ಮೊಟೆರಾ ಪಿಚ್ ಕಳಪೆಯೋ ಅಲ್ಲವೋ ಎಂದು ಐಸಿಸಿ ನಿರ್ಧರಿಸಲಿ: ರೂಟ್
ಭಾರತ ಮತ್ತು ಇಂಗ್ಲೆಂಡ್ ನಡುವೆ ಮೊಟೆರಾದ ನೂತನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ ಪಿಂಕ್ ಬಾಲ್ ಟೆಸ್ಟ್ ಪಂದ್ಯವು ಕೇವಲ ಎರಡೇ ದಿನಗಳಲ್ಲಿ ಫಲಿತಾಂಶ ಕಂಡಿತು. ಇದರ ಬೆನ್ನಲ್ಲೇ ಪಿಚ್ ಗುಣಮಟ್ಟದ ಬಗ್ಗೆ ಸಾಕಷ್ಟು ಚರ್ಚೆ ಆರಂಭವಾಗಿದೆ.
Vijaya Karnataka Web 26 Feb 2021, 12:38 am
ಹೈಲೈಟ್ಸ್:
- ಭಾರತ ಮತ್ತು ಇಂಗ್ಲೆಂಡ್ ನಡುವಣ ಡೇ-ನೈಟ್ ಟೆಸ್ಟ್ಗೆ ಆತಿಥ್ಯ ವಹಿಸಿದ್ದ ಮೊಟೆರಾ ಕ್ರೀಡಾಂಗಣ.
- ಪಂದ್ಯದ ಎರಡನೇ ದಿನದಾಟದಲ್ಲೇ ಹೊರಬಿದ್ದ ಫಲಿತಾಂಶ, ಭಾರತಕ್ಕೆ 10 ವಿಕೆಟ್ಗಳ ಭರ್ಜರಿ ಜಯ.
- ಕಳಪೆ ಪಿಚ್ ಎಂದು ನಿರ್ಧಾರ ಮಾಡುವುದು ಐಸಿಸಿ ಕೆಲಸ ಆಟಗಾರರದ್ದಲ್ಲ ಎಂದು ಹೇಳಿದ ಇಂಗ್ಲೆಂಡ್ ನಾಯಕ.
- ಇತ್ತಂಡಗಳ ನಡುವಣ ನಾಲ್ಕನೇ ಟೆಸ್ಟ್ ಮಾರ್ಚ್ 4ರಂದು ಇದೇ ಕ್ರೀಡಾಂಗಣದಲ್ಲಿ ಶುರುವಾಗಲಿದೆ.
ಅಹ್ಮದಾಬಾದ್: ಭಾರತ ಮತ್ತು ಇಂಗ್ಲೆಂಡ್ ನಡುವೆ ಮೊಟೆರಾದಲ್ಲಿ ನಡೆದ ಡೇ-ನೈಟ್ ಟೆಸ್ಟ್ ಪಂದ್ಯ ಕೇವಲ ಎರಡು ದಿನಗಳಲ್ಲಿ ಅಂತ್ಯಗೊಂಡ ಬಳಿಕ ಮೊಟೆರಾ ಪಿಚ್ ಬಗ್ಗೆ ಸಾಕಷ್ಟು ಟೀಕೆಗಳು ವ್ಯಕ್ತವಾಗಿದೆ. ಅಂದಹಾಗೆ ಈ ಪಿಚ್ ಟೆಸ್ಟ್ ಪಂದ್ಯಕ್ಕೆ ಸೂಕ್ತವಾದುದ್ದೇ ಅಥವಾ ಇಲ್ಲವೇ ಎಂಬುದನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ನಿರ್ಧಾರ ಮಾಡಲಿ ಇದು ಆಟಗಾರರ ಕೆಲಸ ಅಲ್ಲ ಎಂದು ಇಂಗ್ಲೆಂಡ್ ತಂಡದ ನಾಯಕ ಜೋ ರೂಟ್ ಹೇಳಿದ್ದಾರೆ.
