ಇಂದು ಭಾರತ ವರ್ಸಸ್ ಕಿವೀಸ್ ಕೊನೆಯ ಏಕದಿನ ಕಾಳಗ|ಗೆಲುವಿನ ನಿರೀಕ್ಷೆಯಲ್ಲಿ ಉಭಯ ತಂಡಗಳು|ಭಾರತಕ್ಕೆ ಧೋನಿ ಬಲ
ವೆಲ್ಲಿಂಗ್ಟನ್ : ಹ್ಯಾಮಿಲ್ಟನ್ನಲ್ಲಿ ಗುರುವಾರ ಕೆಲವೊಂದು ತೀಕ್ಷ್ಣ ಸ್ವಿಂಗ್ ಎಸೆತಗಳಿಗೆ ಹೈರಾಣಾಗಿ ಅಲ್ಪ ಮೊತ್ತಕ್ಕೆ ಕುಸಿದು ಸರಣಿಯಲ್ಲಿ ಮೊದಲ ಬಾರಿಗೆ ಸೋಲುಂಡ ಭಾರತ ತಂಡ ಇದೀಗ ಮಾಜಿ ನಾಯಕ ಎಂ.ಎಸ್. ಧೋನಿಯವರ ಆಗಮನದಿಂದಾಗಿ ನವಚೈತನ್ಯದ ಚಿಲುಮೆಯಾಗಿ ಮಾರ್ಪಟ್ಟಿದ್ದು, ಭರ್ಜರಿ ಗೆಲುವಿನೊಂದಿಗೆ 5 ಪಂದ್ಯಗಳ ಸರಣಿಗೆ ಮಂಗಳ ಹಾಡುವ ಹುಮ್ಮಸ್ಸಿನಲ್ಲಿದೆ.
ಧೋನಿ ಸ್ನಾಯುರಜ್ಜು ಸೆಳೆತದಿಂದಾಗಿ ಕಳೆದೆರಡು ಪಂದ್ಯಗಳಲ್ಲಿ ಆಡಿರಲಿಲ್ಲ.
4-1 ಅಂತರದ ಸರಣಿ ಜಯ 3-2 ಅಂತರದ ಜಯಕ್ಕಿಂತ ಮನಸ್ಸಿಗೆ ಮುದ ನೀಡಬಲ್ಲುದಾದರೂ, ವೆಲ್ಲಿಂಗ್ಟನ್ನ ಬೇಸಿನ್ ರಿವರ್ಸ್ನಲ್ಲಿ ಜಯಲಕ್ಷ್ಮಿಯನ್ನು ಒಲಿಸಿಕೊಳ್ಳುವುದು ಊಹಿಸಿದಷ್ಟು ಸುಲಭವಲ್ಲ. ಇಲ್ಲಿನ ಹವಾಗುಣ 4ನೇ ಪಂದ್ಯದ ಹೀರೋ ಟ್ರೆಂಟ್ ಬೌಲ್ಟ್ಗೆ ಹೇಳಿಮಾಡಿಸಿದಂತಿದ್ದು, ಜೋರಾಗಿ ಬೀಸುವ ಗಾಳಿ ಅವರ ರನ್ಅಪ್ಗೆ ಇನ್ನಷ್ಟು ವೇಗ ನೀಡುವ ಸಾಧ್ಯತೆಗಳಿವೆ.
ಧೋನಿ ತಂಡಕ್ಕೆ ಮರಳಿರುವುದರಿಂದ ಟೀಮ್ ಇಂಡಿಯಾದ ಮಧ್ಯಮ ಕ್ರಮಾಂಕ ಸದೃಢವಾಗಲಿದೆ ಎಂಬ ಆಸೆ ಇಟ್ಟುಕೊಳ್ಳಬಹುದು. ಆದರೆ, ನಾಯಕ ವಿರಾಟ್ ಕೊಹ್ಲಿಯವರ ಅನುಪಸ್ಥಿತಿ ತಂಡಕ್ಕೆ ಕಾಡುವುದರಲ್ಲಿ ಅನುಮಾನವೇ ಇಲ್ಲ. ಧೋನಿ ಫಿಟ್ ಆಗಿದ್ದು, ಭಾನುವಾರ ಆಯ್ಕೆಗೆ ಲಭ್ಯರಿದ್ದಾರೆ ಎಂದು ತಂಡದ ಸಹಾಯಕ ಕೋಚ್ ಸಂಜಯ್ ಬಾಂಗರ್ ಖಚಿತಪಡಿಸಿದ್ದಾರೆ.
