ಯಾವುದೇ ಎದುರಾಳಿಯನ್ನು ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಮಾಡುವ ತಾಕತ್ತಿನ ತಂಡ ಹೆಸರಿಸಿದ ಸ್ವಾನ್!
ಜಸ್‌ಪ್ರೀತ್‌ ಬುಮ್ರಾ, ಮೊಹಮ್ಮದ್‌ ಶಮಿ ಮತ್ತು ಇಶಾಂತ್‌ ಶರ್ಮಾ ಅವರನ್ನೊಳಗೊಂಡ ಭಾರತ ತಂಡದ ವಿಶ್ವದ ಯಾವುದೇ ಎದುರಾಳಿಯನ್ನು ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಮಾಡಬಲ್ಲದು ಎಂದು ಇಂಗ್ಲೆಂಡ್‌ನ ಮಾಜಿ ಆಟಗಾರ ಗ್ರೇಮ್‌ ಸ್ವಾನ್ ಅಭಿಪ್ರಾಯ ಪಟ್ಟಿದ್ದಾರೆ.
Vijaya Karnataka Web 15 Jul 2020, 9:59 pm
ಹೈಲೈಟ್ಸ್‌:
- ಸೋನಿ ಟೆನ್‌ ಪಿಟ್‌ ಸ್ಟಾಪ್‌ ಕಾರ್ಯಕ್ರಮದಲ್ಲಿ ಗ್ರೇಮ್‌ ಸ್ವಾನ್ ಮಾತು.
- ಟೀಮ್‌ ಇಂಡಿಯಾ ಬೌಲಿಂಗ್‌ ವಿಭಾಗದ ಬಗ್ಗೆ ಗುಣಗಾನ.
- ವಿಶ್ವದ ಅತ್ಯಂತ ಬಲಿಷ್ಠ ಬೌಲಿಂಗ್‌ ವಿಭಾಗದ ಎಂದು ಕರೆದ ಇಂಗ್ಲೆಂಡ್‌ನ ಮಾಜಿ ಆಫ್‌ ಸ್ಪಿನ್ನರ್‌.
ಕೋಲ್ಕತಾ: ಜಸ್‌ಪ್ರೀತ್‌ ಬುಮ್ರಾ ಮುಂದಾಳತ್ವದ ಟೀಮ್‌ ಇಂಡಿಯಾ ಬೌಲಿಂಗ್‌ ವಿಭಾಗ ವಿಶ್ವ ಯಾವುದೇ ತಂಡವನ್ನು ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಮಾಡುವ ತಾಕತ್ತನ್ನು ಹೊಂದಿದೆ ಎಂದು ಇಂಗ್ಲೆಂಡ್‌ ತಂಡದ ಮಾಜಿ ಆಫ್‌ ಸ್ಪಿನ್ನರ್‌ ಗ್ರೇಮ್‌ ಸ್ವಾನ್ ಹೇಳಿದ್ದಾರೆ.
"ಟೀಮ್‌ ಇಂಡಿಯಾ ಈಗ ಅತ್ಯಂತ ಬಲಿಷ್ಠ ತಂಡ. ಭಾರತದ ಈಗಿನ ತಂಡ ವಿಶ್ವದ ಯಾವುದೇ ಎದುರಾಳಿಯನ್ನು ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಮಾಡಬಲ್ಲದು. ಅಂತಹ ಬಲಿಷ್ಠ ಬೌಲಿಂಗ್‌ ವಿಭಾಗವನ್ನು ತಂಡ ಹೊಂದಿದೆ. ಬುಮ್ರಾ ಆ ಸರಿಣಿಯಲ್ಲಿ ಅಮೋಘ ಲಯದಲ್ಲಿ ಇದ್ದರು," ಎಂದು ಸ್ವಾನ್ ಸೋನಿ ಟೆನ್‌ ವಾಹಿನಿಯ 'ಪಿಟ್‌ ಸ್ಟಾಪ್‌' ಕಾರ್ಯಕ್ರಮದಲ್ಲಿ ಹೇಳಿದ್ದಾರೆ. ಆ ಸರಣಿಯಲ್ಲಿ ಬುಮ್ರಾ ಟೆಸ್ಟ್‌ನಲ್ಲಿ ತಮ್ಮ ಚೊಚ್ಚಲ ಹ್ಯಾಟ್ರಿಕ್‌ ವಿಕೆಟ್‌ ಸಾಧನೆಯನ್ನೂ ಮಾಡಿದ್ದರು.