ಪಿಂಕ್ ಬಾಲ್ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು ಕೂಡ ಇಂಗ್ಲೆಂಡ್ ಮೊದಲ ಇನಿಂಗ್ಸ್ನಲ್ಲಿ 112 ರನ್ ಮತ್ತು ಎರಡನೇ ಇನಿಂಗ್ಸ್ನಲ್ಲಿ 81 ರನ್ಗಳ ಅಲ್ಪ ಮೊತ್ತ ಮಾತ್ರವೇ ಗಳಿಸಲು ಶಕ್ತವಾಯಿತು. ಆದರೆ, ಇದಕ್ಕೆ ಪಿಚ್ ಕಾರಣ ಎನ್ನಲು ರೂಟ್ ನಿರಾಕರಿಸಿದ್ದಾರೆ.
ಭಾರತ-ಇಂಗ್ಲೆಂಡ್ ನಡುವಣ ಡೇ-ನೈಟ್ ಟೆಸ್ಟ್ ಪಂದ್ಯದ ಸ್ಕೋರ್ ಕಾರ್ಡ್
"ಈ ಪಿಚ್ ಬ್ಯಾಟಿಂಗ್ಗೆ ಅತ್ಯಂತ ಸವಾಲಿನದ್ದಾಗಿತ್ತು. ಇಲ್ಲಿ ಬ್ಯಾಟ್ ಮಾಡುವುದು ಅಷ್ಟು ಸುಲಭದ ಮಾತಲ್ಲ. ಆದರೆ ಪಿಚ್ ಟೆಸ್ಟ್ ಪಂದ್ಯಕ್ಕೆ ಸೂಕ್ತವೋ ಅಲ್ಲವೋ ಎಂಬುದನ್ನು ನಿರ್ಧರಿಸುವುದು ಆಟಗಾರರ ಕೆಲಸವಲ್ಲ. ಈ ಬಗ್ಗೆ ಐಸಿಸಿ ನಿರ್ಧಾರ ತೆಗೆದುಕೊಳ್ಳಲಿ," ಎಂದು ಪಂದ್ಯದ ಬಳಿಕ ಮಾತನಾಡಿದ ರೂಟ್ ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ. ಅಂದಹಾಗೆ ಬ್ಯಾಟಿಂಗ್ನಲ್ಲಿ ತಂಡಕ್ಕೆ ಆಸರೆಯಾಗುವಲ್ಲಿ ವಿಫಲರಾದ ರೂಟ್, ಬೌಲಿಂಗ್ನಲ್ಲಿ ಗಮನ ಸೆಳೆದು ಚೊಚ್ಚಲ ಐದು ವಿಕೆಟ್ ಸಾಧನೆ ಮಾಡಿದ್ದರು.
ಇಂಗ್ಲೆಂಡ್ ಔಟ್, ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ತಲುಪಲು ಭಾರತಕ್ಕಿನ್ನು ಒಂದೇ ಮೆಟ್ಟಿಲು!
"ಆಟಗಾರರಾಗಿ ನಮ್ಮೆದುರು ಸಿಗುವ ಎಲ್ಲಾ ಸವಾಲುಗಳನ್ನು ಎದುರಿಸಲು ಪ್ರಯತ್ನ ಮಾಡುತ್ತೇವೆ. ಅಲ್ಲಿ ನಮ್ಮ ಸಂಪೂರ್ಣ ಸಾಮರ್ಥ್ಯದೊಂದಿಗೆ ಆಡಿ ಉತ್ತಮ ಪ್ರದರ್ಶನ ನೀಡುವ ಪ್ರಯತ್ನಿಸುತ್ತೇವೆ," ಎಂದಿದ್ದಾರೆ. ಇದೇ ವೇಳೆ ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ ದೊಡ್ಡ ಮೊತ್ತ ದಾಖಲಿಸುವಲ್ಲಿ ವಿಫಲವಾಗಿದ್ದೇ ಸೋಲಿಗೆ ಮುಖ್ಯ ಕಾರಣ ಎಂದು ಹೇಳಿಕೊಂಡಿದ್ದಾರೆ.