ಫೆಬ್ರವರಿ 6ರಂದು ಆರಂಭಗೊಳ್ಳಲಿರುವ 3 ಪಂದ್ಯಗಳ ಟಿ20 ಸರಣಿಗೆ ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳುವುದರ ಜತೆಗೆ ಏಕದಿನ ವಿಶ್ವಕಪ್ಗೆ ಈಗಿಂದೀಗಲೇ ತಯಾರಿ ನಡೆಸಬೇಕಿರುವುದರಿಂದ, ಟೀಮ್ ಇಂಡಿಯಾ ತನ್ನಲ್ಲಿರುವ ಬ್ಯಾಟಿಂಗ್ ದೌರ್ಬಲ್ಯಗಳಿಗೆ ಪರಿಹಾರ ಕಂಡುಕೊಳ್ಳಲು ಯೋಜನೆ ಹಾಕಿಕೊಂಡಿದೆ. ಸ್ವಿಂಗ್ ಬೌಲಿಂಗ್ಗೆ ಉತ್ತೇಜನ ನೀಡುವಂಥ ಇಂಗ್ಲೆಂಡ್ ಪಿಚ್ಗಳಲ್ಲಿ ತನ್ನ ಬ್ಯಾಟಿಂಗ್ ವಿಭಾಗ ಕೈಕೊಡದಂತೆ ಎಚ್ಚರ ವಹಿಸುವ ನಿಟ್ಟಿನಲ್ಲಿ ಟೀಮ್ ಇಂಡಿಯಾ ಈಗಲೇ ಸೂಕ್ತ ಸಂಯೋಜನೆ ಕಂಡುಕೊಳ್ಳುವ ಅಗತ್ಯವಿದೆ. ಹೀಗಾಗಿ ಭಾನುವಾರದ ಪಂದ್ಯವನ್ನೂ ರೋಹಿತ್ ಶರ್ಮಾ ಸಾರಥ್ಯದ ಟೀಮ್ ಇಂಡಿಯಾ ಗಂಭೀರವಾಗಿ ಪರಿಗಣಿಸಿದ್ದು ಶತಾಯಗತಾಯ ಗೆಲ್ಲುವ ಇರಾದೆಯಲ್ಲಿದೆ.
ಇನ್ನೊಂದೆಡೆ, ಸರಣಿ ಸೋತ ಹೊರತಾಗಿಯೂ 4ನೇ ಪಂದ್ಯ ಗೆದ್ದು ಉತ್ಸಾಹದಲ್ಲಿರುವ ಆತಿಥೇಯ ನ್ಯೂಜಿಲೆಂಡ್ ತಂಡ ಭಾನುವಾರದ ಪಂದ್ಯ ಗೆದ್ದು ಸೋಲಿನ ಅಂತರ ತಗ್ಗಿಸಿಕೊಂಡು ಟಿ20 ಸರಣಿಗೆ ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳುವ ಗುರಿ ಹಾಕಿಕೊಂಡಿದೆ. ಹೀಗಾಗಿ ಜಿದ್ದಾಜಿದ್ದಿನ ಹಣಾಹಣಿ ನಿಶ್ಚಿತ.
ತಂಡಗಳು
ಭಾರತ: ರೋಹಿತ್ ಶರ್ಮಾ (ನಾಯಕ), ಶಿಖರ್ ಧವನ್, ಎಂ.ಎಸ್. ಧೋನಿ (ವಿಕೆಟ್ಕೀಪರ್), ಕೇದಾರ್ ಜಾಧವ್, ದಿನೇಶ್ ಕಾರ್ತಿಕ್, ವಿಜಯ್ ಶಂಕರ್, ಶುಬ್ಮನ್ ಗಿಲ್, ಯುಜುವೇಂದ್ರ ಚಹಲ್, ಕುಲ್ದೀಪ್ ಯಾದವ್, ಮೊಹಮ್ಮದ್ ಶಮಿ, ಭುವನೇಶ್ವರ್ ಕುಮಾರ್, ಮೊಹಮ್ಮದ್ ಸಿರಾಜ್, ಖಲೀಲ್ ಅಹಮದ್, ರವೀಂದ್ರ ಜಡೇಜಾ, ಹಾರ್ದಿಕ್ ಪಾಂಡ್ಯ.
