ವರ್ಲ್ಡ್ ಕಪ್ ಕ್ರಿಕೆಟ್: ಭಾರತ ತಂಡ ಏ. 15ರಂದು ಪ್ರಕಟ

ಹೊಸದಿಲ್ಲಿ: ಮುಂಬರುವ ಐಸಿಸಿ ವರ್ಲ್ಡ್ ಕಪ್ ಕ್ರಿಕೆಟ್ ಟೂರ್ನಿಗೆ ಭಾರತದ ತಂಡವನ್ನು ಮುಂದಿನ ಸೋಮವಾರ, ಏಪ್ರಿಲ್ 15ರಂದು ಪ್ರಕಟಿಸುವ ನಿರೀಕ್ಷೆಯಿದೆ.

ಇಂಗ್ಲೆಂಡ್ ಮತ್ತು ವೇಲ್ಸ್‌ನಲ್ಲಿ ವರ್ಲ್ಡ್ ಕಪ್ ಕ್ರಿಕೆಟ್ ನಡೆಯಲಿದೆ.

ಬಿಸಿಸಿಐನ ಹಿರಿಯ ಆಯ್ಕೆ ಸಮಿತಿ ಮತ್ತು ಭಾರತ ತಂಡದ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಮುಂಬಯಿಯಲ್ಲಿ ಮುಂದಿನ ಸೋಮವಾರ ವಿಶ್ವಕಪ್ ಕ್ರಿಕೆಟ್‌ಗೆ 15 ಮಂದಿಯ ಭಾರತ ತಂಡವನ್ನು ಆಯ್ಕೆ ಮಾಡಿ ಪ್ರಕಟಿಸುವ ಸಾಧ್ಯತೆಯಿದೆ.

ಮೇ 30ರಂದು ಆರಂಭವಾಗುವ ಕ್ರಿಕೆಟ್ ವಿಶ್ವಕಪ್, ಜುಲೈ 14ರಂದು ಫೈನಲ್‌ನೊಂದಿಗೆ ಕೊನೆಯಾಗಲಿದೆ.

ವಿಶ್ವಕಪ್‌ ಕ್ರಿಕೆಟ್‌ನಲ್ಲಿ ಪಾಲ್ಗೊಳ್ಳುವ ತಂಡಗಳನ್ನು ಪ್ರಕಟಿಸಲು ಏ. 23 ಕೊನೆಯ ದಿನವಾಗಿದ್ದರೂ, ಬಿಸಿಸಿಐ ಅದಕ್ಕೂ ಮುಂಚಿತವಾಗಿಯೇ ಕ್ರಿಕೆಟ್ ತಂಡ ಪ್ರಕಟಿಸುವ ನಿರ್ಧಾರ ಕೈಗೊಂಡಿದೆ. ಜೂನ್ 5ರಂದು ಭಾರತ ವಿಶ್ವಕಪ್ ಕ್ರಿಕೆಟ್‌ನಲ್ಲಿ ದಕ್ಷಿಣ ಆಫ್ರಿಕಾವನ್ನು ಎದುರಿಸಲಿದೆ.