"ಬಹಳಾ ಬೇಸರವಾಗಿದೆ. ಆದರೆ ನಮಗೆ ಸಿಕ್ಕಿದ್ದ ಉತ್ತಮ ಅವಕಾಶವನ್ನು ಬಳಸಿಕೊಳ್ಳಲು ವಿಫಲರಾದೆವು. ಮೊದಲ ಇನಿಂಗ್ಸ್ನಲ್ಲಿ 71ಕ್ಕೆ 2 ವಿಕೆಟ್ ಮಾತ್ರವೇ ಕಳೆದುಕೊಂಡಿದ್ದೆವು. ಅಲ್ಲಿ ದೊಡ್ಡ ಮೊತ್ತ ಗಳಿಸುವ ಅವಕಾಶವನ್ನು ನಾವು ಕೈಚೆಲ್ಲಿದೆವು. ಅಲ್ಲಿ 200 ರನ್ ಗಳಿಸಿದ್ದರೆ ಈ ಪಿಚ್ನಲ್ಲಿ ಅದು ಅತ್ಯುತ್ತಮ ಮೊತ್ತವಾಗುತ್ತಿತ್ತು. ಪಂದ್ಯದ ಸ್ಥಿತಿಗತಿ ಸಂಪೂರ್ಣ ಬದಲಾಗುತ್ತಿತ್ತು," ಎಂದಿದ್ದಾರೆ.
ಟೀಮ್ ಇಂಡಿಯಾ ಎದುರು 5 ವಿಕೆಟ್ ಪಡೆದು ವಿಶ್ವ ದಾಖಲೆ ಬರೆದ ರೂಟ್!
ಡೇ-ನೈಟ್ ಟೆಸ್ಟ್ನ ಸಂಕ್ಷಿಪ್ತ ಸ್ಕೋರ್
ಇಂಗ್ಲೆಂಡ್: ಮೊದಲ ಇನಿಂಗ್ಸ್ 48.4 ಓವರ್ಗಳಲ್ಲಿ 112 ರನ್ಗಳಿಗೆ ಆಲ್ಔಟ್ (ಜಾಕ್ ಕ್ರಾವ್ಲೀ 53, ಜೋ ರೂಟ್ 17, ಬೆನ್ ಫೋಕ್ಸ್ 12, ಜೋಫ್ರ ಆರ್ಚರ್ 11; ಅಕ್ಷರ್ ಪಟೇಲ್ 38ಕ್ಕೆ 6, ಆರ್ ಅಶ್ವಿನ್ 28ಕ್ಕೆ 3, ಇಶಾಂತ್ ಶರ್ಮಾ 26ಕ್ಕೆ 1).
ಭಾರತ: ಮೊದಲ ಇನಿಂಗ್ಸ್ 33 ಓವರ್ಗಳಲ್ಲಿ 3 ವಿಕೆಟ್ಗೆ 99 ರನ್ (ರೋಹಿತ್ ಶರ್ಮಾ ಅಜೇಯ 57, ಶುಭಮನ್ ಗಿಲ್ 11, ಚೇತೇಶ್ವರ್ ಪೂಜಾರ 0, ವಿರಾಟ್ ಕೊಹ್ಲಿ 27, ಅಜಿಂಕ್ಯ ರಹಾನೆ ಅಜೇಯ 1; ಜಾಕ್ ಲೀಚ್ 27ಕ್ಕೆ 2, ಜೋಫ್ರ ಆರ್ಚರ್ 24ಕ್ಕೆ 1).
