ಇಂದು ಟಿ20 ಸರಣಿಯ 3ನೇ ಹಾಗೂ ಕೊನೆಯ ಹಣಾಹಣಿ|ಟೀಮ್ ಇಂಡಿಯಾಗೆ ಚೊಚ್ಚಲ ಸರಣಿ ಜಯದ ತವಕ
ಹ್ಯಾಮಿಲ್ಟನ್ : ಸುಮಾರು ಎರಡೂವರೆ ತಿಂಗಳ ಹಿಂದೆ ಆಸ್ಪ್ರೇಲಿಯಾ ಪ್ರವಾಸ ಕೈಗೊಂಡಾಗಿನಿಂದ 'ಪ್ರಥಮ'ಗಳ ಸರಮಾಲೆಯನ್ನೇ ಪೋಣಿಸುತ್ತಾ ಮುನ್ನುಗ್ಗುತ್ತಿರುವ ಭಾರತ ಕ್ರಿಕೆಟ್ ತಂಡದ ಮುಂದೆ ಇದೀಗ ಇನ್ನೊಂದು 'ಪ್ರಥಮ' ಸಾಧನೆಯ ಅವಕಾಶ.
ಹ್ಯಾಮಿಲ್ಟನ್ನ ಸೆಡಾನ್ ಪಾರ್ಕ್ ಕ್ರೀಡಾಂಗಣದಲ್ಲಿ ಭಾನುವಾರ ಟಿ20 ಸರಣಿಯ 3ನೇ ಹಾಗೂ ಕೊನೆಯ ಪಂದ್ಯ ಗೆದ್ದಲ್ಲಿ, ನ್ಯೂಜಿಲೆಂಡ್ ನೆಲದಲ್ಲಿ ಮೊದಲ ಬಾರಿಗೆ ಟಿ20 ಸರಣಿ ಜಯಿಸಿದ ಚಾರಿತ್ರಿಕ ಸಾಧನೆಗೆ ಟೀಮ್ ಇಂಡಿಯಾ ಭಾಜನವಾಗಲಿದೆ. ರೋಹಿತ್ ಶರ್ಮಾ ಸಾರಥ್ಯದ ಭಾರತ ತಂಡ ಶುಕ್ರವಾರ ಆಕ್ಲೆಂಡ್ನ ಈಡನ್ ಪಾರ್ಕ್ ಕ್ರೀಡಾಂಗಣದಲ್ಲಿ 2ನೇ ಪಂದ್ಯ ಜಯಿಸಿದಾಗಲೇ 'ಪ್ರಥಮ' ಸಾಧನೆಯೊಂದನ್ನು ಮಡಿಲಿಗೆಳೆದುಕೊಂಡಿತ್ತು. ಅಲ್ಲಿಯ ತನಕ ನ್ಯೂಜಿಲೆಂಡ್ ನೆಲದಲ್ಲಿ ಭಾರತ ಟಿ20 ಪಂದ್ಯ ಗೆದ್ದಿರಲಿಲ್ಲ.
