‘ಆಮ್ರಪಾಲಿ’ ವಿರುದ್ಧ ಸುಪ್ರೀಂ ಮೆಟ್ಟಿಲೇರಿದ ಧೋನಿ

ರಾಂಚಿ: ಆಮ್ರಪಾಲಿ ಜತೆಗಿನ ಧೋನಿ ಸಂಘರ್ಷ ಮತ್ತೆ ಮುಂದುವರಿದಿದೆ. ಆಮ್ರಪಾಲಿ ಗ್ರೂಪ್‌ನಿಂದ ಬರಬೇಕಿರುವ ಹಣದ ಕುರಿತಂತೆ ಸುಪ್ರೀಂಕೋರ್ಟ್ ಹೋಗಿದ್ದ ಕ್ರಿಕೆಟಿಗ ಎಂ ಎಸ್ ಧೋನಿ, ಆಸ್ತಿ ಒಡೆತನ ಕುರಿತು ಮತ್ತೆ ಸುಪ್ರೀಂ ಕದ ತಟ್ಟಿದ್ದಾರೆ.

ಆಮ್ರಪಾಲಿ ಗ್ರೂಪ್‌ನ ಯೋಜನೆಯಡಿ 10 ವರ್ಷಗಳ ಹಿಂದೆ ಖರೀದಿಸಿದ್ದ 5,500 ಚದರ ಅಡಿ ವ್ಯಾಪ್ತಿಯ ಪೆಂಟ್‌ಹೌಸ್‌ನ ಒಡೆತನದ ಹಕ್ಕಿಗೆ ಸಂಬಂಧಪಟ್ಟಂತೆ ಭಾರತ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್‌ ಧೋನಿ ಇದೀಗ ಸುಪ್ರೀಂಕೋರ್ಟ್‌ ಮೆಟ್ಟಿಲು ಹತ್ತಿದ್ದಾರೆ.

ಆ ಆಸ್ತಿಗಾಗಿ ತಾವು 20 ಲಕ್ಷ ರೂಪಾಯಿ ನೀಡಿರುವುದಾಗಿಯೂ, ಇಲ್ಲಿಯ ತನಕ ತಮಗೆ ಆಸ್ತಿಯ ಒಡೆತನದ ಹಕ್ಕು ನೀಡಲಾಗಿಲ್ಲ ಎಂದೂ ಧೋನಿ ಹೇಳಿಕೊಂಡಿದ್ದಾರೆ.

ಇದಕ್ಕೂ ಮೊದಲು, ಆಮ್ರಪಾಲಿ ಗ್ರೂಪ್‌ ತಮಗೆ ನೀಡಬೇಕಿರುವ 40 ಕೋಟಿ ರೂಪಾಯಿ ಬಾಕಿ ಹಣಕ್ಕೆ ಸಂಬಂಧಿಸಿದಂತೆ ಧೋನಿ ಸರ್ವೋಚ್ಚ ನ್ಯಾಯಾಲಯದ ಮೊರೆ ಹೋಗಿದ್ದರು.