ಪಿಂಕ್‌ ಬಾಲ್‌ ಟೆಸ್ಟ್‌: ಕಿವೀಸ್‌ ಬೌಲರ್‌ಗಳ ಕಿವಿ ಹಿಂಡಿದ ಆಸ್ಟ್ರೇಲಿಯಾ ಬ್ಯಾಟ್ಸ್‌ಮನ್‌!

ಪರ್ತ್‌: ಪ್ರತಿಭಾನ್ವಿತ ಯುವ ಬ್ಯಾಟ್ಸ್‌ಮನ್‌ ಮಾರ್ನಸ್‌ ಲಾಬುಶೇನ್‌ (110*) ಅವರ ಸೊಗಸಾದ ಶತಕದ ನೆರವಿನಿಂದ ದಿಟ್ಟ ಬ್ಯಾಟಿಂಗ್‌ ನಡೆಸುತ್ತಿರುವ ಆತಿಥೇಯ ಆಸ್ಟ್ರೇಲಿಯಾ ತಂಡ, ಇಲ್ಲಿ ನಡೆಯುತ್ತಿರುವ ಪ್ರವಾಸಿ ನ್ಯೂಜಿಲೆಂಡ್‌ ವಿರುದ್ಧದ ಪಿಂಕ್‌ ಬಾಲ್‌ ಟೆಸ್ಟ್‌ ಪಂದ್ಯದಲ್ಲಿ ಮೊದಲ ದಿನದಾಟದ ಅಂತ್ಯಕ್ಕೆ ಸುಸ್ಥಿತಿಯಲ್ಲಿದೆ.

ಐಸಿಸಿ ಟೆಸ್ಟ್‌ ಚಾಂಪಿಯನ್‌ಷಿಪನ ಭಾಗವಾಗಿ ನಡೆಯುತ್ತಿರುವ ಸರಣಿಯ ಪ್ರಧಮ ಟೆಸ್ಟ್‌ನ ಮೊದಲ ದಿನವಾದ ಗುರುವಾರ ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡ ಆಸ್ಟ್ರೇಲಿಯಾ ತಂಡ, 90 ಓವರ್‌ಗಳಲ್ಲಿ 4 ವಿಕೆಟ್‌ ಕಳೆದುಕೊಂಡು 248 ರನ್‌ಗಳನ್ನು ದಾಖಲಿಸಿದೆ.

ಪಾಕಿಸ್ತಾನ ವಿರುದ್ಧದ ಸರಣಿಯಲ್ಲಿ ತ್ರಿಶತಕ ಸಹಿತ ರನ್‌ ಹೊಳೆ ಹರಿಸಿದ್ದ ಡೇವಿಡ್‌ ವಾರ್ನರ್‌ ಮತ್ತು ಮಾಜಿ ನಾಯಕ ಸ್ಟೀವ್‌ ಸ್ಮಿತ್‌ ಇಬ್ಬರೂ ಕೂಡ 43 ರನ್‌ ಗಳಿಸಿ ವಿಕೆಟ್‌ ಒಪ್ಪಿಸಿದರೂ, ಕಿವೀಸ್‌ ಬೌಲರ್‌ಗಳ ಕಿವಿ ಹಿಂಡುವುದನ್ನು ಮುಂದುವರಿಸಿದ 25 ವರ್ಷದ ಬಲಗೈ ಬ್ಯಾಟ್ಸ್‌ಮನ್‌ ಮಾರ್ನಸ್‌ ತಮ್ಮ ಟೆಸ್ಟ್‌ ವೃತ್ತಿ ಬದುಕಿನ 3ನೇ ಶತಕ ಬಾರಿಸಿ ಸಂಭ್ರಮಿಸಿದರು.

ರಣಜಿ ಟ್ರೋಫಿ: ತಮಿಳುನಾಡು ವಿರುದ್ಧ ಕರ್ನಾಟಕ್ಕೆ ರೋಚಕ ಜಯ ತಂದುಕೊಟ್ಟ ಗೌತಮ್‌!

