ತವರಿನಲ್ಲಿ ಪಾಕಿಸ್ತಾನಕ್ಕೆ ಭಾರಿ ಮುಖಭಂಗ; ಶ್ರೀಲಂಕಾಗೆ ಸರಣಿ ಗೆಲುವಿನ ಸಿಹಿ

ಲಾಹೋರ್: ಭದ್ರತಾ ಕಳವಳದ ಮಧ್ಯೆ ಪಾಕಿಸ್ತಾನಕ್ಕೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಮರಳಿತ್ತು. ಆದರೆ ತವರು ನೆಲದಲ್ಲಿ ನಡೆದ ಟ್ವೆಂಟಿ-20 ಸರಣಿಯಲ್ಲಿ ಶ್ರೀಲಂಕಾ ವಿರುದ್ಧ ಸೋಲಿನ ಮುಖಭಂಗಕ್ಕೊಳಗಾಗಿದೆ.

ಲಾಹೋರ್‌ನಲ್ಲಿ ನಡೆದ ದ್ವಿತೀಯ ಟ್ವೆಂಟಿ-20 ಪಂದ್ಯದಲ್ಲೂ ಪಾಕಿಸ್ತಾನ 35 ರನ್ ಅಂತರದ ಸೋಲಿಗೆ ಶರಣಾಗಿದೆ. ಇದರೊಂದಿಗೆ ಇನ್ನೊಂದು ಪಂದ್ಯ ಬಾಕಿ ಉಳಿದಿರುವಂತೆಯೇ 2-0 ಅಂತರದಲ್ಲಿ ಶ್ರೀಲಂಕಾ ಸರಣಿ ವಶಪಡಿಸಿದೆ.

ನಾಯಕನ ಆಟವಾಡಿದ ಪಾಂಡೆ ಫಿಫ್ಟಿ; ಆಂಧ್ರ ವಿರುದ್ಧ ಕರ್ನಾಟಕ ಗೆಲುವು

ಟಿ20 ನಾಯಕ ಲಸಿತ್ ಮಾಲಿಂಗ ಸೇರಿದಂತೆ 10 ಪ್ರಮುಖ ಆಟಗಾರರು ಪಾಕಿಸ್ತಾನ ಪ್ರವಾಸ ಕೈಗೊಳ್ಳಲು ನಿರಾಕರಿಸಿದ್ದರು. ಇದೀಗ ಪ್ರಮುಖ ಆಟಗಾರರ ಅನುಪಸ್ಥಿತಿಯಲ್ಲೂ ದಸುನ್ ಶನಕ ಮುಂದಾಳತ್ವದಲ್ಲಿ ಸರಣಿ ಗೆದ್ದಿರುವುದು ಲಂಕಾ ಪಾಲಿಗೆ ಮಹತ್ತರ ಸಾಧನೆಯಾಗಿದೆ.

ಐಸಿಸಿ ಟ್ವೆಂಟಿ-20 ತಂಡ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಪಾಕಿಸ್ತಾನ ನಂ. ಸ್ಥಾನದಲ್ಲಿದೆ. ಇದೀಗ ಅಗ್ರಸ್ಥಾನಿಯಾಗಿರುವ ಪಾಕ್ ತಂಡವನ್ನು ಅವರದ್ದೇ ನೆಲದಲ್ಲಿ ಎಂಟನೇ ಸ್ಥಾನದಲ್ಲಿರುವ ಶ್ರೀಲಂಕಾ ಮಣಿಸಿರುವುದು, ಇನ್ನಷ್ಟೇ ಬಿಡುಗಡೆಯಾಗಲಿರುವ ತಾಜಾ ರ‍್ಯಾಂಕಿಂಗ್ ಪಟ್ಟಿಯಲ್ಲಿ ಭಾರಿ ಬದಲಾವಣೆಯಾಗುವ ಸಾಧ್ಯತೆಯಿದೆ.

ನಿಮ್ಮ ಟಿವಿಯಲ್ಲಿ ಜಡೇಜಾ ನಿರ್ವಹಣೆ ಕಾಣಿಸುತ್ತಿಲ್ಲವೇ? ವೀರುಗೆ ಪರೋಕ್ಷ ಟಾಂಗ್ ಕೊಟ್ಟ ಜಡ್ಡು!

