ಪ್ರಶಸ್ತಿ ಗೆಲ್ಲುವ ಫೇವರಿಟ್ಸ್‌: ಚೆನ್ನೈ, ಮುಂಬಯಿ ಮತ್ತು ಆರ್‌ಸಿಬಿ

ಪ್ರಶಸ್ತಿ ಗೆಲ್ಲುವ ಫೇವರಿಟ್ಸ್‌

1. ಚೆನ್ನೈ ಸೂಪರ್‌ ಕಿಂಗ್ಸ್‌
11 ಐಪಿಎಲ್‌ ಟೂರ್ನಿಗಳಲ್ಲಿ 2 ಬಾರಿ ಕಣಕ್ಕಿಳಿಯದೇ ಇದ್ದರು (ನಿಷೇಧ ಕಾರಣ) ಸಿಎಸ್‌ಕೆ ಆಡಿದ 9 ಐಪಿಎಲ್‌ಗಳಲ್ಲಿ 3 ಬಾರಿ ಚಾಂಪಿಯನ್ಸ್‌, 4 ಬಾರಿ ರನ್ನರ್ಸ್‌ಅಪ್‌ ಹಾಗೂ 2 ಬಾರಿ ಪ್ಲೇಆಫ್ಸ್‌ ತಲುಪಿದ ಸಾಧನೆ ಮಾಡಿದ್ದು, ಈ ಬಾರಿಯೂ ಪ್ರಶಸ್ತಿ ಗೆಲ್ಲುವ ಫೇವರಿಟ್ಸ್‌ಗಳಲ್ಲಿ ಒಂದಾಗಿದೆ.
ಸಾಧನೆ: 2010, 2011 ಮತ್ತು 2018ರ ಚಾಂಪಿಯನ್ಸ್‌.

2. ಮುಂಬಯಿ ಇಂಡಿಯನ್ಸ್‌
ಸಿಎಸ್‌ಕೆ ಹೊರತಾಗಿ ಐಪಿಎಲ್‌ನಲ್ಲಿ ಹೆಚ್ಚು ಪ್ರಾಬಲ್ಯ ಮೆರೆದ ತಂಡ ಮುಂಬಯಿ ಇಂಡಿಯನ್ಸ್‌. ಎಲ್ಲಾ ಆವೃತ್ತಿಗಳಲ್ಲಿ ಕಣಕ್ಕಿಳಿದಿರುವ ಇಂಡಿಯನ್ಸ್‌, 3 ಬಾರಿ ಪ್ರಶಸ್ತಿ ಗೆದ್ದು ಬೀಗಿದೆ. ಅಲ್ಲದೆ 1 ಬಾರಿ ರನ್ನರ್ಸ್‌ಅಪ್‌ ಮತ್ತು 3 ಬಾರಿ ಪ್ಲೇಆಫ್ಸ್‌ ಪ್ರವೇಶಿಸಿದ್ದು ಈ ಬಾರಿ ನಾಲ್ಕನೇ ಟ್ರೋಫಿ ಗೆಲ್ಲುವತ್ತ ಕಣ್ಣಿಟ್ಟಿದೆ.
2013, 2015 ಮತ್ತು 2017ರ ಚಾಂಪಿಯನ್ಸ್‌

3. ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು
ಬ್ಯಾಟಿಂಗ್‌ ಬಲಾಢ್ಯ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ಮೂರು ಬಾರಿ ಪ್ರಶಸ್ತಿ ಸುತ್ತು ತಲುಪಿ ಟ್ರೋಫಿ ಎತ್ತಿ ಹಿಡಿಯುವಲ್ಲಿ ವಿಫಲಗೊಂಡಿದೆ. ಎರಡು ಬಾರಿ ಪ್ಲೇ ಆಫ್ಸ್‌ ತಲುಪಿದ ಸಾಧನೆಯನ್ನೂ ಮಾಡಿರುವ ಚಾಲೆಂಜರ್ಸ್‌, ತವರಿನ ಪ್ರೇಕ್ಷಕರಿಗೆ ಈ ಬಾರಿ ಕಪ್‌ ಗೆದ್ದು ಕೊಡುವ ಹಠದಲ್ಲಿದೆ.
ಸಾಧನೆ: 2009, 2011 ಮತ್ತು 2016ರಲ್ಲಿ ರನ್ನರ್ಸ್‌ಅಪ್‌

08: ಈ ಬಾರಿಯ ಐಪಿಎಲ್‌ ಪ್ರಶಸ್ತಿ ಕಣದಲ್ಲಿರುವ ಒಟ್ಟು ತಂಡಗಳು.

06: ಮಾಚ್‌.23ರಿಂದ ಮೇ 12ರವರೆಗೆ ನಡೆಯಲಿರುವ ಒಟ್ಟು ಪಂದ್ಯಗಳು.