ಎಡಗೈ ಬ್ಯಾಟ್ಸ್‌ಮನ್‌ ಟ್ರಾವಿಸ್‌ ಹೆಡ್‌ (20*) ಜೊತೆಗೆ ಕ್ರೀಸ್‌ ಕಾಯ್ದುಕೊಂಡಿರುವ ಮಾರ್ನಸ್‌, ಪಂದ್ಯದ ಎರಡನೇ ದಿನದಾಟದಲ್ಲಿ ದೊಡ್ಡ ಇನಿಂಗ್ಸ್‌ ಆಡುವ ಮೂಲಕ ತಂಡಕ್ಕೆ ಬೃಹತ್‌ ಮೊತ್ತ ತಂದುಕೊಡುವ ಕಡೆಗೆ ಎದರು ನೋಡುತ್ತಿದ್ದಾರೆ. ಇನ್ನು ಗುರುವಾರದ ಆಟದಲ್ಲಿ ಆಸ್ಟ್ರೇಲಿಯಾ ತಂಡ 75ಕ್ಕೆ 2 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದ ಸಂದರ್ಭದಲ್ಲಿ ಮಾಜಿ ನಾಯಕ ಸ್ಮಿತ್‌ ಜೊತೆಗೂಡಿದ ಮಾರ್ನಸ್‌ 132 ರನ್‌ಗಳ ಅದ್ಭುತ ಜೊತೆಯಾಟ ನಡೆಸಿ ತಂಡಕ್ಕೆ ಚೇತರಿಕೆ ನೀಡಿದರು.

ರಣಜಿ ಟ್ರೋಫಿ ಇತಿಹಾಸದ ಎಲೈಟ್‌ ಪಟ್ಟಿಗೆ ಕನ್ನಡಿಗ ವಿನಯ್‌ ಕುಮಾರ್‌!

ಕಿವೀಸ್‌ ಪರ ಉತ್ತಮ ಬೌಲಿಂಗ್‌ ದಾಳಿ ಸಂಘಟಿಸಿದ ಇನ್‌ ಫಾರ್ಮ್‌ ವೇಗದ ಬೌಲರ್‌ ನೇಯ್ಲ್‌ ವ್ಯಾಗ್ನರ್‌ 52ಕ್ಕೆ 2 ವಿಕೆಟ್‌ ಸಂಪಾದಿಸಿ ಯಶಸ್ವಿ ಎನಿಸಿದರೆ, ಅವರಿಗೆ ಉತ್ತಮ ಸಾಥ್‌ ನೀಡಿದ ವೇಗಿಗಳಾದ ಟಿಮ್‌ ಸೌಥೀ (53ಕ್ಕೆ 1) ಮತ್ತು ಕಾಲಿನ್‌ ಡಿ'ಗ್ರ್ಯಾಂಡ್‌ಹೋಮ್‌ (24ಕ್ಕೆ 1) ಕೂಡ ವಿಕೆಟ್‌ ಪಡೆಯುವಲ್ಲಿ ಸಫಲರಾದರು.

ಸಣಕ್ಷಿಪ್ತ ಸ್ಕೋರ್‌
ಆಸ್ಟ್ರೇಲಿಯಾ: ಮೊದಲ ಇನಿಂಗ್ಸ್‌ 247/4 (ಡೇವಿಡ್‌ ವಾರ್ನರ್‌ 43, ಮಾರ್ನಸ್‌ ಲಾಬುಶೇನ್‌ 110*, ಸ್ಟೀವ್‌ ಸ್ಮಿತ್‌ 43, ಟ್ರಾವಿಸ್‌ ಹೆಡ್‌ 20*; ನೇಯ್ಲ್‌ ವ್ಯಾಗ್ನರ್‌ 52ಕ್ಕೆ 2).