Thank You Gauti: ಯಶಸ್ವಿ ಆರಂಭಿಕನಿಗೆ ಅಭಿಮಾನಿಗಳ ಜೈ!

ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸುವುದರೊಂದಿಗೆ ಮಗದೊಂದು ವಿಶ್ವಕಪ್ ಆಡುವ ಗೌತಮ್ ಗಂಭೀರ್ ಕನಸಿಗೆ ಬ್ರೇಕ್ ಬಿದ್ದಿದೆ.

ಕಳೆದ ಕೆಲವು ವರ್ಷಗಳಿಂದ ಟೀಮ್ ಇಂಡಿಯಾದಿಂದ ದೂರವುಳಿದಿರುವ ಗೌತಿ, ಅವರ ಕಮ್ ಬ್ಯಾಕ್ ಕನಸು ಕೊನೆಗೂ ಕೈಗೂಡಲಿಲ್ಲ. ಇದರಿಂದಾಗಿ ತಮ್ಮ ದೀರ್ಘ ಕಾಲದ ಕ್ರಿಕೆಟ್ ಕೆರಿಯರ್‌ಗೆ ನಿವೃತ್ತಿ ಘೋಷಿಸಿದ್ದಾರೆ.

2007 ಚೊಚ್ಚಲ ಟ್ವೆಂಟಿ-20 ಹಾಗೂ 2011ರ ಏಕದಿನ ವಿಶ್ವಕಪ್ ಗೆಲುವಿನಲ್ಲಿ ಗಂಭೀರ್ ಮಹತ್ವದ ಪಾತ್ರ ವಹಿಸಿದ್ದರು. ಇದರಿಂದಾಗಿ ಅಪಾರ ಅಭಿಮಾನಿಗಳ ಬಳಗವನ್ನು ಕಟ್ಟಿಕೊಂಡಿದ್ದರು.

ಪ್ರಸ್ತುತ ನಿವೃತ್ತಿ ಸಲ್ಲಿಸಿರುವ ಗೌತಿಗೆ ಕ್ರಿಕೆಟ್ ಸ್ಟಾರ್ ಹಾಗೂ ಅಭಿಮಾನಿಗಳು ಥಾಂಕ್ ಯೂ ಗೌತಿ ಎಂಬ ಹ್ಯಾಶ್‌ಟ್ಯಾಗ್‌ ಅಡಿಯಲ್ಲಿ ತಮ್ಮ ಗೌರವವನ್ನು ಸಲ್ಲಿಸಿದ್ದಾರೆ.