ಇಂಗ್ಲೆಂಡ್‌ vs ವೆಸ್ಟ್‌ ಇಂಡೀಸ್‌ 2ನೇ ಟೆಸ್ಟ್: ಮ್ಯಾಂಚೆಸ್ಟರ್‌ನಲ್ಲಿ ವಿಂಡೀಸ್‌ಗೆ ಸರಣಿ ಜಯದ ವಿಶ್ವಾಸ
ಅಂದಹಾಗೆ ವೆಸ್ಟ್‌ ಇಂಡೀಸ್‌ ತಂಡ ತಾಯ್ನಾಡಿನಲ್ಲಿ ಟೀಮ್‌ ಇಂಡಿಯಾ ಎದುರು ಹೀನಾಯವಾಗಿ ಸೋತರೂ, ಇದೀಗ ಇಂಗ್ಲೆಂಡ್‌ ಅಂಗಣದಲ್ಲಿ ಆತಿಥೇಯರ ವಿರುದ್ಧ 3 ಪಂದ್ಯಗಳ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಪಡೆದುಕೊಂಡಿದೆ. ಸೌತಾಂಪ್ಟನ್‌ನಲ್ಲಿ ಸತತ 116 ದಿನಗಳ ಬಳಿಕ ನಡೆದ ಮೊದಲ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ವಿಂಡೀಸ್‌ ಪಡೆ ಇಂಗ್ಲೆಂಡ್‌ಗೆ 4 ವಿಕೆಟ್‌ಗಳ ಸೋಲುಣಿಸಿತು. ಈ ಮೂಲಕ ಐಸಿಸಿ ಟೆಸ್ಟ್ ಚಾಂಪಿಯನ್‌ಷಿಪ್‌ ಅಂಕಪಟ್ಟಿಯಲ್ಲಿ ತನ್ನ ಖಾತೆಯನ್ನೂ ತೆರೆದಿದೆ.
ಈ ಬಗ್ಗೆ ಮಾತನಾಡಿದ ಸ್ವಾನ್, ಇಂಗ್ಲೆಂಡ್‌ ತಂಡ ತನ್ನ ಬೌಲಿಂಗ್‌ ವಿಭಾಗದ ಆಯ್ಕೆಯಲ್ಲಿ ಎಡವಟ್ಟು ಮಾಡಿಕೊಂಡು ಸ್ಟುವರ್ಟ್‌ ಬ್ರಾಡ್‌ ಅವರನ್ನು ಹೊರಗಿಟ್ಟು ಬಹುದೊಡ್ಡ ಪ್ರಮಾದ ಎಸಗಿತು ಎಂದು ಅಭಿಪ್ರಾಯ ಪಟ್ಟಿದ್ದಾರೆ.
ಫೇವರಿಟ್‌ ಬ್ಯಾಟಿಂಗ್‌ ಪಾರ್ಟ್ನರ್‌ ಆಯ್ಕೆ ಮಾಡಿದ ಪಂತ್‌, ಜೊತೆಯಾಗಿ ಆಡಿದ್ದು ಅಪರೂಪ!
"ಇಂಗ್ಲೆಂಡ್‌ ತಂಡ ಪ್ರವಾಸಿ ವೆಸ್ಟ್‌ ಇಂಡೀಸ್‌ ಪಡೆಯನ್ನು ಲಘುವಾಗಿ ಪರಿಗಣಿಸಿ ಭಾರಿ ಬೆಲೆ ತೆತ್ತಿದೆ. ಬೇಜವಾಬ್ದಾರಿಯುತವಾಗಿ ತಂಡದ ಆಡುವ 11ರ ಬಳಗದ ಆಯ್ಕೆ ಮಾಡಲಾಗಿದೆ. ಸ್ಟುವರ್ಟ್‌ ಬ್ರಾಡ್‌ ಅವರನ್ನು ಕೈಬಿಟ್ಟಿದ್ದು ಬಹುದೊಡ್ಡ ತಪ್ಪು. ಸ್ಟುವರ್ಟ್‌ ಬ್ರಾಡ್‌ ಇಲ್ಲದ ಇಂಗ್ಲೆಂಡ್‌ ಬೌಲಿಂಗ್‌ ವಿಭಾಗ ಬಡವಾಯಿತು," ಎಂದಿದ್ದಾರೆ.
