ಟಿ-20 ಸರಣಿಗೂ ಮುನ್ನ ವಿಂಡೀಸ್‌ಗೆ ಡಬಲ್ ಆಘಾತ

ಕೋಲ್ಕತ್ತಾ: ಆತಿಥೇಯ ಭಾರತ ವಿರುದ್ಧ ನಡೆಯಲಿರುವ ಮೂರು ಟ್ವೆಂಟಿ-20 ಸರಣಿಗೂ ಮುನ್ನ ಪ್ರವಾಸಿ ವೆಸ್ಟ್‌ಇಂಡೀಸ್ ತಂಡವು ಡಬಲ್ ಆಘಾತವನ್ನು ಎದುರಿಸಿದೆ.

ಮೊದಲು ಭುಜ ನೋವಿನಿಂದಾಗಿ ಸ್ಪಿನ್ನರ್ ಆಶ್ಲೇ ನರ್ಸ್ ಸೇವೆಯನ್ನು ವಿಂಡೀಸ ಕಳೆದುಕೊಂಡಿತು. ಇದೀಗ ಗಾಯದ ಸಮಸ್ಯೆಗೆ ಸಿಲುಕಿರುವ ಆಲ್‌ರೌಂಡರ್ ಆ್ಯಂಡ್ರೆ ರಸೆಲ್‌ ಅವರನ್ನು ಕಳೆದುಕೊಂಡಿದೆ.

ಕೋಲ್ಕತ್ತಾದಲ್ಲಿ ಭಾನುವಾರ ಸಂಜೆ ನಡೆಯಲಿರುವ ಹೈ ವೋಲ್ಟೇಜ್ ಪಂದ್ಯಕ್ಕೂ ಮುನ್ನ ವಿಂಡೀಸ್ ಇಬ್ಬರು ಪ್ರಮುಖ ಆಟಗಾರರ ಸೇವೆಯಿಂದ ವಂಚಿತವಾಗಿದೆ.

ಇದೀಗ ಏಕದಿನದಲ್ಲಿ ಪ್ರಭಾವಿ ಪ್ರದರ್ಶನ ನೀಡಿರವು ಶಾಯ್ ಹೋಪ್ ಅವರನ್ನು, ರೆಸೆಲ್ ಸ್ಥಾನಕ್ಕೆ ಆಯ್ಕೆ ಮಾಡಲಾಗಿದೆ.

ಗಾಯದ ಹಿನ್ನಲೆಯಲ್ಲಿ ರೆಸೆಲ್ ಏಕದಿನ ಸರಣಿಗೂ ಅಲಭ್ಯವಾಗಿದ್ದರು. ಬಳಿಕ ಟಿ-20 ತಂಡಕ್ಕೆ ಆಯ್ಕೆಯಾಗಿದ್ದರೂ ಅಭ್ಯಾಸ ಅವಧಿಯಲ್ಲಿ ಭಾಗವಹಿಸಿರಲಿಲ್ಲ.

ವಿಂಡೀಸ್ ತಂಡ ಇಂತಿದೆ: ಕಾರ್ಲೋಸ್‌ ಬ್ರಾತ್‌ವೇಟ್‌ (ನಾಯಕ), ಫಾಬಿಯಾನ್‌ ಆಲನ್‌, ಡರೆನ್‌ ಬ್ರಾವೊ, ಶಿಮ್ರನ್‌ ಹೆಟ್ಮಾಯರ್‌, ಕೀಮೊ ಪಾಲ್‌, ಕೀರಾನ್‌ ಪೊಲಾರ್ಡ್‌, ದಿನೇಶ್‌ ರಾಮ್‌ದಿನ್‌ (ವಿಕೆಟ್‌ಕೀಪರ್‌), ಶಾಯ್ ಹೋಪ್, ಶೆರ್ಫಾನ್‌ ರುದರ್‌ಫೋರ್ಡ್‌, ಒಶಾನ್‌ ಥಾಮಸ್‌, ಖಾರಿ ಪಿಯರ್‌, ಒಬೆದ್‌ ಮಕಾಯ್‌, ರೋವ್ಮನ್‌ ಪೊವೆಲ್‌, ನಿಕೊಲಸ್‌ ಪೂರಣ್‌.