ಕೌಂಟಿ ಕ್ರಿಕೆಟ್‌ ಆಡಲು ಮುಂದಾದ ದಕ್ಷಿಣ ಆಫ್ರಿಕಾದ ಮಾಜಿ ದಿಗ್ಗಜ ಬ್ಯಾಟ್ಸ್‌ಮನ್‌!

ಲಂಡನ್‌: ಐಸಿಸಿ ಏಕದಿನ ಕ್ರಿಕೆಟ್‌ ವಿಶ್ವಕಪ್‌ ಬಳಿಕ ಎಲ್ಲಾ ಮಾದರಿಯ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಹಠಾತ್‌ ನಿವೃತ್ತಿ ಘೋಷಿಸಿದ ದಕ್ಷಿಣ ಆಫ್ರಿಕಾದ ಮಾಜಿ ಸ್ಟಾರ್‌ ಬ್ಯಾಟ್ಸ್‌ಮನ್‌ ಹಶೀಮ್‌ ಆಮ್ಲಾ, ಇದೀಗ ಇಂಗ್ಲಿಷ್‌ ಕೌಂಟಿಯಲ್ಲಿ ಸರ್ರೆ ಕ್ರಿಕೆಟ್‌ ಕ್ಲಬ್‌ ಪರ ಕೌಂಟಿ ಕ್ರಿಕೆಟ್‌ ಆಡುವ ಸಾಧ್ಯತೆ ಇದೆ..

ವರದಿಗಳ ಪ್ರಕಾರ 36 ವರ್ಷದ ಬಲಗೈ ಬ್ಯಾಟ್ಸ್‌ಮನ್‌ ಹಶೀಮ್‌ ಆಮ್ಲಾ, ಎರಡು ವರ್ಷಗಳ ಕಾಲ ಕೌಂಟಿ ಕ್ರಿಕೆಟ್‌ ಆಡಲಿದ್ದಾರೆ. ಈ ಮಧ್ಯೆ ಮಿಡ್ಲ್‌ಸೆಕ್ಸ್‌ ಮತ್ತು ಹ್ಯಾಂಪ್‌ಶೈರ್‌ ತಂಡಗಳ ಜೊತೆಗೂ ಆಮ್ಲಾ ಪ್ರತಿನಿಧಿಗಳು ಮಾತೂಕತೆ ನಡೆಸಿದ್ದಾರೆ.

ಭಾರತ vs ದ. ಆಫ್ರಿಕಾ: ದ್ವಿತೀಯ ಟೆಸ್ಟ್‌ಗೆ ಭಾರತದ ಸಂಭಾವ್ಯ XI ಹೀಗಿದೆ

ದಕ್ಷಿಣ ಆಫ್ರಿಕಾ ಪರ ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲಿ ಒಟ್ಟು 349 ಪಂದ್ಯಗಳನ್ನಾಡಿರುವ ಆಮ್ಲಾ, 18 ಸಾವಿರಕ್ಕೂ ಹೆಚ್ಚು ರನ್‌ ಗಳಿಸಿದ್ದಾರೆ. ಇದರಲ್ಲಿ 55 ಶತಕಗಳು ಮತ್ತು 88 ಅರ್ಧಶತಕಗಳು ಸೇರಿವೆ. ಅಷ್ಟೇ ಅಲ್ಲದೆ ದಕ್ಷಿಣ ಆಫ್ರಿಕಾ ಪರ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ತ್ರಿಶತಕ ಸಿಡಿಸಿದ ಏಕಮಾತ್ರ ಬ್ಯಾಟ್ಸ್‌ಮನ್‌ ಎಂಬ ಕೀರ್ರಿಯೂ ಆಮ್ಲಾ ಅವರದ್ದು.

ಟೆಸ್ಟ್‌ ಕ್ರಿಕೆಟ್‌ನಲ್ಲಿಒಟ್ಟು 124 ಪಂದ್ಯಗಳನ್ನು ಆಡಿರುವ ಬಲಗೈ ಬ್ಯಾಟ್ಸ್‌ಮನ್‌ 45.41ರ ಬ್ಯಾಟಿಂಗ್‌ ಸರಾಸರಿಯಲ್ಲಿ 28 ಶತಕ ಮತ್ತು 41 ಅರ್ಧಶತಕಗಳನ್ನು ಒಳಗೊಂಡ 9,282 ರನ್‌ಗಳನ್ನು ದಾಖಲಿಸಿದ್ದಾರೆ.

ರೋಹಿತ್ ಶರ್ಮಾ ಬಗ್ಗೆ ಮಿಲಿಯನ್ ಡಾಲರ್ ಮೌಲ್ಯದ ಹೇಳಿಕೆ ಕೊಟ್ಟ ಕ್ಯಾಪ್ಟನ್ ಕೊಹ್ಲಿ

ಏಕದಿನ ಕ್ರಿಕೆಟ್‌ನಲ್ಲೂ ಹಲವು ವಿಶ್ವ ದಾಖಲೆಗಳನ್ನು ಬರೆದಿರುವ ಆಮ್ಲಾ, ಅತ್ಯಂತ ವೇಗದ 2000, 3000, 4000, 5000, 6000 ಮತ್ತು 7000 ರನ್‌ಗಳನ್ನು ಗಳಿಸಿದ ವಿಶ್ವ ದಾಖಲೆ ಹೊಂದಿದ್ದಾರೆ. ಅಷ್ಟೇ ಅಲ್ಲದೆ 181 ಏಕದಿನ ಪಂದ್ಯಗಳಿಂದ ಒಟ್ಟು 8,113 ರನ್‌ಗಳೊಂದಿಗೆ 49.46ರ ಬ್ಯಾಟಿಂಗ್‌ ಸರಾಸರಿ ಪಡೆದಿದ್ದಾರೆ. ಇದರಲ್ಲಿ 27 ಶತಕಗಳು ಮೂಡಿಬಂದಿವೆ.

ಇತ್ತೀಚೆಗಷ್ಟೇ ದಕ್ಷಿಣ ಆಫ್ರಿಕಾದ ಕ್ರಿಕೆಟಿಗರು ರಾಷ್ಟ್ರಕ್ಕಾಗಿ ಆಡುವ ಗೌರವದ ಬದಲು ಹಣ ಸಂಪಾದನೆ ಸಲುವಾಗಿ ಕೌಂಟಿ ಕ್ರಿಕೆಟ್‌ ಆಯ್ಕೆ ಮಾಡಿಕೊಂಡರೆ ಏನೂ ಮಾಡಲು ಸಾಧ್ಯವಿಲ್ಲ ಎಂದು ದಕ್ಷಿಣ ಆಫ್ರಿಕಾದ ಮಾಜಿ ಆಲ್‌ರೌಂಡರ್‌ ಶಾನ್‌ ಪೊಲಾಕ್‌ ಟೀಕಿಸಿದ್ದರು. ಆಮ್ಲಾಗೂ ಮುಂಚೆ ಮಾಜಿ ವೇಗಿ ಮೋರ್ನೆ ಮಾರ್ಕೆಲ್‌ ಕೂಡ ಕೌಂಟಿ ಕ್ರಿಕೆಟ್‌ ಅಖಾಡಕ್ಕೆ ಧುಮುಕಿದ್ದರು.