Bowlers Fuel 'choker' South Africa's World Cup Ambitions
ರಬಾಡ ಮ್ಯಾಜಿಕ್‌ ನಿರೀಕ್ಷೆಯಲ್ಲಿ ಹರಿಣ ಪಡೆ
ವಿಶ್ವಕಪ್‌ ಇತಿಹಾಸದಲ್ಲಿ ಕಳೆದ ಕೆಲವು ಆವೃತ್ತಿಗಳಿಂದ 'ಚೋಕರ್ಸ್‌' ಹಣೆಪಟ್ಟಿ ಹೊತ್ತಿರುವ ದಕ್ಷಿಣ ಆಫ್ರಿಕಾ ತಂಡ ಇದೀಗ ಎಳೆಯ ಸುಂಟರಗಾಳಿ ವೇಗದ ಬೌಲರ್‌ ಕಗಿಸೊ ರಬಾಡ ಮತ್ತು ಹಿರಿಯ ಸ್ಪಿನ್ನರ್‌ ಇಮ್ರಾನ್‌ ತಾಹಿರ್‌ ನೇತೃತ್ವದ ಬೌಲಿಂಗ್‌ ಪಡೆಯ ನೆರವಿನಿಂದ ವಿಶ್ವಕಪ್‌ನಲ್ಲಿ ವಿಜೃಂಭಿಸುವ ವಿಶ್ವಾಸದಲ್ಲಿದೆ.
PTI25 May 2019, 5:00 am
ವಿಶ್ವಕಪ್‌ ಇತಿಹಾಸದಲ್ಲಿ ಸೆಮಿಫೈನಲ್‌ ಸಾಧನೆಗೇ ಸೀಮಿತಗೊಂಡಿರುವ ದ.ಆಫ್ರಿಕಾಕ್ಕೆ ಈ ಬಾರಿ ಬೌಲರ್‌ಗಳೇ ಜೀವಾಳ
Vijaya Karnataka Webರಬಾಡ ಮ್ಯಾಜಿಕ್‌ ನಿರೀಕ್ಷೆಯಲ್ಲಿ ಹರಿಣ ಪಡೆ
ಕೋಲ್ಕೊತಾ : ವಿಶ್ವಕಪ್‌ ಇತಿಹಾಸದಲ್ಲಿ ಕಳೆದ ಕೆಲವು ಆವೃತ್ತಿಗಳಿಂದ 'ಚೋಕರ್ಸ್‌' ಹಣೆಪಟ್ಟಿ ಹೊತ್ತಿರುವ ದಕ್ಷಿಣ ಆಫ್ರಿಕಾ ತಂಡ ಇದೀಗ ಎಳೆಯ ಸುಂಟರಗಾಳಿ ವೇಗದ ಬೌಲರ್‌ ಕಗಿಸೊ ರಬಾಡ ಮತ್ತು ಹಿರಿಯ ಸ್ಪಿನ್ನರ್‌ ಇಮ್ರಾನ್‌ ತಾಹಿರ್‌ ನೇತೃತ್ವದ ಬೌಲಿಂಗ್‌ ಪಡೆಯ ನೆರವಿನಿಂದ ವಿಶ್ವಕಪ್‌ನಲ್ಲಿ ವಿಜೃಂಭಿಸುವ ವಿಶ್ವಾಸದಲ್ಲಿದೆ.
