ಭುವಿ ಪವರ್‌ಫುಲ್ ಸಿಕ್ಸರ್ ನೋಡಿ ತಲೆಬಾಗಿದ ಕೋಹ್ಲಿ

ಮುಂಬಯಿ: ಪ್ರವಾಸಿ ನ್ಯೂಜಿಲೆಂಡ್ ವಿರುದ್ಧ ಇಲ್ಲಿನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮೊದಲ ಏಕದಿನ ಪಂದ್ಯದಲ್ಲಿ ಭಾರತ ಕ್ರಿಕೆಟ್ ತಂಡದ ನಾಯಕ ಶತಕ ಬಾರಿಸಿರುವುದು ಎಲ್ಲರ ಗಮನ ಸೆಳೆದಿದೆ.

ಇದು ಕೋಹ್ಲಿ ಅವರ 200ನೇ ಪಂದ್ಯವಾಗಿತ್ತು. ಆದರೆ ಕೊನೆಯ ಹಂತದಲ್ಲಿ ಕೇವಲ 15 ಎಸೆತಗಳಲ್ಲಿ 26 ರನ್ ಗಳಿಸುವ ಮೂಲಕ ತಂಡದ ಮೊತ್ತ 280ಕ್ಕೆ ಏರಿಸುವಲ್ಲಿ ಭುವನೇಶ್ವರ್ ಕುಮಾರ್ ನಿರ್ಣಾಯಕ ಪಾತ್ರ ವಹಿಸಿದ್ದರು.

ಭುವಿ ಇನ್ನಿಂಗ್ಸ್‌ನಲ್ಲಿ ತಲಾ ಎರಡು ಸಿಕ್ಸರ್ ಮತ್ತು ಬೌಂಡರಿಗಳು ಸೇರಿದ್ದವು. ಈ ನಡುವೆ ಪಂದ್ಯದ 49ನೇ ಓವರ್‌ನಲ್ಲಿ ಮಿಲ್ನೆ ಅವರ ಶಾರ್ಟ್ ಪಿಚ್ ಎಸೆತದಲ್ಲಿ ಭುವಿ ಪವರ್‌ಫುಲ್ ಸಿಕ್ಸರ್ ಬಾರಿಸಿದ್ದರು.



ನಾನ್ ಸ್ಟ್ರೈಕರ್‌ನಲ್ಲಿ ಇದ್ದುಕೊಂಡು ಭುವಿ ಸಿಕ್ಸರನ್ನು ಕಣ್ಣಾರೆ ನೋಡಿದ ನಾಯಕ ಕೋಹ್ಲಿ, ಹತ್ತಿರ ಬಂದು ತಲೆಬಾಗುವ ಮೂಲಕ ಭೇಷ್ ಅಂದರು.

ಕಳೆದ ಕೆಲವು ಸಮಯಗಳಿಂದ ಭುವನೇಶ್ವರ್ ಬ್ಯಾಟಿಂಗ್‌ನಲ್ಲಿ ಭಾರಿ ಸುಧಾರಣೆ ಕಂಡುಬಂದಿದೆ. ಇತ್ತೀಚೆಗಷ್ಟೇ ಮಹೇಂದ್ರ ಸಿಂಗ್ ಧೋನಿ ಜತೆ ಮ್ಯಾಚ್ ವಿನ್ನಿಂಗ್ ಅರ್ಧಶತಕವನ್ನು ಭುವಿ ಬಾರಿಸಿರುವುದು ನೀವಿಲ್ಲಿ ನೆನಪಿಸಿಕೊಳ್ಳಬಹುದಾಗಿದೆ.