ಟೀಮ್ ಇಂಡಿಯಾ ಕಳೆದ ವರ್ಷ ನವೆಂಬರ್ ತಿಂಗಳ ಕೊನೆಯ ವಾರ ಆಸ್ಪ್ರೇಲಿಯಾ ಪ್ರವಾಸ ಕೈಗೊಂಡು ಕಾಂಗರೂಗಳ ನೆಲದಲ್ಲಿ ಮೊದಲ ಬಾರಿಗೆ ಟೆಸ್ಟ್ ಸರಣಿ ಮತ್ತು ದ್ವಿಪಕ್ಷೀಯ ಏಕದಿನ ಸರಣಿ ಗೆದ್ದು ಇತಿಹಾಸ ನಿರ್ಮಿಸಿತ್ತು. ಅದಾದ ಬಳಿಕ ನ್ಯೂಜಿಲೆಂಡ್ಗೆ ದಂಡಯಾತ್ರೆ ಕೈಗೊಂಡು ಪ್ರವಾಸದ ಆರಂಭದಲ್ಲಿ ನಡೆದ ಏಕದಿನ ಸರಣಿಯಲ್ಲಿ ಜಯಭೇರಿ ಬಾರಿಸಿತ್ತು. ಇದೀಗ ಟಿ20 ಸರಣಿಯ ಸರದಿ. ಮೂರು ಪಂದ್ಯಗಳ ಸರಣಿಯಲ್ಲಿ ಸದ್ಯಕ್ಕೆ 1-1ರ ಸಮಬಲ ನೆಲೆಸಿದೆ. ಹೀಗಾಗಿ ಭಾನುವಾರದ ಪಂದ್ಯ ನಿರ್ಣಾಯಕ ಪಾತ್ರ ವಹಿಸಲಿದೆ. 2ನೇ ಪಂದ್ಯದಲ್ಲಿ ರೋಹಿತ್ ಪಡೆ ಆರ್ಭಟಿಸಿದ ಪರಿ ನೋಡಿದರೆ, ಈ ಪಂದ್ಯದಲ್ಲಿ ಜಯ ದಕ್ಕಿಸಿಕೊಳ್ಳಲಾಗದ ಸಂಗತಿಯೇನಲ್ಲ.
ಕರಾಳ ನೆನಪು ಮರುಕಳಿಸದಿರಲಿ
ಹ್ಯಾಮಿಲ್ಟನ್ನ ಸೆಡಾನ್ ಪಾರ್ಕ್ನಲ್ಲಿ ನಡೆದ ಏಕದಿನ ಸರಣಿಯ ನಾಲ್ಕನೇ ಪಂದ್ಯದಲ್ಲಿ ಟೀಮ್ ಇಂಡಿಯಾ ಕೇವಲ 92 ರನ್ಗಳಿಗೆ ದಿಂಡುರುಳಿತ್ತು. 5 ಪಂದ್ಯಗಳ ಸರಣಿಯನ್ನು ಅದಾಗಲೇ 3-0 ಅಂತರದಿಂದ ಕೈವಶ ಮಾಡಿಕೊಂಡಿದ್ದ ಟೀಮ್ ಇಂಡಿಯಾ ಅಂದು ಆತಿಥೇಯ ವೇಗಿ ಟ್ರೆಂಟ್ ಬೌಲ್ಟ್ ಅವರ ಸ್ವಿಂಗ್ ಬೌಲಿಂಗ್ಗೆ ತರಗೆಲೆಯಾಗಿತ್ತು. ಹಾಗಂತ ಈ ಪಂದ್ಯದಲ್ಲೂ ಅದೇ ಫಲಿತಾಂಶ ನಿರೀಕ್ಷಿಸಲಾಗದು. ಇದು ಟಿ20 ಪಂದ್ಯ. ಸರಣಿ ನಿರ್ಣಾಯಕ ಹಣಾಹಣಿ ಬೇರೆ. ಮೊದಲ ಪಂದ್ಯ ಸೋತರೂ 2ನೇ ಪಂದ್ಯ ಗೆದ್ದು ಲಯದ ಹಳಿಗೆ ಮರಳಿರುವ ಟೀಮ್ ಇಂಡಿಯಾಗೆ ಆತಿಥೇಯರನ್ನು ಮಣಿಸುವುದು ಕಷ್ಟವೇನೂ ಆಗಲಾರದು ಎಂದೇ ವ್ಯಾಖ್ಯಾನಿಸಲಾಗುತ್ತಿದೆ.