ನ್ಯೂಜಿಲೆಂಡ್ : ಕೇನ್ ವಿಲಿಯಮ್ಸನ್ (ನಾಯಕ), ಟಾಡ್ ಆ್ಯಸಲ್, ಟ್ರೆಂಟ್ ಬೌಲ್ಟ್, ಕಾಲಿನ್ ಡಿ'ಗ್ರ್ಯಾಂಡ್ಹೋಮ್, ಲಾಕಿ ಫಗ್ರ್ಯೂಸನ್, ಮಾರ್ಟಿನ್ ಗಪ್ಟಿಲ್, ಮ್ಯಾಟ್ ಹೆನ್ರಿ, ಟಾಮ್ ಲೇಥಮ್ (ವಿಕೆಟ್ಕೀಪರ್), ಕಾಲಿನ್ ಮನ್ರೊ, ಜಿಮ್ಮಿ ನೀಶಮ್, ಹೆನ್ರಿ ನಿಕೋಲ್ಸ್, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೌಥೀ ಮತ್ತು ರಾಸ್ ಟೇಲರ್.
ಪಂದ್ಯ ಆರಂಭ: ಬೆಳಗ್ಗೆ 7:30ಕ್ಕೆ
ತಾಣ: ಬೇಸಿನ್ ರಿವರ್ಸ್, ವೆಲ್ಲಿಂಗ್ಟನ್.
ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್
ಐಸಿಸಿ ಒಡಿಐ ರಾರಯಂಕಿಂಗ್ ಭಾರತ: 02ನ್ಯೂಜಿಲೆಂಡ್: 03
ಮುಖಾಮುಖಿ: 105
ಭಾರತಕ್ಕೆ ಗೆಲುವು: 54
ನ್ಯೂಜಿಲೆಂಡ್ಗೆ ಜಯ: 45
ಟೈ: 01
ಫಲಿತಾಂಶರಹಿತ: 05
ವೆಲ್ಲಿಂಗ್ಟನ್ : ಹ್ಯಾಮಿಲ್ಟನ್ನಲ್ಲಿ ಗುರುವಾರ ಕೆಲವೊಂದು ತೀಕ್ಷ್ಣ ಸ್ವಿಂಗ್ ಎಸೆತಗಳಿಗೆ ಹೈರಾಣಾಗಿ ಅಲ್ಪ ಮೊತ್ತಕ್ಕೆ ಕುಸಿದು ಸರಣಿಯಲ್ಲಿ ಮೊದಲ ಬಾರಿಗೆ ಸೋಲುಂಡ ಭಾರತ ತಂಡ ಇದೀಗ ಮಾಜಿ ನಾಯಕ ಎಂ.ಎಸ್. ಧೋನಿಯವರ ಆಗಮನದಿಂದಾಗಿ ನವಚೈತನ್ಯದ ಚಿಲುಮೆಯಾಗಿ ಮಾರ್ಪಟ್ಟಿದ್ದು, ಭರ್ಜರಿ ಗೆಲುವಿನೊಂದಿಗೆ 5 ಪಂದ್ಯಗಳ ಸರಣಿಗೆ ಮಂಗಳ ಹಾಡುವ ಹುಮ್ಮಸ್ಸಿನಲ್ಲಿದೆ.
ಧೋನಿ ಸ್ನಾಯುರಜ್ಜು ಸೆಳೆತದಿಂದಾಗಿ ಕಳೆದೆರಡು ಪಂದ್ಯಗಳಲ್ಲಿ ಆಡಿರಲಿಲ್ಲ.
