರದ ಸಿಂಹ ಮತ್ತು ಕಪ್ಪು ಬಣ್ಣದಲ್ಲಿ ತಂಡದ ಹೆಸರನ್ನು ಹೊಂದಿದೆ. ಈ ಪೈಕಿ ಸಿಂಹದ ಹೆಗ್ಗುರುತು ತಮ್ಮ ಬೌಲಿಂಗ್ ಶೈಲಿಯನ್ನು ಹೋಲುತ್ತಿದೆ ಎಂದು ಬುಮ್ರಾ ತಿಳಿಸಿದ್ದಾರೆ.


ಏತನ್ಮಧ್ಯೆ ನೂತನ ಟೈಟಲ್ ಸ್ಪಾನ್ಸರ್ ಮುತ್ತೂಟ್ ಫಿನಾನ್ಸ್ ಲೋಗೋದೊಂದಿಗೆ ನೂತನ ಜೆರ್ಸಿಯನ್ನು ಆರ್‌ಸಿಬಿ ಅನಾವರಣಗೊಳಿಸಿದೆ. ಇದೇ ಸಂದರ್ಭದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿಯು ಬಾರ್ ಆ್ಯಂಡ್ ಕೆಫೆ ಎಂಬ ನೂತನ ಜೀವನಶೈಲಿಯನ್ನು ಆರಂಭಗೊಳಿಸಿದೆ.

ಪ್ರೇಮಿಗಳ ದಿನಾಚರಣೆಯಂದು ಹೊಸ ಲಾಂಛನದ ಉಡುಗೊರೆ ನೀಡಿದ ಆರ್‌ಸಿಬಿ

ಅಂದ ಹಾಗೆ ಜಸ್ಪ್ರೀತ್ ಬುಮ್ರಾ ನ್ಯೂಜಿಲೆಂಡ್ ಪ್ರವಾಸದಲ್ಲಿದ್ದಾರೆ. ಅಲ್ಲದೆ ಮುಂಬರುವ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಭಾರತದ ಪ್ರಧಾನ ಅಸ್ತ್ರವಾಗಲಿದ್ದಾರೆ. ಏಕದಿನದಲ್ಲಿ ವಿಕೆಟ್ ಕಬಳಿಸಲು ವಿಫಲವಾಗಿರುವ ಬುಮ್ರಾ, ಪರಿಣಾಮಕಾರಿ ಎನಿಸಿಕೊಳ್ಳುವರೇ ಎಂಬುದನ್ನು ಕಾದು ನೋಡಬೇಕು.