5 ಪಂದ್ಯಗಳಲ್ಲಿ ಭರ್ತಿ 240 ಅಂಕ; ಟೆಸ್ಟ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ನಾಗಾಲೋಟ!

ರಾಂಚಿ: ದಕ್ಷಿಣ ಆಫ್ರಿಕಾ ವಿರುದ್ಧ ತವರಿನಲ್ಲಿ ನಡೆದ ಟೆಸ್ಟ್ ಸರಣಿಯನ್ನು ಕ್ಲೀನ್‌ಸ್ವೀಪ್‌ಗೈಯುವುದರೊಂದಿಗೆ ಆಡಿರುವ ಐದು ಪಂದ್ಯಗಳಲ್ಲಿ ಭರ್ತಿ 240 ಅಂಕಗಳನ್ನು ಕಲೆ ಹಾಕಿರುವ ಟೀಮ್ ಇಂಡಿಯಾ, ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ನಾಗಾಲೋಟವನ್ನು ಮುಂದುವರಿಸಿದೆ.

ಇದಕ್ಕೂ ಮೊದಲು ವೆಸ್ಟ್‌ಇಂಡೀಸ್‌ನಲ್ಲಿ ನಡೆದ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲೂ ಟೀಮ್ ಇಂಡಿಯಾ ವೈಟ್ ವಾಶ್ ಸಾಧನೆ ಮೆರೆದಿತ್ತು. ಒಟ್ಟಾರೆಯಾಗಿ ಆಡಿದ ಎರಡು ಸರಣಿಗಳಲ್ಲಿ ಗರಿಷ್ಠ 240 ಅಂಕಗಳನ್ನು ಕಲೆ ಹಾಕಿದೆ.

ಸರಣಿ ಗೆದ್ದ ಖುಷಿಯ ನಡುವೆ ಭಾರತೀಯ ಡ್ರೆಸ್ಸಿಂಗ್ ಕೊಠಡಿಗೆ ಭೇಟಿ ಕೊಟ್ಟ ವಿಶೇಷ ಆತಿಥಿ

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಅಂಕಪಟ್ಟಿ ಇಂತಿದೆ:
1. ಭಾರತ: 2 ಸರಣಿ, ಪಂದ್ಯ: 5, ಗೆಲುವು: 5, ಅಂಕ: 240
2. ನ್ಯೂಜಿಲೆಂಡ್: 1 ಸರಣಿ, ಪಂದ್ಯ: 2, ಗೆಲುವು: 1, ಅಂಕ: 60
3. ಶ್ರೀಲಂಕಾ: 1 ಸರಣಿ, ಪಂದ್ಯ: 2, ಗೆಲುವು: 1, ಅಂಕ: 60
4. ಆಸ್ಟ್ರೇಲಿಯಾ: 1 ಸರಣಿ, ಪಂದ್ಯ: 5, ಗೆಲುವು: 2, ಅಂಕ: 56
5. ಇಂಗ್ಲೆಂಡ್: 1 ಸರಣಿ, ಪಂದ್ಯ: 5, ಗೆಲುವು: 2, ಅಂಕ: 56
6. ವೆಸ್ಟ್‌ಇಂಡೀಸ್: 1 ಸರಣಿ, ಪಂದ್ಯ: 2, ಗೆಲುವು: 0, ಅಂಕ: 0
7. ದ.ಆಫ್ರಿಕಾ: 1 ಸರಣಿ, ಪಂದ್ಯ: 3, ಗೆಲುವು: 0, ಅಂಕ: 0

ಹರಿಣಗಳಿಗೆ ವೈಟ್‌ವಾಶ್ ಬಳಿದ ಭಾರತ; ವಿರಾಟ್ ಕೊಹ್ಲಿ ಪಡೆಯ ವಿಶೇಷ ಸಾಧನೆ

ಭಾರತದ ಸರಣಿಯೊಂದಿಗೆ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ಗೆ ದಕ್ಷಿಣ ಆಫ್ರಿಕಾ ಕಾಲಿರಿಸಿತ್ತು. ಆದರೆ ಭಾರತ ನೆಲದಲ್ಲಿ ಹೀನಾಯ ಸೋಲಿಗೆ ಗುರಿಯಾಗಿದೆ.

ಕಳೆದ ಆ್ಯಶಸ್ ಟೆಸ್ಟ್ ಸರಣಿಯೊಂದಿಗೆ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ಗೆ ಚಾಲನೆ ದೊರಕಿತ್ತು. ಭಾರತ ತನ್ನ ಮೊದಲ ಸರಣಿಯಲ್ಲಿ ವೆಸ್ಟ್‌ಇಂಡೀಸ್ ವಿರುದ್ಧ ಭಾಗವಹಿಸಿತ್ತು. ಇನ್ನೊಂದೆಡೆ ದ್ವಿತೀಯ ಸ್ಥಾನದಲ್ಲಿರುವ ನ್ಯೂಜಿಲೆಂಡ್‌ಗಿಂತಲೂ 180 ಅಂಕಗಳ ಭರ್ಜರಿ ಮುನ್ನಡೆ ಕಾಯ್ದುಕೊಂಡಿದೆ.

IND vs SA: ದಕ್ಷಿಣ ಆಫ್ರಿಕಾ ಟೆಸ್ಟ್ ಸರಣಿಯನ್ನು 3-0 ಅಂತರದಲ್ಲಿ ಕ್ಲೀನ್‌ ಸ್ವೀಪ್‌ಗೈದ ಭಾರತ

ಟೆಸ್ಟ್ ನಂ.1 ತಂಡ ಭಾರತ ತನ್ನ ಮುಂದಿನ ಸರಣಿಯಲ್ಲಿ ಬಾಂಗ್ಲಾದೇಶ ಸವಾಲನ್ನು ಎದುರಿಸಲಿದೆ. ತವರಿನಲ್ಲಿ ನಡೆಯಲಿರುವ ಎರಡು ಪಂದ್ಯಗಳ ಸರಣಿಯನ್ನು ಗೆದ್ದು ಅಂಕಗಳನ್ನು 360ಕ್ಕೆ ಏರಿಸುವ ಇರಾದೆಯಲ್ಲಿದೆ.