ಜೋ ರೂಟ್‌ ಅನುಪಸ್ಥಿತಿಯಲ್ಲಿ ಬೆನ್‌ ಸ್ಟೋಕ್ಸ್‌ ಸಾರಥ್ಯದ ಇಂಗ್ಲೆಂಡ್‌ ತಂಡಕ್ಕೆ ವೇಗಿಗಳಾಗಿ ಜೋಫ್ರಾ ಆರ್ಚರ್‌, ಜೇಮ್ಸ್‌ ಆಂಡರ್ಸನ್‌ ಮತ್ತು ಮಾರ್ಕ್‌ ವುಡ್ ಸ್ಥಾನ ಪಡೆದಿದ್ದರು. ಹೆಚ್ಚುವರಿ ವೇಗವಾಗಿ ಬೌಲಿಂಗ್‌ ಮಾಡುವ ಸಾಮರ್ಥ್ಯದ ಕಾರಣ ಬ್ರಾಡ್‌ ಬದಲಿಗೆ ವುಡ್ ಆಯ್ಕೆ ಮಾಡಿದ್ದಾಗಿ ಸ್ಟೋಕ್ಸ್‌ ಹೇಳಿದ್ದರು.
ಟೀಮ್‌ ಇಂಡಿಯಾದ ಆ ಒಬ್ಬ ಆಟಗಾರನನ್ನು ಕಂಡರೆ ಗಡಗಡ ನಡುಗುತ್ತಿದ್ದ ಕಪಿಲ್‌ ದೇವ್‌!
"ವಿಶ್ವದ ಯಾವುದೇ ತಂಡವನ್ನು ನೀವು ಮಣಿಸಬೇಕಾದರೆ ಮೊದಲು ಆಂಡರ್ಸನ್‌ ಮತ್ತು ಬ್ರಾಡ್‌ ಅವರನ್ನು ಜೊತೆಯಾಗಿ ಆಡಿಸಬೇಕು. ಅವರಿಬ್ಬರೂ ಉತ್ತಮ ಫಿಟ್ನೆಸ್‌ನಲ್ಲಿ ಇದ್ದಾಗ ದಯವಿಟ್ಟು ಜೊತೆಯಾಗಿ ಕಣಕ್ಕಿಳಿಸಿ. ಕೆಟ್ಟ ಮೇಲೆ ಬುದ್ಧಿಬಂದ ಹಾಗೆ ಈಗ ಸ್ಟುವರ್ಟ್‌ ಅವರನ್ನು ಆಡಿಸಲು ಮುಂದಾಗುತ್ತಿದ್ದಾರೆ. ಇದರಿಂದ ಅವರ ಮೇಲೂ ಹೆಚ್ಚಿನ ಒತ್ತಡ ಹೇರಲಿದ್ದಾರೆ. ಅಂದಹಾಗೆ ಸ್ಟುವರ್ಟ್‌ ಒತ್ತಡದ ನಡುವೆಯೂ ಉತ್ತಮ ಪ್ರದರ್ಶನ ನೀಡಬಲ್ಲರು," ಎಂದು ಸ್ವಾನ್ ಇಂಗ್ಲೆಂಡ್‌ ತಂಡಕ್ಕೆ ಕಿವಿಮಾತನ್ನು ಹೇಳಿದ್ದಾರೆ.
ಇಂಗ್ಲೆಂಡ್‌ ತಂಡ ಇದೀಗ ಮ್ಯಾಂಚೆಸ್ಟರ್‌ನ ಓಲ್ಡ್‌ ಟ್ರಾಫರ್ಡ್‌ನಲ್ಲಿ ಜುಲೈ 16ರಿಂದ ನಡೆಯಲಿರುವ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಸರಣಿ ಉಳಿಸಿಕೊಳ್ಳುವ ಸಲುವಾಗಿ ಹೋರಾಟ ನಡೆಸಲಿದೆ.