ಇಂಗ್ಲೆಂಡ್: ಎರಡನೇ ಇನಿಂಗ್ಸ್ 30.4 ಓವರ್ಗಳಲ್ಲಿ 81ಕ್ಕೆ ಆಲ್ಔಟ್ (ಜೋ ರೂಟ್ 19, ಬೆನ್ ಸ್ಟೋಕ್ಸ್ 25, ಓಲೀ ಪೋಪ್ 12; ಅಕ್ಷರ್ ಪಟೇಲ್ 32ಕ್ಕೆ 5, ಆರ್ ಅಶ್ವಿನ್ 48ಕ್ಕೆ 4, ವಾಷಿಂಗ್ಟನ್ ಸುಂದರ್ 1ಕ್ಕೆ 1).
ಭಾರತ: ದ್ವಿತೀಯ ಇನಿಂಗ್ಸ್ 9 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 49 (ರೋಹಿತ್ ಶರ್ಮಾ ಅಜೇಯ 25, ಶುಭಮನ್ ಗಿಲ್ ಅಜೇಯ 15).
ಐಸಿಸಿ ಟೆಸ್ಟ್ ಚಾಂಪಿಯನ್ಷಿಪ್ ಅಂಕಪಟ್ಟಿ
1. ಭಾರತ: 490 ಅಂಕಗಳು
2. ನ್ಯೂಜಿಲೆಂಡ್: 420 ಅಂಕಗಳು
3. ಆಸ್ಟ್ರೇಲಿಯಾ: 332 ಅಂಕಗಳು
4. ಇಂಗ್ಲೆಂಡ್: 442 ಅಂಕಗಳು
5. ಪಾಕಿಸ್ತಾನ: 286 ಅಂಕಗಳು
6. ವೆಸ್ಟ್ ಇಂಡೀಸ್: 160 ಅಂಕಗಳು
7. ದಕ್ಷಿಣ ಆಫ್ರಿಕಾ: 144 ಅಂಕಗಳು
8. ಶ್ರೀಲಂಕಾ: 80 ಅಂಕಗಳು
ಪಿಂಕ್ ಬಾಲ್ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು ಕೂಡ ಇಂಗ್ಲೆಂಡ್ ಮೊದಲ ಇನಿಂಗ್ಸ್ನಲ್ಲಿ 112 ರನ್ ಮತ್ತು ಎರಡನೇ ಇನಿಂಗ್ಸ್ನಲ್ಲಿ 81 ರನ್ಗಳ ಅಲ್ಪ ಮೊತ್ತ ಮಾತ್ರವೇ ಗಳಿಸಲು ಶಕ್ತವಾಯಿತು. ಆದರೆ, ಇದಕ್ಕೆ ಪಿಚ್ ಕಾರಣ ಎನ್ನಲು ರೂಟ್ ನಿರಾಕರಿಸಿದ್ದಾರೆ.
ಭಾರತ-ಇಂಗ್ಲೆಂಡ್ ನಡುವಣ ಡೇ-ನೈಟ್ ಟೆಸ್ಟ್ ಪಂದ್ಯದ ಸ್ಕೋರ್ ಕಾರ್ಡ್
"ಈ ಪಿಚ್ ಬ್ಯಾಟಿಂಗ್ಗೆ ಅತ್ಯಂತ ಸವಾಲಿನದ್ದಾಗಿತ್ತು. ಇಲ್ಲಿ ಬ್ಯಾಟ್ ಮಾಡುವುದು ಅಷ್ಟು ಸುಲಭದ ಮಾತಲ್ಲ. ಆದರೆ ಪಿಚ್ ಟೆಸ್ಟ್ ಪಂದ್ಯಕ್ಕೆ ಸೂಕ್ತವೋ ಅಲ್ಲವೋ ಎಂಬುದನ್ನು ನಿರ್ಧರಿಸುವುದು ಆಟಗಾರರ ಕೆಲಸವಲ್ಲ. ಈ ಬಗ್ಗೆ ಐಸಿಸಿ ನಿರ್ಧಾರ ತೆಗೆದುಕೊಳ್ಳಲಿ," ಎಂದು ಪಂದ್ಯದ ಬಳಿಕ ಮಾತನಾಡಿದ ರೂಟ್ ತಮ್ಮ ಅಭಿಪ್ರಾಯ ತಿಳಿಸಿದ್ದಾರೆ. ಅಂದಹಾಗೆ ಬ್ಯಾಟಿಂಗ್ನಲ್ಲಿ ತಂಡಕ್ಕೆ ಆಸರೆಯಾಗುವಲ್ಲಿ ವಿಫಲರಾದ ರೂಟ್, ಬೌಲಿಂಗ್ನಲ್ಲಿ ಗಮನ ಸೆಳೆದು ಚೊಚ್ಚಲ ಐದು ವಿಕೆಟ್ ಸಾಧನೆ ಮಾಡಿದ್ದರು.