ಆಡುವ 11ರ ಬಳಗದಲ್ಲಿ ಬದಲಾವಣೆ ಸಾಧ್ಯತೆ ಕಡಿಮೆ
ಅಚಾತುರ್ಯಗಳೇನೂ ಸಂಭವಿಸದಿದ್ದಲ್ಲಿ ಟೀಮ್ ಇಂಡಿಯಾ ಈ ಹಿಂದಿನ ಎರಡು ಪಂದ್ಯಗಳಲ್ಲಿ ಆಡಿದ ತಂಡವನ್ನೇ 3ನೇ ಪಂದ್ಯಕ್ಕೆ ಉಳಿಸಿಕೊಳ್ಳುವ ಸಾಧ್ಯತೆಗಳಿವೆ. ಆದರೂ ಟೀಮ್ ಮ್ಯಾನೇಜ್ಮೆಂಟ್ ಬಯಸಿದಲ್ಲಿ, ಯುಜ್ವೇಂದ್ರ ಚಹಲ್ ಜಾಗದಲ್ಲಿ ಕುಲ್ದೀಪ್ ಯಾದವ್ ಅಖಾಡಕ್ಕಿಳಿಯುವ ಸಾಧ್ಯತೆಗಳಿವೆ ಎನ್ನಲಾಗಿದೆ. ಏತನ್ಮಧ್ಯೆ, ಚುಟುಕು ಮಾದರಿಗೆ ಚಹಲ್ ಅವರೇ ಸೂಕ್ತ ಎಂಬ ಅಭಿಪ್ರಾಯವೂ ಸಾರ್ವತ್ರಿಕವಾಗಿ ಕೇಳಿಬರುತ್ತಿದೆ.
ಆತಿಥೇಯರಿಗೆ ರೋ'ಹಿಟ್' ಭಯ
ಶುಕ್ರವಾರ ಈಡನ್ ಪಾರ್ಕ್ ಕ್ರೀಡಾಂಗಣದಲ್ಲಿ ಕೇವಲ 29 ಎಸೆತಗಳಲ್ಲಿ 50 ರನ್ ಚಚ್ಚಿ ಟಿ20 ಕ್ರಿಕೆಟಿನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಿ ಇತಿಹಾಸ ನಿರ್ಮಿಸಿರುವ ಟೀಮ್ ಇಂಡಿಯಾದ ಹಂಗಾಮಿ ನಾಯಕ ರೋಹಿತ್ ಶರ್ಮಾ ಆತಿಥೇಯ ಬೌಲರ್ಗಳಿಗೆ ಅಕ್ಷರಶಃ ಭಯ ಹುಟ್ಟಿಸಿದ್ದಾರೆ. ಸಿಕ್ಸರ್ ಸಿಡಿಸುವುದರಲ್ಲೂ ನಿಸ್ಸೀಮನಾಗಿರುವ ರೋಹಿತ್ ಇನ್ನೆರಡು ಸಿಕ್ಸರ್ ಸಿಡಿಸಿದರೆ ಕ್ರಿಸ್ ಗೇಲ್ ಮತ್ತು ಮಾರ್ಟಿನ್ ಗಪ್ಟಿಲ್ ಅವರ 102 ಸಿಕ್ಸರ್ಗಳ ದಾಖಲೆ (ಟಿ20ಯಲ್ಲಿ) ಮುರಿಯಲಿದ್ದಾರೆ.
ಶಿಖರ್ ಧವನ್ ಮತ್ತು ರೋಹಿತ್ ಜೋಡಿಯ ಸ್ಫೋಟಕ ಆರಂಭ... ಬಳಿಕ ಮಧ್ಯಮ ಕ್ರಮಾಂಕದಲ್ಲಿ ಅನುಭವಿ ಆಟಗಾರ ಮಹೇಂದ್ರ ಸಿಂಗ್ ಧೋನಿ ಮತ್ತು ಪ್ರತಿಭಾವಂತ ಎಡಗೈ ಆಟಗಾರ ರಿಷಭ್ ಪಂತ್ ಜೋಡಿಯ ಜುಗಲ್ಬಂದಿ ... ಕೇದಾರ್ ಜಾಧವ್, ದಿನೇಶ್ ಕಾರ್ತಿಕ್ರಂಥ ಘಟಾನುಘಟಿಗಳ ಸಾಥ್... ಚುಟುಕು ಮಾದರಿಯ ಹಣಾಹಣಿಯಲ್ಲಿ ಯಾವುದೇ ತಂಡಕ್ಕೆ ಇದಕ್ಕಿಂತ ಹೆಚ್ಚಿನ ಸಂಯೋಜನೆಯ ಅಗತ್ಯ ಬೀಳುವುದಿಲ್ಲ.
