ಹೊಸದಿಲ್ಲಿ: ಅಫಘಾನಿಸ್ತಾನದ 18 ವರ್ಷದ ಯುವ ಬ್ಯಾಟ್ಸ್ಮನ್ ಬಹೀರ್ ಶಾ, ಪ್ರಥಮದರ್ಜೆ ಕ್ರಿಕೆಟ್ನಲ್ಲಿ ಆಸ್ಪ್ರೇಲಿಯಾದ ದಿಗ್ಗಜ ಡಾನ್ ಬ್ರಾಡ್ಮನ್ ಅವರ ಅತಿ ಹೆಚ್ಚು ಬ್ಯಾಟಿಂಗ್ ಸರಾಸರಿಯ ದಾಖಲೆಯನ್ನು ಮುರಿದಿದ್ದಾರೆ.
ಪ್ರಥಮದರ್ಜೆ ಕ್ರಿಕೆಟ್ನಲ್ಲಿ 1000ಕ್ಕೂ ಹೆಚ್ಚು ರನ್ ಗಳಿಸಿದವರ ಸಾಲಿನಲ್ಲಿ ಬ್ರಾಡ್ಮನ್ ಅವರಿಗಿಂತ ಹೆಚ್ಚಿನ ಸರಾಸರಿಯೊಂದಿಗೆ ಬಹೀರ್ ನೂತನ ದಾಖಲೆ ಬರೆದಿದ್ದಾರೆ.
ಸ್ಪೀನ್ ಘಾರ್ ತಂಡದ ಪರ ಪ್ರಥಮದರ್ಜೆ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿರುವ ಬಹೀರ್ ಶಾ, 7 ಪಂದ್ಯಗಳ 12 ಇನಿಂಗ್ಸ್ಗಳಲ್ಲಿ 121.77ರ ಸರಾಸರಿಯೊಂದಿಗೆ 1,096 ರನ್ ಕಲೆ ಹಾಕಿದ್ದಾರೆ. ಇದರಲ್ಲಿ ಐದು ಶತಕಗಳು ಸೇರಿವೆ. ಇದರೊಂದಿಗೆ ಪ್ರಥಮದರ್ಜೆ ಕ್ರಿಕೆಟ್ನಲ್ಲಿ ಬ್ರಾಡ್ಮನ್ ಅವರ ಸಾರ್ವಕಾಲಿಕ 95.14ರ ದಾಖಲೆಯನ್ನು ಬಹೀರ್ ಪುಡಿಗಟ್ಟಿದ್ದಾರೆ. ಬಹೀರ್ ಒಂದೂವರೆ ವರ್ಷದ ಹಿಂದಷ್ಟೇ ಪ್ರಥಮದರ್ಜೆ ಕ್ರಿಕೆಟ್ಗೆ ಪದಾರ್ಪಣೆ ಮಾಡಿದ್ದರು.
ಬಲಗೈ ಬ್ಯಾಟ್ಸ್ಮನ್ ಆಗಿರುವ ಬಹೀರ್ ಶಾ, ನ್ಯೂಜಿಲೆಂಡ್ನಲ್ಲಿ ಜ.13ರಂದು ಆರಂಭವಾಗಲಿರುವ 19 ವರ್ಷದೊಳಗಿನವರ ಐಸಿಸಿ ವಿಶ್ವಕಪ್ನಲ್ಲಿ ಅಫಘಾನಿಸ್ತಾನ ಪರ ಆಡಲಿದ್ದು, ಕುತೂಹಲದ ಕೇಂದ್ರಬಿಂದುವಾಗಿದ್ದಾರೆ.
ಪ್ರಥಮದರ್ಜೆ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಬ್ಯಾಟಿಂಗ್ ಸರಾಸರಿ(1000+ ರನ್)
121.77
ಬಹೀರ್ ಶಾ
ಅಫಘಾನಿಸ್ತಾನ
95.14
ಡಾನ್ ಬ್ರಾಡ್ಮನ್
ಆಸ್ಪ್ರೇಲಿಯಾ
71.64
ವಿಜಯ್ ಮರ್ಚೆಂಟ್
ಭಾರತ
69.86
ಜಾರ್ಜ್ ಹೆಡ್ಲಿ
ವೆಸ್ಟ್ ಇಂಡೀಸ್