ಕೊಹ್ಲಿ ವಿಶ್ವಕಪ್ ಗೆಲ್ಲಲು ಧೋನಿ ಹೇಗೆ ನೆರವಾಗಲಿದ್ದಾರೆ?

ಹೈದರಾಬಾದ್: ಮುಂಬರುವ ಏಕದಿನ ವಿಶ್ವಕಪ್‌ನಲ್ಲಿ ವಿರಾಟ್ ಕೊಹ್ಲಿ ಮುಂದಾಳತ್ವದ ಟೀಮ್ ಇಂಡಿಯಾದಲ್ಲಿ ಮಹೇಂದ್ರ ಸಿಂಗ್ ಧೋನಿ ಅವಿಭಾಜ್ಯ ಅಂಗ ಎಂದು ಮಾಜಿ ಬ್ಯಾಟಿಂಗ್ ದಿಗ್ಗಜ ಸುನಿಲ್ ಗವಾಸ್ಕರ್ ಅಭಿಪ್ರಾಯಪಟ್ಟಿದ್ದಾರೆ.

ಅಲ್ಲದೆ ಕೊಹ್ಲಿ ವಿಶ್ವಕಪ್ ಎತ್ತಿ ಹಿಡಿಯಲು ಧೋನಿ ಹೇಗೆ ನೆರವಾಗಲಿದ್ದಾರೆ ಎಂಬುದನ್ನು ವಿವರಿಸಿದ್ದಾರೆ.

ನನಗನಿಸುತ್ತದೆ ವಿಕೆಟ್ ಹಿಂದುಗಡೆ ಕೀಪರ್ ರೂಪದಲ್ಲಿ ಧೋನಿ ಇರುವುದು ಕೊಹ್ಲಿ ಪಾಲಿಗೆ ಅತ್ಯುತ್ತಮ ಅಂಶ. ಡೆತ್ ಓವರ್‌ಗಳಲ್ಲಿ ಕೊಹ್ಲಿ ಬೌಂಡರಿ ಲೈನ್‌ನಲ್ಲಿ ಫೀಲ್ಡಿಂಗ್ ಮಾಡುತ್ತಿರುವಾಗ ಧೋನಿ ಬೌಲರ್‌ಗಳಲ್ಲಿ ನೆರವಾಗುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ ಧೋನಿ ನಿರ್ಣಾಯಕ ಪಾತ್ರ ವಹಿಸಲಿದ್ದಾರೆ ಎಂದು ಹೇಳಿದರು.

ಧೋನಿ ಹಾಗೂ ಕೊಹ್ಲಿ ಕೆಮೆಸ್ಟ್ರಿ ಅದ್ಭುತ. ನಾವದನ್ನು ಮೆಚ್ಚಿಕೊಳ್ಳಬೇಕು. ಅವರಿಬ್ಬರು ಪರಸ್ಪರ ಅತೀವ ಗೌರವವನ್ನು ಹಂಚಿಕೊಳ್ಳುತ್ತಿದ್ದಾರೆ. ಅವರ ಇದೇ ಕೆಮೆಸ್ಟ್ರಿ ವಿಶ್ವಕಪ್‌ನಲ್ಲಿ ನೆರವಾಗಲಿದೆ ಎಂದರು.