ಇನ್ನೊಂದೆಡೆ ಕೇನ್ ವಿಲಿಯಮ್ಸನ್, ರಾಸ್ ಟೇಲರ್ರಂಥ ಅನುಭವಿ ಬ್ಯಾಟ್ಸ್ಮನ್ಗಳು ಹಾಗೂ ಟಿಮ್ ಸೌಥೀಯಂಥ ಭಯಾನಕ ವೇಗದ ಬೌಲರ್ಗಳನ್ನೊಳಗೊಂಡ ನ್ಯೂಜಿಲೆಂಡ್ ತಂಡವನ್ನೂ ಹಗುರವಾಗಿ ಪರಿಗಣಿಸುವಂತಿಲ್ಲ. ಎಲ್ಲಕ್ಕಿಂತ ಮಿಗಿಲಾಗಿ ಇದು ಸರಣಿ ನಿರ್ಣಾಯಕ ಪಂದ್ಯವಾಗಿರುವ ಕಾರಣ ಜಿದ್ದಾಜಿದ್ದಿನ ಹಣಾಹಣಿ ಕಟ್ಟಿಟ್ಟ ಬುತ್ತಿ.
ತಂಡಗಳ ವಿವರ
ಭಾರತ: ರೋಹಿತ್ ಶರ್ಮಾ (ನಾಯಕ), ಶಿಖರ್ ಧವನ್, ರಿಷಭ್ ಪಂತ್, ದಿನೇಶ್ ಕಾರ್ತಿಕ್, ಕೇದಾರ್ ಜಾಧವ್, ಎಂ.ಎಸ್ ಧೋನಿ, ಕೃಣಾಲ್ ಪಾಂಡ್ಯ, ಕುಲ್ದೀಪ್ ಯಾದವ್, ಯುಜ್ವೇಂದ್ರ ಚಹಲ್, ಭುವನೇಶ್ವರ್ ಕುಮಾರ್, ಸಿದ್ಧಾರ್ಥ್ ಕೌಲ್, ಖಲೀಲ್ ಅಹ್ಮದ್, ಶುಭಮನ್ ಗಿಲ್, ವಿಜಯ ಶಂಕರ್, ಹಾರ್ದಿಕ್ ಪಾಂಡ್ಯ ಮತ್ತು ಮೊಹಮ್ಮದ್ ಸಿರಾಜ್.
ನ್ಯೂಜಿಲೆಂಡ್: ಕೇನ್ ವಿಲಿಯಮ್ಸನ್ (ನಾಯಕ), ಡಗ್ ಬ್ರೇಸ್ವೆಲ್, ಕಾಲಿನ್ ಡಿ'ಗ್ರ್ಯಾಂಡ್ಹೋಮ್, ಲಾಕಿ ಫಗ್ರ್ಯುಸನ್, ಸ್ಕಾಟ್ ಕುಗ್ಗಲೇಜಿನ್, ಕಾಲಿನ್ ಮನ್ರೊ, ಡಾರಿಲ್ ಮಿಚೆಲ್, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೀಫರ್ಟ್, ಇಶ್ ಸೋಧಿ, ಟಿಮ್ ಸೌಥೀ, ರಾಸ್ ಟೇಲರ್, ಬ್ಲೇರ್ ಟಿಕ್ನರ್ ಮತ್ತು ಜಿಮ್ಮಿ ನೀಶಮ್.