4-1 ಅಂತರದ ಸರಣಿ ಜಯ 3-2 ಅಂತರದ ಜಯಕ್ಕಿಂತ ಮನಸ್ಸಿಗೆ ಮುದ ನೀಡಬಲ್ಲುದಾದರೂ, ವೆಲ್ಲಿಂಗ್ಟನ್ನ ಬೇಸಿನ್ ರಿವರ್ಸ್ನಲ್ಲಿ ಜಯಲಕ್ಷ್ಮಿಯನ್ನು ಒಲಿಸಿಕೊಳ್ಳುವುದು ಊಹಿಸಿದಷ್ಟು ಸುಲಭವಲ್ಲ. ಇಲ್ಲಿನ ಹವಾಗುಣ 4ನೇ ಪಂದ್ಯದ ಹೀರೋ ಟ್ರೆಂಟ್ ಬೌಲ್ಟ್ಗೆ ಹೇಳಿಮಾಡಿಸಿದಂತಿದ್ದು, ಜೋರಾಗಿ ಬೀಸುವ ಗಾಳಿ ಅವರ ರನ್ಅಪ್ಗೆ ಇನ್ನಷ್ಟು ವೇಗ ನೀಡುವ ಸಾಧ್ಯತೆಗಳಿವೆ.
ಧೋನಿ ತಂಡಕ್ಕೆ ಮರಳಿರುವುದರಿಂದ ಟೀಮ್ ಇಂಡಿಯಾದ ಮಧ್ಯಮ ಕ್ರಮಾಂಕ ಸದೃಢವಾಗಲಿದೆ ಎಂಬ ಆಸೆ ಇಟ್ಟುಕೊಳ್ಳಬಹುದು. ಆದರೆ, ನಾಯಕ ವಿರಾಟ್ ಕೊಹ್ಲಿಯವರ ಅನುಪಸ್ಥಿತಿ ತಂಡಕ್ಕೆ ಕಾಡುವುದರಲ್ಲಿ ಅನುಮಾನವೇ ಇಲ್ಲ. ಧೋನಿ ಫಿಟ್ ಆಗಿದ್ದು, ಭಾನುವಾರ ಆಯ್ಕೆಗೆ ಲಭ್ಯರಿದ್ದಾರೆ ಎಂದು ತಂಡದ ಸಹಾಯಕ ಕೋಚ್ ಸಂಜಯ್ ಬಾಂಗರ್ ಖಚಿತಪಡಿಸಿದ್ದಾರೆ.
ಫೆಬ್ರವರಿ 6ರಂದು ಆರಂಭಗೊಳ್ಳಲಿರುವ 3 ಪಂದ್ಯಗಳ ಟಿ20 ಸರಣಿಗೆ ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳುವುದರ ಜತೆಗೆ ಏಕದಿನ ವಿಶ್ವಕಪ್ಗೆ ಈಗಿಂದೀಗಲೇ ತಯಾರಿ ನಡೆಸಬೇಕಿರುವುದರಿಂದ, ಟೀಮ್ ಇಂಡಿಯಾ ತನ್ನಲ್ಲಿರುವ ಬ್ಯಾಟಿಂಗ್ ದೌರ್ಬಲ್ಯಗಳಿಗೆ ಪರಿಹಾರ ಕಂಡುಕೊಳ್ಳಲು ಯೋಜನೆ ಹಾಕಿಕೊಂಡಿದೆ. ಸ್ವಿಂಗ್ ಬೌಲಿಂಗ್ಗೆ ಉತ್ತೇಜನ ನೀಡುವಂಥ ಇಂಗ್ಲೆಂಡ್ ಪಿಚ್ಗಳಲ್ಲಿ ತನ್ನ ಬ್ಯಾಟಿಂಗ್ ವಿಭಾಗ ಕೈಕೊಡದಂತೆ ಎಚ್ಚರ ವಹಿಸುವ ನಿಟ್ಟಿನಲ್ಲಿ ಟೀಮ್ ಇಂಡಿಯಾ ಈಗಲೇ ಸೂಕ್ತ ಸಂಯೋಜನೆ ಕಂಡುಕೊಳ್ಳುವ ಅಗತ್ಯವಿದೆ. ಹೀಗಾಗಿ ಭಾನುವಾರದ ಪಂದ್ಯವನ್ನೂ ರೋಹಿತ್ ಶರ್ಮಾ ಸಾರಥ್ಯದ ಟೀಮ್ ಇಂಡಿಯಾ ಗಂಭೀರವಾಗಿ ಪರಿಗಣಿಸಿದ್ದು ಶತಾಯಗತಾಯ ಗೆಲ್ಲುವ ಇರಾದೆಯಲ್ಲಿದೆ.
