ಮಾಧ್ಯಮದವರನ್ನು ತರಾಟೆಗೆ ತೆಗೆದುಕೊಂಡ ವೀರು

ಹೊಸದಿಲ್ಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟ್ವೆಂಟಿ-20 ಚಾಂಪಿಯನ್‌ಶಿಪ್‌ನಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ದಾಖಲಾದ ನಿರ್ಣಾಯಕ ಗೆಲುವಿನ ಬಳಿಕ ಟ್ವೀಟ್ ಮಾಡಿರುವ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಮಾರ್ಗದರ್ಶಕ ವಿರೇಂದ್ರ ಸೆಹ್ವಾಗ್ ಮಾಧ್ಯವದವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

'ಪಿಕ್ಚರ್ ಅಬಿ ಬಾಕಿ ಹೇ' ಎಂದು ಹೇಳಿರುವ ವೀರು, ಮಾಧ್ಯಮ ಮಿತ್ರರಿಗೆ ತಕ್ಕ ಟಾಂಗ್ ನೀಡಿದ್ದಾರೆ.

ಕೆಲವು ಮೀಡಿಯಾ ವ್ಯಕ್ತಿಗಿಂತಲೂ ನಮ್ಮ ಸ್ಪಿನ್ನರ್‌ಗಳು ಚೆನ್ನಾಗಿ ಬೌಲಿಂಗ್ ಮಾಡಿದ್ದಾರೆ ಎಂಬುದನ್ನು ವೀರು ತಮ್ಮ ಟ್ವೀಟ್‌ನಲ್ಲಿ ಉಲ್ಲೇಖ ಮಾಡಿದ್ದಾರೆ.

Really proud of the boys for a grt victory.Our spinners spun ball better than few media people spin stories.Picture abhi baaki hai#KXIPvKKR — Virender Sehwag (@virendersehwag) May 9, 2017 ಕೆಕೆಆರ್ ವಿರುದ್ಧದ ನಿರ್ಣಾಯಕ ಪಂದ್ಯದಲ್ಲಿ ಜಯ ಗಳಿಸಿದ್ದ ಪಂಜಾಬ್, ಪ್ಲೇ ಆಫ್ ಸಾಧ್ಯತೆಯನ್ನು ಜೀವಂತವಾಗಿರಿಸಿದೆ. ಹಾಗೆಯೇ ತಮ್ಮ ತಂಡದ ಪ್ರದರ್ಶನದ ಬಗ್ಗೆ ನಿಜಕ್ಕೂ ಹೆಮ್ಮೆಪಟ್ಟುಕೊಳ್ಳುತ್ತಿದ್ದೇನೆ ಎಂದು ಸೆಹ್ವಾಗ್ ವಿವರಿಸಿದ್ದಾರೆ.

ಐಪಿಎಲ್ 10ನೇ ಆವೃತ್ತಿಯಲ್ಲಿ ಪಂಜಾಬ್ ಪ್ಲೇ-ಆಫ್ ಪ್ರವೇಶಿಸಲಿದೆಯೇ ಎಂಬುದು ಸಂದೇಹಕ್ಕೆ ಕಾರಣವಾಗಿತ್ತು. ಈ ಬಗ್ಗೆ ಮಾಧ್ಯಗಳಲ್ಲೂ ಟೀಕೆಗಳು ಎದಿದ್ದವು. ಇವೆಲ್ಲದಕ್ಕೆ ಒಂದೇ ಟ್ವಿಟ್ ಮಾಲಕ ವೀರು ಪ್ರತ್ಯುತ್ತರ ನೀಡಿದ್ದಾರೆ.