ಐಸಿಸಿ ಟಿ20ಐ ರಾರಯಂಕಿಂಗ್
ಭಾರತ: 02 (126 ರೇಟಿಂಗ್) ನ್ಯೂಜಿಲೆಂಡ್: 06 (113 ರೇಟಿಂಗ್)
ಮುಖಾಮುಖಿ: 10
ಭಾರತಕ್ಕೆ ಗೆಲುವು: 03
ನ್ಯೂಜಿಲೆಂಡ್ಗೆ ಜಯ: 07
ಪಂದ್ಯ ಆರಂಭ: ಬೆಳಗ್ಗೆ 12:30
ಸ್ಥಳ: ಸೆಡಾನ್ ಪಾರ್ಕ್ ಕ್ರೀಡಾಂಗಣ, ಹ್ಯಾಮಿಲ್ಟನ್
ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್
ಹ್ಯಾಮಿಲ್ಟನ್ : ಸುಮಾರು ಎರಡೂವರೆ ತಿಂಗಳ ಹಿಂದೆ ಆಸ್ಪ್ರೇಲಿಯಾ ಪ್ರವಾಸ ಕೈಗೊಂಡಾಗಿನಿಂದ 'ಪ್ರಥಮ'ಗಳ ಸರಮಾಲೆಯನ್ನೇ ಪೋಣಿಸುತ್ತಾ ಮುನ್ನುಗ್ಗುತ್ತಿರುವ ಭಾರತ ಕ್ರಿಕೆಟ್ ತಂಡದ ಮುಂದೆ ಇದೀಗ ಇನ್ನೊಂದು 'ಪ್ರಥಮ' ಸಾಧನೆಯ ಅವಕಾಶ.
ಹ್ಯಾಮಿಲ್ಟನ್ನ ಸೆಡಾನ್ ಪಾರ್ಕ್ ಕ್ರೀಡಾಂಗಣದಲ್ಲಿ ಭಾನುವಾರ ಟಿ20 ಸರಣಿಯ 3ನೇ ಹಾಗೂ ಕೊನೆಯ ಪಂದ್ಯ ಗೆದ್ದಲ್ಲಿ, ನ್ಯೂಜಿಲೆಂಡ್ ನೆಲದಲ್ಲಿ ಮೊದಲ ಬಾರಿಗೆ ಟಿ20 ಸರಣಿ ಜಯಿಸಿದ ಚಾರಿತ್ರಿಕ ಸಾಧನೆಗೆ ಟೀಮ್ ಇಂಡಿಯಾ ಭಾಜನವಾಗಲಿದೆ. ರೋಹಿತ್ ಶರ್ಮಾ ಸಾರಥ್ಯದ ಭಾರತ ತಂಡ ಶುಕ್ರವಾರ ಆಕ್ಲೆಂಡ್ನ ಈಡನ್ ಪಾರ್ಕ್ ಕ್ರೀಡಾಂಗಣದಲ್ಲಿ 2ನೇ ಪಂದ್ಯ ಜಯಿಸಿದಾಗಲೇ 'ಪ್ರಥಮ' ಸಾಧನೆಯೊಂದನ್ನು ಮಡಿಲಿಗೆಳೆದುಕೊಂಡಿತ್ತು. ಅಲ್ಲಿಯ ತನಕ ನ್ಯೂಜಿಲೆಂಡ್ ನೆಲದಲ್ಲಿ ಭಾರತ ಟಿ20 ಪಂದ್ಯ ಗೆದ್ದಿರಲಿಲ್ಲ.
ಟೀಮ್ ಇಂಡಿಯಾ ಕಳೆದ ವರ್ಷ ನವೆಂಬರ್ ತಿಂಗಳ ಕೊನೆಯ ವಾರ ಆಸ್ಪ್ರೇಲಿಯಾ ಪ್ರವಾಸ ಕೈಗೊಂಡು ಕಾಂಗರೂಗಳ ನೆಲದಲ್ಲಿ ಮೊದಲ ಬಾರಿಗೆ ಟೆಸ್ಟ್ ಸರಣಿ ಮತ್ತು ದ್ವಿಪಕ್ಷೀಯ ಏಕದಿನ ಸರಣಿ ಗೆದ್ದು ಇತಿಹಾಸ ನಿರ್ಮಿಸಿತ್ತು. ಅದಾದ ಬಳಿಕ ನ್ಯೂಜಿಲೆಂಡ್ಗೆ ದಂಡಯಾತ್ರೆ ಕೈಗೊಂಡು ಪ್ರವಾಸದ ಆರಂಭದಲ್ಲಿ ನಡೆದ ಏಕದಿನ ಸರಣಿಯಲ್ಲಿ ಜಯಭೇರಿ ಬಾರಿಸಿತ್ತು. ಇದೀಗ ಟಿ20 ಸರಣಿಯ ಸರದಿ. ಮೂರು ಪಂದ್ಯಗಳ ಸರಣಿಯಲ್ಲಿ ಸದ್ಯಕ್ಕೆ 1-1ರ ಸಮಬಲ ನೆಲೆಸಿದೆ. ಹೀಗಾಗಿ ಭಾನುವಾರದ ಪಂದ್ಯ ನಿರ್ಣಾಯಕ ಪಾತ್ರ ವಹಿಸಲಿದೆ. 2ನೇ ಪಂದ್ಯದಲ್ಲಿ ರೋಹಿತ್ ಪಡೆ ಆರ್ಭಟಿಸಿದ ಪರಿ ನೋಡಿದರೆ, ಈ ಪಂದ್ಯದಲ್ಲಿ ಜಯ ದಕ್ಕಿಸಿಕೊಳ್ಳಲಾಗದ ಸಂಗತಿಯೇನಲ್ಲ.