"ಟೀಮ್‌ ಇಂಡಿಯಾ ಈಗ ಅತ್ಯಂತ ಬಲಿಷ್ಠ ತಂಡ. ಭಾರತದ ಈಗಿನ ತಂಡ ವಿಶ್ವದ ಯಾವುದೇ ಎದುರಾಳಿಯನ್ನು ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಮಾಡಬಲ್ಲದು. ಅಂತಹ ಬಲಿಷ್ಠ ಬೌಲಿಂಗ್‌ ವಿಭಾಗವನ್ನು ತಂಡ ಹೊಂದಿದೆ. ಬುಮ್ರಾ ಆ ಸರಿಣಿಯಲ್ಲಿ ಅಮೋಘ ಲಯದಲ್ಲಿ ಇದ್ದರು," ಎಂದು ಸ್ವಾನ್ ಸೋನಿ ಟೆನ್‌ ವಾಹಿನಿಯ 'ಪಿಟ್‌ ಸ್ಟಾಪ್‌' ಕಾರ್ಯಕ್ರಮದಲ್ಲಿ ಹೇಳಿದ್ದಾರೆ. ಆ ಸರಣಿಯಲ್ಲಿ ಬುಮ್ರಾ ಟೆಸ್ಟ್‌ನಲ್ಲಿ ತಮ್ಮ ಚೊಚ್ಚಲ ಹ್ಯಾಟ್ರಿಕ್‌ ವಿಕೆಟ್‌ ಸಾಧನೆಯನ್ನೂ ಮಾಡಿದ್ದರು.
ಇಂಗ್ಲೆಂಡ್‌ vs ವೆಸ್ಟ್‌ ಇಂಡೀಸ್‌ 2ನೇ ಟೆಸ್ಟ್: ಮ್ಯಾಂಚೆಸ್ಟರ್‌ನಲ್ಲಿ ವಿಂಡೀಸ್‌ಗೆ ಸರಣಿ ಜಯದ ವಿಶ್ವಾಸ
ಅಂದಹಾಗೆ ವೆಸ್ಟ್‌ ಇಂಡೀಸ್‌ ತಂಡ ತಾಯ್ನಾಡಿನಲ್ಲಿ ಟೀಮ್‌ ಇಂಡಿಯಾ ಎದುರು ಹೀನಾಯವಾಗಿ ಸೋತರೂ, ಇದೀಗ ಇಂಗ್ಲೆಂಡ್‌ ಅಂಗಣದಲ್ಲಿ ಆತಿಥೇಯರ ವಿರುದ್ಧ 3 ಪಂದ್ಯಗಳ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಪಡೆದುಕೊಂಡಿದೆ. ಸೌತಾಂಪ್ಟನ್‌ನಲ್ಲಿ ಸತತ 116 ದಿನಗಳ ಬಳಿಕ ನಡೆದ ಮೊದಲ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ವಿಂಡೀಸ್‌ ಪಡೆ ಇಂಗ್ಲೆಂಡ್‌ಗೆ 4 ವಿಕೆಟ್‌ಗಳ ಸೋಲುಣಿಸಿತು. ಈ ಮೂಲಕ ಐಸಿಸಿ ಟೆಸ್ಟ್ ಚಾಂಪಿಯನ್‌ಷಿಪ್‌ ಅಂಕಪಟ್ಟಿಯಲ್ಲಿ ತನ್ನ ಖಾತೆಯನ್ನೂ ತೆರೆದಿದೆ.
ಈ ಬಗ್ಗೆ ಮಾತನಾಡಿದ ಸ್ವಾನ್, ಇಂಗ್ಲೆಂಡ್‌ ತಂಡ ತನ್ನ ಬೌಲಿಂಗ್‌ ವಿಭಾಗದ ಆಯ್ಕೆಯಲ್ಲಿ ಎಡವಟ್ಟು ಮಾಡಿಕೊಂಡು ಸ್ಟುವರ್ಟ್‌ ಬ್ರಾಡ್‌ ಅವರನ್ನು ಹೊರಗಿಟ್ಟು ಬಹುದೊಡ್ಡ ಪ್ರಮಾದ ಎಸಗಿತು ಎಂದು ಅಭಿಪ್ರಾಯ ಪಟ್ಟಿದ್ದಾರೆ.
ಫೇವರಿಟ್‌ ಬ್ಯಾಟಿಂಗ್‌ ಪಾರ್ಟ್ನರ್‌ ಆಯ್ಕೆ ಮಾಡಿದ ಪಂತ್‌, ಜೊತೆಯಾಗಿ ಆಡಿದ್ದು ಅಪರೂಪ!
"ಇಂಗ್ಲೆಂಡ್‌ ತಂಡ ಪ್ರವಾಸಿ ವೆಸ್ಟ್‌ ಇಂಡೀಸ್‌ ಪಡೆಯನ್ನು ಲಘುವಾಗಿ ಪರಿಗಣಿಸಿ ಭಾರಿ ಬೆಲೆ ತೆತ್ತಿದೆ. ಬೇಜವಾಬ್ದಾರಿಯುತವಾಗಿ ತಂಡದ ಆಡುವ 11ರ ಬಳಗದ ಆಯ್ಕೆ ಮಾಡಲಾಗಿದೆ. ಸ್ಟುವರ್ಟ್‌ ಬ್ರಾಡ್‌ ಅವರನ್ನು ಕೈಬಿಟ್ಟಿದ್ದು ಬಹುದೊಡ್ಡ ತಪ್ಪು. ಸ್ಟುವರ್ಟ್‌ ಬ್ರಾಡ್‌ ಇಲ್ಲದ ಇಂಗ್ಲೆಂಡ್‌ ಬೌಲಿಂಗ್‌ ವಿಭಾಗ ಬಡವಾಯಿತು," ಎಂದಿದ್ದಾರೆ.
