ಶೀಘ್ರದಲ್ಲೇ ನೂತನ ಟಿ20 ಲೀಗ್‌ ಅಸ್ತಿತ್ವಕ್ಕೆ

ಹೊಸದಿಲ್ಲಿ : ಸ್ಕಾಟ್ಲೆಂಡ್‌, ನೆದರ್ಲೆಂಡ್ಸ್‌ ಮತ್ತು ಐರ್ಲೆಂಡ್‌ ಕ್ರಿಕೆಟ್‌ ಮಂಡಳಿಗಳು ನೂತನ ಯೂರೋಪಿಯನ್‌ ಟಿ20 ಲೀಗ್‌ ಹುಟ್ಟುಹಾಕಲು ಪರಸ್ಪರ ಒಪ್ಪಂದ ಮಾಡಿಕೊಂಡಿವೆ. ಲೀಗ್‌ ಈ ವರ್ಷ ಆಗಸ್ಟ್‌ 30ರಿಂದ ಸೆಪ್ಟೆಂಬರ್‌ 22ರ ತನಕ ನಡೆಯಲಿದೆ ಎಂದು ಜಂಟಿ ಪ್ರಕಟಣೆಯಲ್ಲಿ ಮಂಡಳಿಗಳು ತಿಳಿಸಿವೆ.

ಅಂತಾರಾಷ್ಟ್ರೀಯ ಕ್ರಿಕೆಟ್‌ ಸಮಿತಿಯೊಂದಿಗೆ ಸಮಾಲೋಚನೆ ನಡೆಸಿಯೇ ಲೀಗ್‌ ಆಯೋಜಿಸಲು ತೀರ್ಮಾನಿಸಲಾಗಿದೆ ಎನ್ನಲಾಗಿದೆ. ಟೂರ್ನಿಯ ಹೆಸರು ಮತ್ತು ತಾಣಗಳನ್ನೊಳಗೊಂಡ ವೇಳಾಪಟ್ಟಿ ಏಪ್ರಿಲ್‌ನಲ್ಲಿ ಬಿಡುಗಡೆಯಾಗಲಿದೆ.

ಪ್ರತಿ ದೇಶದಿಂದ ತಲಾ 2ರಂತೆ ನಗರ ಕೇಂದ್ರಿತ ಆರು ಫ್ರಾಂಚೈಸಿ ತಂಡಗಳು ಪರಸ್ಪರ ಸೆಣಸಾಟ ನಡೆಸಲಿವೆ. ಲೀಗ್‌ ಹಂತದಲ್ಲಿ ಒಟ್ಟು 30 ಪಂದ್ಯಗಳಿರುತ್ತವೆ. ಆ ಬಳಿಕ, 2 ಸೆಮಿಫೈನಲ್ಸ್‌ ಮತ್ತು ಒಂದು ಫೈನಲ್‌ ನಡೆಯಲಿವೆ.