ಆಡುವ ಹನ್ನೊಂದರ ಬಳಗಕ್ಕೆ ಘಟಾನುಘಟಿಗಳನ್ನು ಸೇರಿಸಿಕೊಂಡೂ ದಕ್ಷಿಣ ಆಫ್ರಿಕಾ ತಂಡ ಇದುವರೆಗೆ ಆಡಿದ ಏಳು ಆವೃತ್ತಿಗಳಲ್ಲಿ ಒಮ್ಮೆಯೂ ಫೈನಲ್‌ ಪ್ರವೇಶಿಸಿಲ್ಲ ಎಂಬುದು ವಿಪರ್ಯಾಸ. 'ವರ್ಣಭೇದ ನೀತಿ'ಗಾಗಿ 22 ವರ್ಷ ಅಂತಾರಾಷ್ಟ್ರೀಯ ಸ್ಪರ್ಧೆಗಳಿಂದ ಹೊರಗುಳಿದಿದ್ದ ದಕ್ಷಿಣ ಆಫ್ರಿಕಾ ತಂಡ 1992ರಲ್ಲಿ ವಿಶ್ವಕಪ್‌ನಲ್ಲಿ ಆಡುವ ಅವಕಾಶ ಗಿಟ್ಟಿಸಿತ್ತು. ಆಡಿದ ಮೊದಲ ಆವೃತ್ತಿಯಲ್ಲೇ ಸೆಮಿಫೈನಲ್‌ ಕೂಡ ಪ್ರವೇಶಿಸಿತ್ತು. ಆದರೆ, ಪ್ರಶಸ್ತಿ ಸುತ್ತು ಪ್ರವೇಶಿಸುವುದಕ್ಕೆ ಸಾಧ್ಯವಾಗಿರಲಿಲ್ಲ. ಹರಿಣ ಪಡೆ ಆ ನಂತರವೂ ಮೂರು ಬಾರಿ (1999, 2007 ಮತ್ತು 2015) ಸೆಮಿಫೈನಲ್ಸ್‌ ಪ್ರವೇಶಿಸಿತ್ತು. ಆದರೆ, ಪ್ರಶಸ್ತಿ ಸುತ್ತು ಮಾತ್ರ ಮರೀಚಿಕೆಯಾಗಿಯೇ ಉಳಿಯಿತು. ಹೀಗಾಗಿ ಕಾಯಂ ಆಗಿ 'ಚೋಕರ್ಸ್‌' ಹಣೆಪಟ್ಟಿ ಅಂಟಿಕೊಂಡಿತು. 2015ರಲ್ಲಿ ನಡೆದ 11ನೇ ಆವೃತ್ತಿಯಲ್ಲೂ ದಕ್ಷಿಣ ಆಫ್ರಿಕಾ ತಂಡ ಪ್ರಶಸ್ತಿ ಫೇವರಿಟ್‌ ಎನಿಸಿಕೊಂಡಿತ್ತು. ಅಂತೆಯೇ ಅಧಿಕಾರಯುತವಾಗಿ ಸೆಮಿಫೈನಲ್ಸ್‌ ಕೂಡ ಪ್ರವೇಶಿಸಿತ್ತು. ಆದರೆ, ಅಂತಿಮವಾಗಿ ನ್ಯೂಜಿಲೆಂಡ್‌ ವಿರುದ್ಧದ ಸೆಮಿಫೈನಲ್‌ನಲ್ಲಿ ತಂಡದ ಆಯ್ಕೆಯಲ್ಲಿ ಎಡವಿ ಫೈನಲ್‌ ಪ್ರವೇಶಿಸುವ ಅವಕಾಶದಿಂದ ವಂಚಿತವಾಯಿತು. ಗೆಲುವಿನ ಸಂಯೋಜನೆ ಬಿಟ್ಟು ಆಲ್‌ರೌಂಡರ್‌ ವೆರ್ನಾನ್‌ ಫಿಲಾಂಡರ್‌ಗೆ 11ರ ಬಳಗದಲ್ಲಿ ಅವಕಾಶ ನೀಡುವಂತೆ ಟೀಮ್‌ ಮ್ಯಾನೇಜ್ಮೆಂಟ್‌ ಒತ್ತಡ ಹೇರಿದ್ದೇ ತಂಡಕ್ಕೆ ಮುಳುವಾಯಿತು.
ಈ ಬಾರಿ ಫಾಪ್‌ ಡು ಪ್ಲೆಸಿಸ್‌ ಸಾರಥ್ಯದ ತಂಡ ಪ್ರಶಸ್ತಿ ಫೇವರಿಟ್‌ ಪಟ್ಟದಲ್ಲಿಲ್ಲ. ಆದರೆ, ಬೌಲಿಂಗ್‌ ವಿಭಾಗ ಹಿಂದೆಂದಿಗಿಂತ ಬಲಿಷ್ಠವಾಗಿದೆ. ಇಮ್ರಾನ್‌ ತಾಹಿರ್‌, ಜೀನ್‌ ಪಾಲ್‌ ಡುಮಿನಿ, ಟ್ಯಾಬ್ರೇಜ್‌ ಶಮ್ಸಿ, ರಸ್ಸಿ ವಾನ್‌ ಡರ್‌ ಡುಸ್ಸೆನ್‌ರಂಥ ಖ್ಯಾತನಾಮ ಸ್ಪಿನ್ನರ್‌ಗಳು, ಡೇಲ್‌ ಸ್ಟೇನ್‌, ಕಗಿಸೊ ರಬಾಡ, ಲುಂಗಿ ಎನ್‌ಗಿಡಿಯಂಥ ಸುಂಟರಗಾಳಿ ವೇಗದ ಬೌಲರ್‌ಗಳು ಹರಿಣ ಪಡೆಗೆ ಪ್ರಮುಖ ಅಸ್ತ್ರಗಳಾಗಿದ್ದಾರೆ. ಡು ಪ್ಲೆಸಿಸ್‌, ಕ್ವಿಂಟಾನ್‌ ಡಿಕಾಕ್‌, ಹಶೀಮ್‌ ಆಮ್ಲರಂಥ ದಿಗ್ಗಜ ಬ್ಯಾಟ್ಸ್‌ಮನ್‌ಗಳ ಶ್ರೀರಕ್ಷೆ ಬೇರೆ ತಂಡಕ್ಕಿದೆ. ಹೀಗಾಗಿ ಹಾಲಿ ಆವೃತ್ತಿಯಲ್ಲಿ ಹರಿಣ ಪಡೆ ಪ್ರಶಸ್ತಿ ಸುತ್ತು ಪ್ರವೇಶಿಸುವ ಸಾಧ್ಯತೆಗಳನ್ನು ತಳ್ಳಿಹಾಕುವಂತಿಲ್ಲ ಎಂದು ಕ್ರಿಕೆಟ್‌ ಪಂಡಿತರು ಹೇಳುತ್ತಿದ್ದಾರೆ. ರಬಾಡ ಮ್ಯಾಜಿಕ್‌ಗೆ ದಿನಗಣನೆ
2019ನೇ ಸಾಲಿನ ಐಪಿಎಲ್‌ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡದಲ್ಲಿದ್ದ ಕಗಿಸೊ ರಬಾಡ 12 ಪಂದ್ಯಗಳಲ್ಲಿ 25 ವಿಕೆಟ್‌ ಉರುಳಿಸಿದ್ದಾರೆ. ಆದರೆ, ಆ ಬಳಿಕ ಬೆನ್ನುನೋವಿಗೊಳಗಾಗಿ ತವರಿಗೆ ವಾಪಸಾಗಿದ್ದರು. ಆದರೀಗ ಸಂಪೂರ್ಣ ಚೇತರಿಸಿಕೊಂಡಿದ್ದಾರೆ ಎಂದು ತಂಡದ ವೈದ್ಯರು ಖಾತರಿಪಡಿಸಿದ್ದಾರೆ. ಇಂಗ್ಲೆಂಡ್‌ನ ಸಪಾಟು ಪಿಚ್‌ಗಳು ಬ್ಯಾಟ್ಸ್‌ಮನ್‌ಗಳಿಗೆ ಅನುಕೂಲ ಒದಗಿಸಲಿವೆ ಎಂದು ಪಿಚ್‌ ತಜ್ಞರು ಹೇಳುತ್ತಿರುವ ನಡುವೆಯೂ 23ರ ತರುಣ ರಬಾಡ ತಮ್ಮ ಖದರು ತೋರಿಸುವುದರಲ್ಲಿ ಅನುಮಾನವಿಲ್ಲ ಎಂದು ಹಿರಿಯ ಕ್ರಿಕೆಟಿಗರು ಹೇಳುತ್ತಿದ್ದಾರೆ. ಅಂತೆಯೇ ಸ್ಪಿನ್ನರ್‌ಗಳ ಪೈಕಿ ಇಮ್ರಾನ್‌ ತಾಹಿರ್‌ ತಮ್ಮ ಮೋಡಿಯ ಎಸೆತಗಳನ್ನು ಬ್ಯಾಟ್ಸ್‌ಮನ್‌ಗಳ ಮೇಲೆ ಛೂಬಿಡಲು ತುದಿಗಾಲಲ್ಲಿ ನಿಂತಿದ್ದಾರೆ. ಇವರಿಗೆ 40 ವರ್ಷಗಳಾದರೂ, ಬೌಲಿಂಗ್‌ ಮಾತ್ರ ಇನ್ನೂ ಮೊನಚು ಕಳೆದುಕೊಂಡಿಲ್ಲ. ಐಪಿಎಲ್‌ 12ನೇ ಆವೃತ್ತಿಯಲ್ಲಿ ಚೆನ್ನೈ ಸೂಪರ್‌ ಕಿಂಗ್ಸ್‌ ಪರ ಆಡಿದ್ದ ತಾಹಿರ್‌ 17 ಪಂದ್ಯಗಳಲ್ಲಿ 26 ವಿಕೆಟ್‌ ಉರುಳಿಸಿ ಪರ್ಪಲ್‌ ಕ್ಯಾಪ್‌ಗೆ ಭಾಜನರಾಗಿದ್ದಾರೆ. ಉಳಿದವರು ಕೈಕೊಟ್ಟರೂ ರಬಾಡ ಮತ್ತು ತಾಹಿರ್‌ ಮಿಂಚಿದಲ್ಲಿ ದ.ಆಫ್ರಿಕಾ ತಂಡ ತನಗಂಟಿಕೊಂಡಿರುವ 'ಚೋಕರ್ಸ್‌ ಹಣೆಪಟ್ಟಿ' ಕಿತ್ತೆಸೆಯಬಹುದಾಗಿದೆ. ಕಗಿಸೊ ರಬಾಡ
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
