ಧೋನಿ ಗುಣಮುಖ

ಲೀಡ್ಸ್‌: ಇಂಗ್ಲೆಂಡ್‌ ವಿರುದ್ಧದ ಪಂದ್ಯದಲ್ಲಿ ಬೆರಳಿಗೆ ಚೆಂಡು ಬಡಿದು ಗಾಯಗೊಂಡಿದ್ದ ವಿಕೆಟ್‌ಕೀಪರ್‌ ಎಂ.ಎಸ್‌.ಧೋನಿ ಗುಣಮುಖರಾಗಿದ್ದಾರೆ ಎಂದು ತಂಡದ ಅಧಿಕೃತ ಮೂಲಗಳು ತಿಳಿಸಿವೆ.

''ಧೋನಿ ಬೆಟ್ಟದಿಂದ ಇಳಿದು ಬಂದ ವೀರ ಸೇನಾನಿ. ಅವರಿಗೆ ಸಣ್ಣಪುಟ್ಟ ಗಾಯಗಳು ಲೆಕ್ಕಕ್ಕಿಲ್ಲ. ಗಾಯದಿಂದ ಗುಣಮುಖರಾಗಿದ್ದಾರೆ,'' ಎಂದು ಸ್ಪಷ್ಟಪಡಿಸಿವೆ.

ಇಂಗ್ಲೆಂಡ್‌ ವಿರುದ್ಧದ ಪಂದ್ಯದ ವೇಳೆ ಗಾಯಗೊಂಡಿದ್ದ ಧೋನಿ, ಬೆರಳನ್ನು ಬಾಯಲಿಟ್ಟು ರಕ್ತ ಹೀರಿ ಉಗುಳಿದ್ದ ದೃಶ್ಯ ಸ್ಟೇಡಿಯಂನಲ್ಲಿದ್ದ ಛಾಯಾಗ್ರಾಹಕರ ಕ್ಯಾಮೆರಾಗಳಲ್ಲಿ ಸೆರೆಯಾಗಿದ್ದವು. ಆ ವೇಳೆ ಸ್ವಲ್ಪ ಹೊತ್ತು ರಿಷಭ್‌ ಪಂತ್‌ ವಿಕೆಟ್‌ಕೀಪರ್‌ ಆಗಿದ್ದರು.