ಆಂಗ್ಲರ ಸೊಕ್ಕಡಗಿಸಿದ ಕಾಂಗರೂ ಪಡೆ; 4ನೇ ಆ್ಯಶಸ್ ಟೆಸ್ಟ್‌ನಲ್ಲಿ 185 ರನ್ ಅಂತರದ ಭರ್ಜರಿ ಗೆಲುವು

ಮ್ಯಾಂಚೆಸ್ಟರ್‌: ಆತಿಥೇಯ ಇಂಗ್ಲೆಂಡ್‌ ತಂಡವನ್ನು 2ನೇ ಇನಿಂಗ್ಸ್‌ನಲ್ಲಿ ಕೇವಲ 197 ರನ್‌ಗಳಿಗೆ ಆಲ್‌ಔಟ್‌ ಮಾಡುವ ಮೂಲಕ 185 ರನ್‌ಗಳಿಂದ 4ನೇ ಟೆಸ್ಟ್‌ ಗೆದ್ದ ಆಸ್ಪ್ರೇಲಿಯಾ ತಂಡ 5 ಪಂದ್ಯಗಳ ಸರಣಿಯಲ್ಲಿ 2-1 ಮುನ್ನಡೆ ಗಳಿಸಿದೆ. ಇದರೊಂದಿಗೆ ಪ್ರಸಕ್ತ ಸಾಲಿನ ಆ್ಯಶಸ್‌ ಟ್ರೋಫಿಯನ್ನು ತನ್ನಲ್ಲೇ ಉಳಿಸಿಕೊಳ್ಳುವಲ್ಲಿ ಕಾಂಗರೂ ಪಡೆ ಯಶಸ್ವಿಯಾಗಿದೆ.

ನಾನು ನೋಡಿದವರ ಪೈಕಿ ಸ್ಟೀವ್ ಸ್ಮಿತ್ ಬೆಸ್ಟ್ ಪ್ಲೇಯರ್: ಆಸೀಸ್ ನಾಯಕ

ಇಲ್ಲಿನ ಓಲ್ಡ್‌ ಟ್ರಾಫರ್ಡ್‌ ಕ್ರೀಡಾಂಗಣದಲ್ಲಿ ನಡೆದ 4ನೇ ಟೆಸ್ಟ್‌ನ 4ನೇ ದಿನವಾದ ಶನಿವಾರ 2ನೇ ಇನಿಂಗ್ಸ್‌ನಲ್ಲಿ 2 ವಿಕೆಟಿಗೆ 18 ರನ್‌ ಗಳಿಸಿದ್ದ ಇಂಗ್ಲೆಂಡ್‌ ತಂಡ ಭಾನುವಾರ ಆಟ ಮುಂದುವರಿಸಿ 197 ರನ್‌ಗಳಿಗೆ ಸರ್ವಪತನಗೊಂಡು 185 ರನ್‌ಗಳಿಂದ ಸೋಲೊಪ್ಪಿಕೊಂಡಿತು. ಆತಿಥೇಯರ 2ನೇ ಇನಿಂಗ್ಸ್‌ನಲ್ಲಿ ಜೋ ಡೆನ್ಲಿ (53) ಮತ್ತು ಜೋಸ್‌ ಬಟ್ಲರ್‌ (34) ಹೊರತುಪಡಿಸಿದರೆ ಉಳಿದ ಬ್ಯಾಟ್ಸ್‌ಮನ್‌ಗಳಿಂದ ನಿರೀಕ್ಷಿತ ಮಟ್ಟದ ಪ್ರದರ್ಶನ ಮೂಡಿಬರಲಿಲ್ಲ. ಆಸ್ಪ್ರೇಲಿಯಾ ಪರ ಪ್ಯಾಟ್‌ ಕಮಿನ್ಸ್‌ 43ಕ್ಕೆ 4 ಬೌಲಿಂಗ್‌ನಲ್ಲಿ ಮಿಂಚಿದರು.

ಇದರೊಂದಿಗೆ ಆಸೀಸ್ ನಾಯಕ ಟಿಮ್ ಪೈನ್, ಆ್ಯಶಸ್ ಸರಣಿ ಉಳಿಸಿದ ಹಿರಿಮೆಗೆ ಪಾತ್ರವಾಗಿದ್ದಾರೆ. ಇನ್ನೊಂದೆಡೆ ಬಾಲ್ ಟ್ಯಾಂಪರಿಂಗ್ ಶಿಕ್ಷೆಯ ಬಳಿಕ ಭರ್ಜರಿ ಕಮ್‌ಬ್ಯಾಕ್ ಮಾಡಿರುವ ಮಾಜಿ ನಾಯಕ ಸ್ಮಿತ್ ಆಸೀಸ್ ಪಾಲಿಗೆ ಗೆಲುವಿನ ರೂವಾರಿನಿಸಿದರು.

ಆ್ಯಶಸ್ ಟೆಸ್ಟ್ ಸರಣಿಯಲ್ಲಿ ಆಸೀಸ್ ವಿಜಯೋತ್ಸವದ ರೋಚಕ ಕ್ಷಣಗಳನ್ನು ಮಿಸ್ ಮಾಡದಿರಿ

ಜೀವಮಾನದಲ್ಲೇ ಶ್ರೇಷ್ಠ ಫಾರ್ಮ್‌ನಲ್ಲಿರುವ ಸ್ಮಿತ್ ಅನುಕ್ರಮವಾಗಿ 211 ಹಾಗೂ 82 ರನ್ ಗಳಿಸಿ ಆಸೀಸ್ ಗೆಲುವಿನಲ್ಲಿ ಸ್ಮರಣೀಯ ಪಾತ್ರ ವಹಿಸಿದ್ದಾರೆ.

ಸಂಕ್ಷಿಪ್ತ ಸ್ಕೋರ್‌
ಆಸ್ಪ್ರೇಲಿಯಾ : 8ಕ್ಕೆ 497 ಡಿಕ್ಲೇರ್ಡ್‌ ಮತ್ತು 2ನೇ ಇನಿಂಗ್ಸ್‌ 6ಕ್ಕೆ 186 ಡಿಕ್ಲೇರ್ಡ್‌
ಇಂಗ್ಲೆಂಡ್‌ : 301 ಮತ್ತು 197