ಭಾರತ ಮಹಿಳಾ ಕ್ರಿಕೆಟ್‌ ತಂಡದ ಸ್ಫೋಟಕ ಎಡಗೈ ಆರಂಭಿಕ ಬ್ಯಾಟರ್‌ ಸ್ಮೃತಿ ಮಂಧಾನ, ಐಸಿಸಿ ಪ್ರಕಟಿಸಿರುವ ಮಹಿಳಾ ಏಕದಿನ ಕ್ರಿಕೆಟ್‌ ರಾ0ಕಿಂಗ್ಸ್‌ನ ಬ್ಯಾಟರ್‌ಗಳ ಪಟ್ಟಿಯಲ್ಲಿ ಅಗ್ರಸ್ಥಾನ ಕಾಯ್ದುಕೊಂಡಿದ್ದಾರೆ.
PTI19 Feb 2019, 5:00 am
ಐಸಿಸಿ ಏಕದಿನ ಮಹಿಳಾ ಕ್ರಿಕೆಟ್‌ ರಾ0ಕಿಂಗ್ಸ್‌| ಮಿಥಾಲಿ ರಾಜ್‌ಗೆ 5ನೇ ಸ್ಥಾನ
Vijaya Karnataka Webಸ್ಮೃತಿ ಮಂಧಾನಾ ನಂ.1
ದುಬೈ: ಭಾರತ ಮಹಿಳಾ ಕ್ರಿಕೆಟ್‌ ತಂಡದ ಸ್ಫೋಟಕ ಎಡಗೈ ಆರಂಭಿಕ ಬ್ಯಾಟರ್‌ ಸ್ಮೃತಿ ಮಂಧಾನ, ಐಸಿಸಿ ಪ್ರಕಟಿಸಿರುವ ಮಹಿಳಾ ಏಕದಿನ ಕ್ರಿಕೆಟ್‌ ರಾ0ಕಿಂಗ್ಸ್‌ನ ಬ್ಯಾಟರ್‌ಗಳ ಪಟ್ಟಿಯಲ್ಲಿ ಅಗ್ರಸ್ಥಾನ ಕಾಯ್ದುಕೊಂಡಿದ್ದಾರೆ.
ಒಟ್ಟಾರೆ 774 ರೇಟಿಂಗ್‌ ಅಂಕಗಳನ್ನು ಹೊಂದಿರುವ 22 ವರ್ಷದ ಯುವ ಪ್ರತಿಭೆ ಮಂಧಾನಾ, ಆಸ್ಪ್ರೇಲಿಯಾದ ದೈತ್ಯ ಪ್ರತಿಭೆಗಳಾದ ಎಲೀಸ್‌ ಪೆರ್ರಿ ಮತ್ತು ಮೆಗ್‌ ಲ್ಯಾಲಿಂಗ್‌ ಅವರನ್ನು ಹಿಂದಿಕ್ಕಿ ತಮ್ಮ ನಂ.1 ಪಟ್ಟವನ್ನು ಮತ್ತಷ್ಟು ಭದ್ರ ಪಡಿಸಿಕೊಂಡಿದ್ದಾರೆ.
ನ್ಯೂಜಿಲೆಂಡ್‌ ತಂಡದ ಅನುಭವಿ ಅಟಗಾರ್ತಿ ಏಮಿ ಸ್ಯಾಟರ್ತ್‌ವೇಟ್‌ ನಾಲ್ಕನೇ ರಾರ‍ಯಂಕ್‌ ಪಡೆದರೆ, ಭಾರತ ಏಕದಿನ ಕ್ರಿಕೆಟ್‌ ತಂಡದ ನಾಯಕಿ ಮಿಥಾಲಿ ರಾಜ್‌ 5ನೇ ರಾರ‍ಯಂಕ್‌ ಪಡೆಯುವ ಮೂಲಕ ಅಗ್ರ 5ರಲ್ಲಿ ಗುರುತಿಸಿಕೊಂಡಿದ್ದಾರೆ. ಉಳಿದಂತೆ 17 ಸ್ಥಾನ ಜಿಗಿತ ಕಂಡಿರುವ ಆಲ್‌ರೌಂಡರ್‌ ದೀಪ್ತಿ ಶರ್ಮಾ 20ನೇ ಸ್ಥಾನ ಪಡೆದರೆ, ಭಾರತ ಟಿ20 ತಂಡದ ನಾಯಕಿ ಹರ್ಮನ್‌ಪ್ರೀತ್‌ ಕೌರ್‌ 19ನೇ ಸ್ಥಾನದಲ್ಲಿದ್ದಾರೆ. ಭಾರತ ಮಹಿಳಾ ತಂಡ ಇಂಗ್ಲೆಂಡ್‌ ಮಹಿಳಾ ತಂಡದ ವಿರುದ್ಧ ತವರು ನೆಲದಲ್ಲಿ 3 ಪಂದ್ಯಗಳ ಏಕದಿನ ಕ್ರಿಕೆಟ್‌ ಸರಣಿಯನ್ನಾಡಲಿದ್ದು, ಮೊದಲ ಪಂದ್ಯ ಮುಂಬಯಿನಲ್ಲಿ ಶುಕ್ರವಾರ ನಡೆಯಲಿದೆ. ಏಕದಿನ ಸರಣಿ ಬಳಿಕ ಇಂಗ್ಲೆಂಡ್‌ ಎದುರು ಭಾರತ 3 ಪಂದ್ಯಗಳ ಟಿ20 ಸರಣಿಯಲ್ಲೂ ಪೈಪೋಟಿ ನಡೆಸಲಿದೆ.