ಇಂಗ್ಲೆಂಡ್ ಔಟ್, ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ ತಲುಪಲು ಭಾರತಕ್ಕಿನ್ನು ಒಂದೇ ಮೆಟ್ಟಿಲು!
"ಆಟಗಾರರಾಗಿ ನಮ್ಮೆದುರು ಸಿಗುವ ಎಲ್ಲಾ ಸವಾಲುಗಳನ್ನು ಎದುರಿಸಲು ಪ್ರಯತ್ನ ಮಾಡುತ್ತೇವೆ. ಅಲ್ಲಿ ನಮ್ಮ ಸಂಪೂರ್ಣ ಸಾಮರ್ಥ್ಯದೊಂದಿಗೆ ಆಡಿ ಉತ್ತಮ ಪ್ರದರ್ಶನ ನೀಡುವ ಪ್ರಯತ್ನಿಸುತ್ತೇವೆ," ಎಂದಿದ್ದಾರೆ. ಇದೇ ವೇಳೆ ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ ದೊಡ್ಡ ಮೊತ್ತ ದಾಖಲಿಸುವಲ್ಲಿ ವಿಫಲವಾಗಿದ್ದೇ ಸೋಲಿಗೆ ಮುಖ್ಯ ಕಾರಣ ಎಂದು ಹೇಳಿಕೊಂಡಿದ್ದಾರೆ.
"ಬಹಳಾ ಬೇಸರವಾಗಿದೆ. ಆದರೆ ನಮಗೆ ಸಿಕ್ಕಿದ್ದ ಉತ್ತಮ ಅವಕಾಶವನ್ನು ಬಳಸಿಕೊಳ್ಳಲು ವಿಫಲರಾದೆವು. ಮೊದಲ ಇನಿಂಗ್ಸ್ನಲ್ಲಿ 71ಕ್ಕೆ 2 ವಿಕೆಟ್ ಮಾತ್ರವೇ ಕಳೆದುಕೊಂಡಿದ್ದೆವು. ಅಲ್ಲಿ ದೊಡ್ಡ ಮೊತ್ತ ಗಳಿಸುವ ಅವಕಾಶವನ್ನು ನಾವು ಕೈಚೆಲ್ಲಿದೆವು. ಅಲ್ಲಿ 200 ರನ್ ಗಳಿಸಿದ್ದರೆ ಈ ಪಿಚ್ನಲ್ಲಿ ಅದು ಅತ್ಯುತ್ತಮ ಮೊತ್ತವಾಗುತ್ತಿತ್ತು. ಪಂದ್ಯದ ಸ್ಥಿತಿಗತಿ ಸಂಪೂರ್ಣ ಬದಲಾಗುತ್ತಿತ್ತು," ಎಂದಿದ್ದಾರೆ.
ಟೀಮ್ ಇಂಡಿಯಾ ಎದುರು 5 ವಿಕೆಟ್ ಪಡೆದು ವಿಶ್ವ ದಾಖಲೆ ಬರೆದ ರೂಟ್!