ಆಲ್‌ ಇಂಡಿಯನ್‌ ಕ್ಯಾಪ್ಟನ್ಸ್‌
ಡೇವಿಡ್‌ ವಾರ್ನರ್‌ ಅಥವಾ ಕೇನ್‌ ವಿಲಿಯಮ್ಸನ್‌ ಸನ್‌ರೈಸರ್ಸ್‌ ತಂಡವನ್ನು ಮುನ್ನಡೆಸುವ ಸಾಧ್ಯತೆ ಇತ್ತು. ಆದರೆ, ವಾರ್ನರ್‌ ವಿರುದ್ಧ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಆಡದಂತೆ ಇರುವ ನಿಷೇಧ ಶಿಕ್ಷೆ ಇನ್ನೂ ಚಾಲ್ತಿಯಲ್ಲಿದೆ ಮತ್ತು ವಿಲಿಯಮ್ಸನ್‌ ಗಾಯಕ್ಕೆ ತುತ್ತಾಗಿದ್ದಾರೆ. ಹೀಗಾಗಿ ಭುವನೇಶ್ವರ್‌ ಕುಮಾರ್‌ಗೆ ಹೈದರಾಬಾದ್‌ ತಂಡದ ನಾಯಕತ್ವ ಸಿಕ್ಕಿದೆ. ಇದರೊಂದಿಗೆ ಐಪಿಎಲ್‌ ಇತಿಹಾದಲ್ಲಿ ಇದೇ ಮೊದಲ ಬಾರಿ ಎಲ್ಲ 8 ತಂಡಗಳನ್ನು ಭಾರತೀಯರೇ ಮುನ್ನಡೆಸುತ್ತಿದ್ದಾರೆ. ಭುವನೇಶ್ವರ್‌ ಸೇರಿದಂತೆ ವಿರಾಟ್‌ ಕೊಹ್ಲಿ(ಬೆಂಗಳೂರು), ಎಂ.ಎಸ್‌ ಧೋನಿ (ಚೆನ್ನೈ), ರೋಹಿತ್‌ ಶರ್ಮಾ (ಮುಂಬಯಿ), ಅಜಿಂಕ್ಯ ರಹಾನೆ (ರಾಜಸ್ಥಾನ), ದಿನೇಶ್‌ ಕಾರ್ತಿಕ್‌ (ಕೋಲ್ಕೊತಾ), ಆರ್‌. ಅಶ್ವಿನ್‌ (ಪಂಜಾಬ್‌) ಮತ್ತು ಶ್ರೇಯಸ್‌ ಅಯ್ಯರ್‌ (ದಿಲ್ಲಿ) ಭಾರತೀಯ ಕ್ಯಾಪ್ಟನ್‌ಗಳಾಗಿದ್ದರೆ.

12: ಐಪಿಎಲ್‌ ಇತಿಹಾಸದಲ್ಲಿ ಅತಿ ಹೆಚ್ಚು ಶತಕಗಳನ್ನು ಹೊಂದಿರುವ ತಂಡ ಆರ್‌ಸಿಬಿ. ಅದರೆ, ಪ್ರಶಸ್ತಿ ಮಾತ್ರ ಒಂದೂ ಇಲ್ಲ.

1038: ಐಪಿಎಲ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಸಿಡಿಸಿರುವ ತಂಡ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು.

1007: ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ದಾಖಲಾಗಿರುವ ಒಟ್ಟು ಸಿಕ್ಸರ್‌ಗಳು. ಇದು ಐಪಿಎಲ್‌ ಆಯೋಜಿಸಿರುವ ಉಳಿದೆಲ್ಲಾ ಕ್ರೀಡಾಂಗಣಗಳಿಗಿಂತಲೂ ಅಧಿಕ.

06: ಐಪಿಎಲ್‌ನಲ್ಲಿ ಅತಿ ಹೆಚ್ಚು ಶತಕಗಳನ್ನು ಸಿಡಿಸಿರುವ ಬ್ಯಾಟ್ಸ್‌ಮನ್‌ ಕ್ರಿಸ್‌ ಗೇಲ್‌. ಒಟ್ಟು ಆರು ಶತಕಗಳಲ್ಲಿ ಅಜೇಯ 175 ರನ್‌ ಅವರ ಶ್ರೇಷ್ಠ ಪ್ರದರ್ಶನ.

ರೂ. 8.4 ಕೋಟಿ: ಜಯದೇವ್‌ ಉನಾದ್ಕಟ್‌ (ರಾಜಸ್ಥಾನ) ಮತ್ತು ವರುಣ್‌ ಚಕ್ರವರ್ತಿ (ಪಂಜಾಬ್‌) ಈ ಬಾರಿಯ ಐಪಿಎಲ್‌ ಬಿಡ್ಡಿಂಗ್‌ನಲ್ಲಿ ಅತಿ ಹೆಚ್ಚು ಮೊತ್ತ ಪಡೆದ ಭಾರತೀಯ ಆಟಗಾರರು.

ಕಳೆದ ಬಾರಿಯ ಐಪಿಎಲ್‌ ಪ್ರಶಸ್ತಿ ಮೊತ್ತ
ಚಾಂಪಿಯನ್ಸ್‌: ರೂ. 20 ಕೋಟಿ
ರನ್ನರ್ಸ್‌ಅಪ್‌: ರೂ. 12.5 ಕೋಟಿ