ಕರಾಳ ನೆನಪು ಮರುಕಳಿಸದಿರಲಿ
ಹ್ಯಾಮಿಲ್ಟನ್ನ ಸೆಡಾನ್ ಪಾರ್ಕ್ನಲ್ಲಿ ನಡೆದ ಏಕದಿನ ಸರಣಿಯ ನಾಲ್ಕನೇ ಪಂದ್ಯದಲ್ಲಿ ಟೀಮ್ ಇಂಡಿಯಾ ಕೇವಲ 92 ರನ್ಗಳಿಗೆ ದಿಂಡುರುಳಿತ್ತು. 5 ಪಂದ್ಯಗಳ ಸರಣಿಯನ್ನು ಅದಾಗಲೇ 3-0 ಅಂತರದಿಂದ ಕೈವಶ ಮಾಡಿಕೊಂಡಿದ್ದ ಟೀಮ್ ಇಂಡಿಯಾ ಅಂದು ಆತಿಥೇಯ ವೇಗಿ ಟ್ರೆಂಟ್ ಬೌಲ್ಟ್ ಅವರ ಸ್ವಿಂಗ್ ಬೌಲಿಂಗ್ಗೆ ತರಗೆಲೆಯಾಗಿತ್ತು. ಹಾಗಂತ ಈ ಪಂದ್ಯದಲ್ಲೂ ಅದೇ ಫಲಿತಾಂಶ ನಿರೀಕ್ಷಿಸಲಾಗದು. ಇದು ಟಿ20 ಪಂದ್ಯ. ಸರಣಿ ನಿರ್ಣಾಯಕ ಹಣಾಹಣಿ ಬೇರೆ. ಮೊದಲ ಪಂದ್ಯ ಸೋತರೂ 2ನೇ ಪಂದ್ಯ ಗೆದ್ದು ಲಯದ ಹಳಿಗೆ ಮರಳಿರುವ ಟೀಮ್ ಇಂಡಿಯಾಗೆ ಆತಿಥೇಯರನ್ನು ಮಣಿಸುವುದು ಕಷ್ಟವೇನೂ ಆಗಲಾರದು ಎಂದೇ ವ್ಯಾಖ್ಯಾನಿಸಲಾಗುತ್ತಿದೆ.