ಜೂಲನ್‌ಗೆ 3ನೇ ಸ್ಥಾನ: ಐಸಿಸಿ ಮಹಿಳಾ ಕ್ರಿಕೆಟ್‌ ಬೌಲರ್ಸ್‌ ರಾರ‍ಯಂಕಿಂಗ್‌ ಪಟ್ಟಿಯಲ್ಲಿ ಅನುಭವಿ ವೇಗಿ ಜೂಲನ್‌ ಗೋಸ್ವಾಮಿ ಶ್ರೇಷ್ಠ ರಾರ‍ಯಂಕಿಂಗ್‌ ಹೊಂದಿರುವ ಭಾರತೀಯ ಆಟಗಾರ್ತಿ ಆಗಿದ್ದಾರೆ. 36 ವರ್ಷದ ಬಲಗೈ ವೇಗಿ ಜೂಲನ್‌ 3ನೇ ರಾರ‍ಯಂಕ್‌ ಹೊಂದಿದ್ದು, ಅಗ್ರ 5ರ ಪಟ್ಟಿಯಲ್ಲಿರುವ ಭಾರತದ ಏಕಮಾತ್ರ ಅಟಗಾರ್ತಿ. ಆಸ್ಪ್ರೇಲಿಯಾದ ಮೆಗಾನ್‌ ಶುಟ್‌ ಮತ್ತು ಪಾಕಿಸ್ತಾನದ ಸನಾ ಮಿರ್‌ ಮೊದಲೆರಡು ಸ್ಥಾನಗಳಲ್ಲಿರುವ ಬೌಲರ್‌ಗಳು. ದೀಪ್ತಿ ಶರ್ಮಾ ಮತ್ತು ಪೂನಮ್‌ ಯಾದವ್‌ ಅಗ್ರ 10ರಲ್ಲಿ ಸ್ಥಾನ ಪಡೆದಿರುವ ಭಾರತೀಯರಾಗಿದ್ದು, ಕ್ರಮವಾಗಿ 8 ಮತ್ತು 9ನೇ ಸ್ಥಾನಗಳನ್ನು ಅಲಂಕರಿಸಿದ್ದಾರೆ. ದೀಪ್ತಿ ಆಲ್‌ರೌಂಡರ್‌ಗಳ ಪಟ್ಟಿಯಲ್ಲೂ ಸ್ಥಾನ ಗಿಟ್ಟಿಸಿದ್ದು, ವೃತ್ತಿ ಬದುಕಿನ ಶ್ರೇಷ್ಠ ಸಾಧನೆಯಾಗಿ 3ನೇ ಸ್ಥಾನ ಪಡೆದಿದ್ದಾರೆ. ಎಲೀಸ್‌ ಪೆರ್ರಿ ಮತ್ತು ವೆಸ್ಟ್‌ ಇಂಡೀಸ್‌ನ ಸ್ಟೆಫನೀ ಟೇಲರ್‌ ಕ್ರಮವಾಗಿ ನಂ.1 ಮತ್ತು ನಂ.1 ಸ್ಥಾನಗಳಲ್ಲಿದ್ದಾರೆ.
ಆಲ್‌ರೌಂಡರ್‌ಗಳ ಪಟ್ಟಿಯಲ್ಲಿ ಭಾರತೀಯರು ಈವರೆಗೆ ನಂ.1 ಸ್ಥಾನ ಪಡೆದಿಲ್ಲ. ಮಾಜಿ ನಾಯಕಿ ಜೂಲನ್‌ ಗೋಸ್ವಾಮಿ (ಜುಲೈ 2015), ಪೂರ್ಣಿಮಾ ರಾವ್‌ (ಡಿಸೆಂಬರ್‌ 2000), ಶುಭಾಂಗಿ ಕುಲಕರ್ಣಿ (ಜನವರಿ 1986) 2ನೇ ಸ್ಥಾನ ಗಿಟ್ಟಿಸಿರುವುದು ಭಾರತೀಯರ ಪಾಲಿಗೆ ಶ್ರೇಷ್ಠ ಸಾಧನೆಯಾಗಿದೆ.
ಕಳೆದ 12 ಪಂದ್ಯಗಳಲ್ಲಿ ಸ್ಮೃತಿ ಸಾಧನೆ ರನ್‌: 684 ಗರಿಷ್ಠ: 135 ಸರಾಸರಿ: 68.40 ಸ್ಟ್ರೈಕ್‌ರೇಟ್‌: 98.27 ಶತಕ: 02 ಅರ್ಧಶತಕ: 06 ಫೋರ್‌: 88 ಸಿಕ್ಸರ್‌: 09
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
