ಟಾಪ್ ಗುತ್ತಿಗೆ ದರ್ಜೆಯಿಂದ ಧೋನಿ, ಅಶ್ವಿನ್ ಔಟ್

ಮುಂಬಯಿ: ಸುಪ್ರೀಂ ಕೋರ್ಟ್‌ ನೇಮಿತ ಆಡಳಿತಾಧಿಕಾರಿಗಳ ಸಮಿತಿ(ಸಿಒಎ) ಮೇಲ್ನೋಟದಲ್ಲಿ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ), ಭಾರತ ಕ್ರಿಕೆಟ್‌ ತಂಡದ ಆಟಗಾರರಿಗೆ ಕೇಂದ್ರೀಯ ಗುತ್ತಿಗೆಯ ವಾರ್ಷಿಕ ಒಪ್ಪಂದವನ್ನು ಘೋಷಿಸಿದೆ.

ಇದೇ ಮೊದಲ ಬಾರಿಗೆ ಎ ಪ್ಲಸ್ ಗ್ರೇಡ್ ವೇತನವನ್ನು ಬಿಸಿಸಿಐ ಪರಿಚಯಿಸಿತ್ತು. ಆದರೆ ಅಗ್ರ ವೇತನವನ್ನು ಗಿಟ್ಟಿಸಿಕೊಳ್ಳುವಲ್ಲಿ ಮಾಜಿ ನಾಯಕ ಹಾಗೂ ಹಿರಿಯ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಮಹೇಂದ್ರ ಸಿಂಗ್ ಧೋನಿ ಹಾಗೂ ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ವಿಫಲವಾಗಿದ್ದಾರೆ.

ಒಟ್ಟು ಐದು ಮಂದಿ ಆಟಗಾರರಿಗೆ ಎ ಪ್ಲಸ್ ಗ್ರೇಡ್ ನೀಡಲಾಗಿದೆ. ಅವರೆಂದರೆ,

ವಿರಾಟ್ ಕೊಹ್ಲಿ,
ರೋಹಿತ್ ಶರ್ಮಾ,
ಶಿಖರ್ ಧವನ್,
ಭುವನೇಶ್ವರ್ ಕುಮಾರ್,
ಜಸ್ಪ್ರೀತ್ ಬುಮ್ರಾ.

'ಎ ಪ್ಲಸ್' ಗ್ರೇಡ್‌ ಆಟಗಾರರ ವಾರ್ಷಿಕ ವೇತನ: 7 ಕೋಟಿ ರೂ.

'ಎ' ಗ್ರೇಡ್‌ ಆಟಗಾರರು: 5 ಕೋಟಿ ರೂ.
ಮಹೇಂದ್ರ ಸಿಂಗ್ ಧೋನಿ,
ರವಿಚಂದ್ರನ್ ಅಶ್ವಿನ್,
ರವೀಂದ್ರ ಜಡೇಜಾ,
ಮುರಳಿ ವಿಜಯ್,
ಚೇತೇಶ್ವರ ಪೂಜಾರ,
ಅಜಿಂಕ್ಯ ರಹಾನೆ,
ವೃದ್ದಿಮಾನ್ ಸಹಾ

'ಬಿ' ದರ್ಜೆಯ ಆಟಗಾರರು: 3 ಕೋಟಿ ರೂ.
ಕೆಎಲ್ ರಾಹುಲ್,
ಉಮೇಶ್ ಯಾದವ್,
ಕುಲ್‌ದೀಪ್ ಯಾದವ್,
ಯಜುವೇಂದ್ರ ಚಹಲ್,
ಹಾರ್ದಿಕ್ ಪಾಂಡ್ಯ,
ಇಶಾಂತ್ ಶರ್ಮಾ,
ದಿನೇಶ್ ಕಾರ್ತಿಕ್

'ಸಿ' ದರ್ಜೆಯ ಆಟಗಾರರು: 1 ಕೋಟಿ ರೂ.
ಕೇದರ್ ಜಾಧವ್,
ಮನೀಷ್ ಪಾಂಡೆ,
ಅಕ್ಷರ್ ಪಟೇಲ್,
ಕರುಣ್ ನಾಯರ್,
ಸುರೇಶ್ ರೈನಾ,
ಪಾರ್ಥಿವ್ ಪಟೇಲ್,
ಜಯಂತ್ ಯಾದವ್

ಬಿಸಿಸಿಐ ವಾರ್ಷಿಕ ಗುತ್ತಿಗೆ ಒಪ್ಪಂದವು 2017 ಅಕ್ಟೋಬರ್‌ನಿಂದ 2018 ಸೆಪ್ಟೆಂಬರ್ ತಿಂಗಳ ವರೆಗೆ ಅನ್ವಯವಾಗಲಿದೆ.

ಈ ನಡುವೆ ಗುತ್ತಿಗೆ ಒಪ್ಪಂದದಿಂದ ಬಲಗೈ ವೇಗಿ ಮೊಹಮ್ಮದ್ ಶಮಿ ಅವರನ್ನು ಕೈಬಿಡಲಾಗಿದೆ.

ಮಹಿಳಾ ವಿಭಾಗದಲ್ಲಿ ಮಿಥಾಲಿ ರಾಜ್, ಜೂಲಾನ್ ಗೋಸ್ವಾಮಿ, ಹರ್ಮನ್‌ಪ್ರೀತ್ ಕೌರ್ ಹಾಗೂ ಸ್ಮೃತಿ ಮಂಧಾನಾ ಅಗ್ರ ದರ್ಜೆ ಗಿಟ್ಟಿಸಿಕೊಳ್ಳಲು ಯಶಸ್ವಿಯಾಗಿದ್ದಾರೆ. ಇವರೆಲ್ಲರೂ ವಾರ್ಷಿಕವಾಗಿ 50 ಲಕ್ಷ ರೂ. ವೇತನ ಪಡೆಯಲಿದ್ದಾರೆ.