ಟೀಮ್‌ ಇಂಡಿಯಾಗೆ ಭರ್ಜರಿ ಬೋನಸ್‌

ಹೊಸದಿಲ್ಲಿ: ಆಸ್ಪ್ರೇಲಿಯಾ ನೆಲದಲ್ಲಿ ಚೊಚ್ಚಲ ಟೆಸ್ಟ್‌ ಸರಣಿ ಜಯ ದಾಖಲಿಸಿದ ಭಾರತ ತಂಡಕ್ಕೆ ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ ಮಂಗಳವಾರ ಬೋನಸ್‌ ಘೋಷಿಸಿದೆ.

ಕೊಹ್ಲಿ ಬಳಗದ ಸಾಧನೆಯನ್ನು ಪ್ರಶಂಶಿಸಿರುವ ಬಿಸಿಸಿಐ, ತಂಡದ ಪ್ರತಿಯೊಬ್ಬ ಆಟಗಾರನಿಗೂ ಪ್ರತಿ ಪಂದ್ಯಕ್ಕೆ ಅಂದಾಜು 15 ಲಕ್ಷ ರೂ. ಬೋನಸ್‌ ನೀಡುವುದಾಗಿ ಘೋಷಿಸಿದೆ. ಇನ್ನು ಕಾಯ್ದಿರಿಸಲ್ಪಟ್ಟ ಆಟಗಾರರು ಕೂಡ ಪ್ರತಿ ಪಂದ್ಯಕ್ಕೆ 7.5 ಲಕ್ಷ ರೂ. ಜೇಬಿಗಿಳಿಸಲಿದ್ದಾರೆ.

ಕೋಚ್‌ ರವಿಶಾಸ್ತ್ರಿ ಮತ್ತು ಸಹಾಯಕ ಬಳಗ ಪ್ರತಿ ಪಂದ್ಯಕ್ಕೆ 25 ಲಕ್ಷ ರೂ. ಬೋನಸ್‌ ಪಡೆಯಲಿದೆ.