ಆಡುವ 11ರ ಬಳಗದಲ್ಲಿ ಬದಲಾವಣೆ ಸಾಧ್ಯತೆ ಕಡಿಮೆ
ಅಚಾತುರ್ಯಗಳೇನೂ ಸಂಭವಿಸದಿದ್ದಲ್ಲಿ ಟೀಮ್ ಇಂಡಿಯಾ ಈ ಹಿಂದಿನ ಎರಡು ಪಂದ್ಯಗಳಲ್ಲಿ ಆಡಿದ ತಂಡವನ್ನೇ 3ನೇ ಪಂದ್ಯಕ್ಕೆ ಉಳಿಸಿಕೊಳ್ಳುವ ಸಾಧ್ಯತೆಗಳಿವೆ. ಆದರೂ ಟೀಮ್ ಮ್ಯಾನೇಜ್ಮೆಂಟ್ ಬಯಸಿದಲ್ಲಿ, ಯುಜ್ವೇಂದ್ರ ಚಹಲ್ ಜಾಗದಲ್ಲಿ ಕುಲ್ದೀಪ್ ಯಾದವ್ ಅಖಾಡಕ್ಕಿಳಿಯುವ ಸಾಧ್ಯತೆಗಳಿವೆ ಎನ್ನಲಾಗಿದೆ. ಏತನ್ಮಧ್ಯೆ, ಚುಟುಕು ಮಾದರಿಗೆ ಚಹಲ್ ಅವರೇ ಸೂಕ್ತ ಎಂಬ ಅಭಿಪ್ರಾಯವೂ ಸಾರ್ವತ್ರಿಕವಾಗಿ ಕೇಳಿಬರುತ್ತಿದೆ.
ಆತಿಥೇಯರಿಗೆ ರೋ'ಹಿಟ್' ಭಯ
ಶುಕ್ರವಾರ ಈಡನ್ ಪಾರ್ಕ್ ಕ್ರೀಡಾಂಗಣದಲ್ಲಿ ಕೇವಲ 29 ಎಸೆತಗಳಲ್ಲಿ 50 ರನ್ ಚಚ್ಚಿ ಟಿ20 ಕ್ರಿಕೆಟಿನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾಗಿ ಇತಿಹಾಸ ನಿರ್ಮಿಸಿರುವ ಟೀಮ್ ಇಂಡಿಯಾದ ಹಂಗಾಮಿ ನಾಯಕ ರೋಹಿತ್ ಶರ್ಮಾ ಆತಿಥೇಯ ಬೌಲರ್ಗಳಿಗೆ ಅಕ್ಷರಶಃ ಭಯ ಹುಟ್ಟಿಸಿದ್ದಾರೆ. ಸಿಕ್ಸರ್ ಸಿಡಿಸುವುದರಲ್ಲೂ ನಿಸ್ಸೀಮನಾಗಿರುವ ರೋಹಿತ್ ಇನ್ನೆರಡು ಸಿಕ್ಸರ್ ಸಿಡಿಸಿದರೆ ಕ್ರಿಸ್ ಗೇಲ್ ಮತ್ತು ಮಾರ್ಟಿನ್ ಗಪ್ಟಿಲ್ ಅವರ 102 ಸಿಕ್ಸರ್ಗಳ ದಾಖಲೆ (ಟಿ20ಯಲ್ಲಿ) ಮುರಿಯಲಿದ್ದಾರೆ.
ಶಿಖರ್ ಧವನ್ ಮತ್ತು ರೋಹಿತ್ ಜೋಡಿಯ ಸ್ಫೋಟಕ ಆರಂಭ... ಬಳಿಕ ಮಧ್ಯಮ ಕ್ರಮಾಂಕದಲ್ಲಿ ಅನುಭವಿ ಆಟಗಾರ ಮಹೇಂದ್ರ ಸಿಂಗ್ ಧೋನಿ ಮತ್ತು ಪ್ರತಿಭಾವಂತ ಎಡಗೈ ಆಟಗಾರ ರಿಷಭ್ ಪಂತ್ ಜೋಡಿಯ ಜುಗಲ್ಬಂದಿ ... ಕೇದಾರ್ ಜಾಧವ್, ದಿನೇಶ್ ಕಾರ್ತಿಕ್ರಂಥ ಘಟಾನುಘಟಿಗಳ ಸಾಥ್... ಚುಟುಕು ಮಾದರಿಯ ಹಣಾಹಣಿಯಲ್ಲಿ ಯಾವುದೇ ತಂಡಕ್ಕೆ ಇದಕ್ಕಿಂತ ಹೆಚ್ಚಿನ ಸಂಯೋಜನೆಯ ಅಗತ್ಯ ಬೀಳುವುದಿಲ್ಲ.