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಲಂಕಾ ಭಾನುಕಾ ರಾಜಪಕ್ಸೆ (77) ಬಿರುಸಿನ ಅರ್ಧಶತಕದ ನೆರವಿನಿಂದ ನಿಗದಿತ 20 ಓವರ್‌ಗಳಲ್ಲಿ ಆರು ವಿಕೆಟ್ ನಷ್ಟಕ್ಕೆ 182 ರನ್‌ಗಳ ಬೃಹತ್ ಮೊತ್ತ ಪೇರಿಸಿತ್ತು.

ಕೇವಲ 48 ಎಸೆತಗಳನ್ನು ಎದುರಿಸಿದ ರಾಜಪಕ್ಸೆ ನಾಲ್ಕು ಬೌಂಡರಿ ಹಾಗೂ ಆರು ಸಿಕ್ಸರ್ ನೆರವಿನಿಂದ 77 ರನ್ ಗಳಿಸಿದ್ದರು. ಶೆಹನ್ ಜಯಸೂರ್ಯ (34) ಹಾಗೂ ನಾಯಕ ದಸುನ್ ಶನಕ (27*) ಕೂಡಾ ಉಪಯುಕ್ತ ಇನ್ನಿಂಗ್ಸ್ ಕಟ್ಟಿದರು. ಈ ಪೈಕಿ ದಸುನ್ ಕೇವಲ 15 ಎಸೆತಗಳಲ್ಲಿ ಮೂರು ಬೌಂಡರಿ ಹಾಗೂ ಸಿಕ್ಸರ್ ನೆರವಿನಿಂದ 27 ರನ್ ಗಳಿಸಿ ಅಜೇಯರಾಗುಳಿದರು.

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತಕ್ಕೆ ಹ್ಯಾಟ್ರಿಕ್ ಗೆಲುವು

ಬಳಿಕ ಗುರಿ ಬೆನ್ನಟ್ಟಿದ ಆತಿಥೇಯ ಪಾಕಿಸ್ತಾನ, ನುವಾನ್ ಪ್ರದೀಪ್ (25/4) ಹಾಗೂ ವನಿಂಡು ಹಸರಂಗ (38/3) ದಾಳಿಗೆ ಸಿಲುಕಿ 19 ಓವರ್‌ಗಳಲ್ಲೇ 147 ರನ್‌ಗಳಿಗೆ ಸರ್ವಪತನವನ್ನು ಕಂಡಿತು.

ಪಾಕ್ ಪರ ಇಮಾದ್ ವಾಸೀಂ (47), ಆಸಿಫ್ ಅಲಿ (29) ಮತ್ತು ಸರ್ಫರಾಜ್ ಅಹ್ಮದ್ (26) ಅಲ್ಪ ಮಟ್ಟಿನ ಹೋರಾಟ ನೀಡಿದರು. ಲಂಕಾ ಪರ ಪ್ರದೀಪ್ ನಾಲ್ಕು, ವನಿಂಡು ಮೂರು ಹಾಗೂ ಇಸುರು ಉದಾನ ಎರಡು ವಿಕೆಟ್ ಕಬಳಿಸಿದರು.

ಟಿ20 ಸರಣಿಯ ಅಂತಿಮ ಪಂದ್ಯವು ಲಾಹೋರ್‌ನಲ್ಲೇ ಅಕ್ಟೋಬರ್ 9 ಬುಧವಾರದಂದು ನಡೆಯಲಿದೆ. ಮೊದಲ ಟಿ20 ಪಂದ್ಯದಲ್ಲಿ ಲಂಕಾ 64 ರನ್ ಅಂತರದ ಗೆಲುವು ದಾಖಲಿಸಿತ್ತು.

ಟಿ20 ಸರಣಿಗೂ ಮುನ್ನ ನಡೆದಿ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ಪಾಕಿಸ್ತಾನ 2-0 ಅಂತರದ ಗೆಲುವು ದಾಖಲಿಸಿತ್ತು. ಮೊದಲ ಪಂದ್ಯ ಮಳೆಯಿಂದಾಗಿ ರದ್ದುಗೊಂಡಿತ್ತು.