ಇನ್ನೊಂದೆಡೆ, ಸರಣಿ ಸೋತ ಹೊರತಾಗಿಯೂ 4ನೇ ಪಂದ್ಯ ಗೆದ್ದು ಉತ್ಸಾಹದಲ್ಲಿರುವ ಆತಿಥೇಯ ನ್ಯೂಜಿಲೆಂಡ್ ತಂಡ ಭಾನುವಾರದ ಪಂದ್ಯ ಗೆದ್ದು ಸೋಲಿನ ಅಂತರ ತಗ್ಗಿಸಿಕೊಂಡು ಟಿ20 ಸರಣಿಗೆ ಆತ್ಮವಿಶ್ವಾಸ ವೃದ್ಧಿಸಿಕೊಳ್ಳುವ ಗುರಿ ಹಾಕಿಕೊಂಡಿದೆ. ಹೀಗಾಗಿ ಜಿದ್ದಾಜಿದ್ದಿನ ಹಣಾಹಣಿ ನಿಶ್ಚಿತ.
ತಂಡಗಳು
ಭಾರತ: ರೋಹಿತ್ ಶರ್ಮಾ (ನಾಯಕ), ಶಿಖರ್ ಧವನ್, ಎಂ.ಎಸ್. ಧೋನಿ (ವಿಕೆಟ್ಕೀಪರ್), ಕೇದಾರ್ ಜಾಧವ್, ದಿನೇಶ್ ಕಾರ್ತಿಕ್, ವಿಜಯ್ ಶಂಕರ್, ಶುಬ್ಮನ್ ಗಿಲ್, ಯುಜುವೇಂದ್ರ ಚಹಲ್, ಕುಲ್ದೀಪ್ ಯಾದವ್, ಮೊಹಮ್ಮದ್ ಶಮಿ, ಭುವನೇಶ್ವರ್ ಕುಮಾರ್, ಮೊಹಮ್ಮದ್ ಸಿರಾಜ್, ಖಲೀಲ್ ಅಹಮದ್, ರವೀಂದ್ರ ಜಡೇಜಾ, ಹಾರ್ದಿಕ್ ಪಾಂಡ್ಯ.
ನ್ಯೂಜಿಲೆಂಡ್ : ಕೇನ್ ವಿಲಿಯಮ್ಸನ್ (ನಾಯಕ), ಟಾಡ್ ಆ್ಯಸಲ್, ಟ್ರೆಂಟ್ ಬೌಲ್ಟ್, ಕಾಲಿನ್ ಡಿ'ಗ್ರ್ಯಾಂಡ್ಹೋಮ್, ಲಾಕಿ ಫಗ್ರ್ಯೂಸನ್, ಮಾರ್ಟಿನ್ ಗಪ್ಟಿಲ್, ಮ್ಯಾಟ್ ಹೆನ್ರಿ, ಟಾಮ್ ಲೇಥಮ್ (ವಿಕೆಟ್ಕೀಪರ್), ಕಾಲಿನ್ ಮನ್ರೊ, ಜಿಮ್ಮಿ ನೀಶಮ್, ಹೆನ್ರಿ ನಿಕೋಲ್ಸ್, ಮಿಚೆಲ್ ಸ್ಯಾಂಟ್ನರ್, ಟಿಮ್ ಸೌಥೀ ಮತ್ತು ರಾಸ್ ಟೇಲರ್.
ಪಂದ್ಯ ಆರಂಭ: ಬೆಳಗ್ಗೆ 7:30ಕ್ಕೆ
ತಾಣ: ಬೇಸಿನ್ ರಿವರ್ಸ್, ವೆಲ್ಲಿಂಗ್ಟನ್.
ನೇರ ಪ್ರಸಾರ: ಸ್ಟಾರ್ ಸ್ಪೋರ್ಟ್ಸ್
ಐಸಿಸಿ ಒಡಿಐ ರಾರಯಂಕಿಂಗ್ ಭಾರತ: 02ನ್ಯೂಜಿಲೆಂಡ್: 03
ಮುಖಾಮುಖಿ: 105
ಭಾರತಕ್ಕೆ ಗೆಲುವು: 54
ನ್ಯೂಜಿಲೆಂಡ್ಗೆ ಜಯ: 45
ಟೈ: 01
ಫಲಿತಾಂಶರಹಿತ: 05