ಜೋ ರೂಟ್‌ ಅನುಪಸ್ಥಿತಿಯಲ್ಲಿ ಬೆನ್‌ ಸ್ಟೋಕ್ಸ್‌ ಸಾರಥ್ಯದ ಇಂಗ್ಲೆಂಡ್‌ ತಂಡಕ್ಕೆ ವೇಗಿಗಳಾಗಿ ಜೋಫ್ರಾ ಆರ್ಚರ್‌, ಜೇಮ್ಸ್‌ ಆಂಡರ್ಸನ್‌ ಮತ್ತು ಮಾರ್ಕ್‌ ವುಡ್ ಸ್ಥಾನ ಪಡೆದಿದ್ದರು. ಹೆಚ್ಚುವರಿ ವೇಗವಾಗಿ ಬೌಲಿಂಗ್‌ ಮಾಡುವ ಸಾಮರ್ಥ್ಯದ ಕಾರಣ ಬ್ರಾಡ್‌ ಬದಲಿಗೆ ವುಡ್ ಆಯ್ಕೆ ಮಾಡಿದ್ದಾಗಿ ಸ್ಟೋಕ್ಸ್‌ ಹೇಳಿದ್ದರು.
ಟೀಮ್‌ ಇಂಡಿಯಾದ ಆ ಒಬ್ಬ ಆಟಗಾರನನ್ನು ಕಂಡರೆ ಗಡಗಡ ನಡುಗುತ್ತಿದ್ದ ಕಪಿಲ್‌ ದೇವ್‌!
"ವಿಶ್ವದ ಯಾವುದೇ ತಂಡವನ್ನು ನೀವು ಮಣಿಸಬೇಕಾದರೆ ಮೊದಲು ಆಂಡರ್ಸನ್‌ ಮತ್ತು ಬ್ರಾಡ್‌ ಅವರನ್ನು ಜೊತೆಯಾಗಿ ಆಡಿಸಬೇಕು. ಅವರಿಬ್ಬರೂ ಉತ್ತಮ ಫಿಟ್ನೆಸ್‌ನಲ್ಲಿ ಇದ್ದಾಗ ದಯವಿಟ್ಟು ಜೊತೆಯಾಗಿ ಕಣಕ್ಕಿಳಿಸಿ. ಕೆಟ್ಟ ಮೇಲೆ ಬುದ್ಧಿಬಂದ ಹಾಗೆ ಈಗ ಸ್ಟುವರ್ಟ್‌ ಅವರನ್ನು ಆಡಿಸಲು ಮುಂದಾಗುತ್ತಿದ್ದಾರೆ. ಇದರಿಂದ ಅವರ ಮೇಲೂ ಹೆಚ್ಚಿನ ಒತ್ತಡ ಹೇರಲಿದ್ದಾರೆ. ಅಂದಹಾಗೆ ಸ್ಟುವರ್ಟ್‌ ಒತ್ತಡದ ನಡುವೆಯೂ ಉತ್ತಮ ಪ್ರದರ್ಶನ ನೀಡಬಲ್ಲರು," ಎಂದು ಸ್ವಾನ್ ಇಂಗ್ಲೆಂಡ್‌ ತಂಡಕ್ಕೆ ಕಿವಿಮಾತನ್ನು ಹೇಳಿದ್ದಾರೆ.
ಇಂಗ್ಲೆಂಡ್‌ ತಂಡ ಇದೀಗ ಮ್ಯಾಂಚೆಸ್ಟರ್‌ನ ಓಲ್ಡ್‌ ಟ್ರಾಫರ್ಡ್‌ನಲ್ಲಿ ಜುಲೈ 16ರಿಂದ ನಡೆಯಲಿರುವ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಸರಣಿ ಉಳಿಸಿಕೊಳ್ಳುವ ಸಲುವಾಗಿ ಹೋರಾಟ ನಡೆಸಲಿದೆ.