ಡೇ-ನೈಟ್ ಟೆಸ್ಟ್ನ ಸಂಕ್ಷಿಪ್ತ ಸ್ಕೋರ್
ಇಂಗ್ಲೆಂಡ್: ಮೊದಲ ಇನಿಂಗ್ಸ್ 48.4 ಓವರ್ಗಳಲ್ಲಿ 112 ರನ್ಗಳಿಗೆ ಆಲ್ಔಟ್ (ಜಾಕ್ ಕ್ರಾವ್ಲೀ 53, ಜೋ ರೂಟ್ 17, ಬೆನ್ ಫೋಕ್ಸ್ 12, ಜೋಫ್ರ ಆರ್ಚರ್ 11; ಅಕ್ಷರ್ ಪಟೇಲ್ 38ಕ್ಕೆ 6, ಆರ್ ಅಶ್ವಿನ್ 28ಕ್ಕೆ 3, ಇಶಾಂತ್ ಶರ್ಮಾ 26ಕ್ಕೆ 1).
ಭಾರತ: ಮೊದಲ ಇನಿಂಗ್ಸ್ 33 ಓವರ್ಗಳಲ್ಲಿ 3 ವಿಕೆಟ್ಗೆ 99 ರನ್ (ರೋಹಿತ್ ಶರ್ಮಾ ಅಜೇಯ 57, ಶುಭಮನ್ ಗಿಲ್ 11, ಚೇತೇಶ್ವರ್ ಪೂಜಾರ 0, ವಿರಾಟ್ ಕೊಹ್ಲಿ 27, ಅಜಿಂಕ್ಯ ರಹಾನೆ ಅಜೇಯ 1; ಜಾಕ್ ಲೀಚ್ 27ಕ್ಕೆ 2, ಜೋಫ್ರ ಆರ್ಚರ್ 24ಕ್ಕೆ 1).
ಇಂಗ್ಲೆಂಡ್: ಎರಡನೇ ಇನಿಂಗ್ಸ್ 30.4 ಓವರ್ಗಳಲ್ಲಿ 81ಕ್ಕೆ ಆಲ್ಔಟ್ (ಜೋ ರೂಟ್ 19, ಬೆನ್ ಸ್ಟೋಕ್ಸ್ 25, ಓಲೀ ಪೋಪ್ 12; ಅಕ್ಷರ್ ಪಟೇಲ್ 32ಕ್ಕೆ 5, ಆರ್ ಅಶ್ವಿನ್ 48ಕ್ಕೆ 4, ವಾಷಿಂಗ್ಟನ್ ಸುಂದರ್ 1ಕ್ಕೆ 1).
ಭಾರತ: ದ್ವಿತೀಯ ಇನಿಂಗ್ಸ್ 9 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 49 (ರೋಹಿತ್ ಶರ್ಮಾ ಅಜೇಯ 25, ಶುಭಮನ್ ಗಿಲ್ ಅಜೇಯ 15).
ಐಸಿಸಿ ಟೆಸ್ಟ್ ಚಾಂಪಿಯನ್ಷಿಪ್ ಅಂಕಪಟ್ಟಿ
1. ಭಾರತ: 490 ಅಂಕಗಳು
2. ನ್ಯೂಜಿಲೆಂಡ್: 420 ಅಂಕಗಳು
3. ಆಸ್ಟ್ರೇಲಿಯಾ: 332 ಅಂಕಗಳು
4. ಇಂಗ್ಲೆಂಡ್: 442 ಅಂಕಗಳು
5. ಪಾಕಿಸ್ತಾನ: 286 ಅಂಕಗಳು
6. ವೆಸ್ಟ್ ಇಂಡೀಸ್: 160 ಅಂಕಗಳು
7. ದಕ್ಷಿಣ ಆಫ್ರಿಕಾ: 144 ಅಂಕಗಳು
8. ಶ್ರೀಲಂಕಾ: 80 ಅಂಕಗಳು