ದುಬೈ: 19 ವರ್ಷದೊಳಗಿನವರ ಐಸಿಸಿ ವಿಶ್ವಕಪ್ಗೆ ಐಸಿಸಿ ಪ್ಯಾನಲ್ ಅಂಪೈರ್ಗಳ ಪಟ್ಟಿ ಪ್ರಕಟವಾಗಿದ್ದು, ಕರ್ನಾಟಕದ ಸಿ.ಕೆ ನಂದನ್ ಸ್ಥಾನ ಪಡೆದಿದ್ದಾರೆ.
14 ಮಂದಿಯ ತಂಡದಲ್ಲಿ ನಂದನ್ ಮತ್ತು ಅನಿಲ್ ಚೌಧರಿ ಭಾರತದಿಂದ ಆಯ್ಕೆಯಾಗಿರುವ ಅಂಪೈರ್ಗಳಾಗಿದ್ದಾರೆ. ಕಿರಿಯರ ವಿಶ್ವಕಪ್ ಟೂರ್ನಿ ಜ.13ರಂದು ನ್ಯೂಜಿಲೆಂಡ್ನಲ್ಲಿ ಆರಂಭವಾಗಲಿದೆ.
12ನೇ ಆವೃತ್ತಿಯ ಟೂರ್ನಿಯಲ್ಲಿ ಸಿ.ಕೆ ನಂದನ್, ಅನಿಲ್ ಚೌಧರಿ, ರಾಬರ್ಟ್ ಬೈಲಿ, ಗ್ರೆಗೋರಿ ಬ್ರಾತ್ವೇಟ್, ನೈಜಲ್ ಡ್ಯುಗಿಡ್, ಶಾನ್ ಜಾರ್ಜ್, ಶಾನ್ ಹೇಗ್, ಮಾರ್ಕ್ ಹಾಥೋರ್ನ್, ರಾರಯನ್ಮೋರ್ ಮಾರ್ಟಿನೆಜ್, ಅಹ್ಸಾನ್ ರಾಜಾ, ಶೊಜಾಬ್ ರಾಜಾ, ರಾಬರ್ಟ್ ರಾಬಿನ್ಸನ್, ಲಾಂಗ್ಟನ್ ರುಸೇರ್, ಪಾಲ್ ವಿಲ್ಸನ್ ಅಂಪೈರ್ಗಳಾಗಿ ಕಾರ್ಯನಿರ್ವಹಿಸಲಿದ್ದಾರೆ.
ಆತಿಥೇಯ ನ್ಯೂಜಿಲೆಂಡ್ ಹಾಗೂ ಹಾಲಿ ಚಾಂಪಿಯನ್ಸ್ ವೆಸ್ಟ್ ಇಂಡೀಸ್ ತಂಡಗಳ ನಡುವೆ ಜ.13ರಂದು ಬೇ ಓವಲ್ ಮೈದಾನದಲ್ಲಿ ನಡೆಯಲಿರುವ ಉದ್ಘಾಟನಾ ಪಂದ್ಯಕ್ಕೆ ಶಾನ್ ಜಾರ್ಜ್ ಮತ್ತು ಅಹ್ಸಾನ್ ರಾಜಾ ಅಂಪೈರ್ಗಳಾಗಿ ಆಯ್ಕೆಯಾಗಿದ್ದಾರೆ. ಟೂರ್ನಿಯಲ್ಲಿ ಪೃಥ್ವಿ ಶಾ ಸಾರಥ್ಯದ ಭಾರತ ಸಹಿತ 16 ತಂಡಗಳು ಭಾಗವಹಿಸಲಿವೆ.