ಇನ್ನೊಂದೆಡೆ ಕೇನ್ ವಿಲಿಯಮ್ಸನ್, ರಾಸ್ ಟೇಲರ್ರಂಥ ಅನುಭವಿ ಬ್ಯಾಟ್ಸ್ಮನ್ಗಳು ಹಾಗೂ ಟಿಮ್ ಸೌಥೀಯಂಥ ಭಯಾನಕ ವೇಗದ ಬೌಲರ್ಗಳನ್ನೊಳಗೊಂಡ ನ್ಯೂಜಿಲೆಂಡ್ ತಂಡವನ್ನೂ ಹಗುರವಾಗಿ ಪರಿಗಣಿಸುವಂತಿಲ್ಲ. ಎಲ್ಲಕ್ಕಿಂತ ಮಿಗಿಲಾಗಿ ಇದು ಸರಣಿ ನಿರ್ಣಾಯಕ ಪಂದ್ಯವಾಗಿರುವ ಕಾರಣ ಜಿದ್ದಾಜಿದ್ದಿನ ಹಣಾಹಣಿ ಕಟ್ಟಿಟ್ಟ ಬುತ್ತಿ.
ತಂಡಗಳ ವಿವರ
ಭಾರತ: ರೋಹಿತ್ ಶರ್ಮಾ (ನಾಯಕ), ಶಿಖರ್ ಧವನ್, ರಿಷಭ್ ಪಂತ್, ದಿನೇಶ್ ಕಾರ್ತಿಕ್, ಕೇದಾರ್ ಜಾಧವ್, ಎಂ.ಎಸ್ ಧೋನಿ, ಕೃಣಾಲ್ ಪಾಂಡ್ಯ, ಕುಲ್ದೀಪ್ ಯಾದವ್, ಯುಜ್ವೇಂದ್ರ ಚಹಲ್, ಭುವನೇಶ್ವರ್ ಕುಮಾರ್, ಸಿದ್ಧಾರ್ಥ್ ಕೌಲ್, ಖಲೀಲ್ ಅಹ್ಮದ್, ಶುಭಮನ್ ಗಿಲ್, ವಿಜಯ ಶಂಕರ್, ಹಾರ್ದಿಕ್ ಪಾಂಡ್ಯ ಮತ್ತು ಮೊಹಮ್ಮದ್ ಸಿರಾಜ್.
ನ್ಯೂಜಿಲೆಂಡ್: ಕೇನ್ ವಿಲಿಯಮ್ಸನ್ (ನಾಯಕ), ಡಗ್ ಬ್ರೇಸ್ವೆಲ್, ಕಾಲಿನ್ ಡಿ'ಗ್ರ್ಯಾಂಡ್ಹೋಮ್, ಲಾಕಿ ಫಗ್ರ್ಯುಸನ್, ಸ್ಕಾಟ್ ಕುಗ್ಗಲೇಜಿನ್, ಕಾಲಿನ್ ಮನ್ರೊ, ಡಾರಿಲ್ ಮಿಚೆಲ್, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೀಫರ್ಟ್, ಇಶ್ ಸೋಧಿ, ಟಿಮ್ ಸೌಥೀ, ರಾಸ್ ಟೇಲರ್, ಬ್ಲೇರ್ ಟಿಕ್ನರ್ ಮತ್ತು ಜಿಮ್ಮಿ ನೀಶಮ್.
ಐಸಿಸಿ ಟಿ20ಐ ರಾರಯಂಕಿಂಗ್
ಭಾರತ: 02 (126 ರೇಟಿಂಗ್) ನ್ಯೂಜಿಲೆಂಡ್: 06 (113 ರೇಟಿಂಗ್)
ಮುಖಾಮುಖಿ: 10
ಭಾರತಕ್ಕೆ ಗೆಲುವು: 03
ನ್ಯೂಜಿಲೆಂಡ್ಗೆ ಜಯ: 07
ಪಂದ್ಯ ಆರಂಭ: ಬೆಳಗ್ಗೆ 12:30
ಸ್ಥಳ: ಸೆಡಾನ್ ಪಾರ್ಕ್ ಕ್ರೀಡಾಂಗಣ, ಹ್ಯಾಮಿಲ್ಟನ್
ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್