ಬ್ಯಾಕ್‌ ಟು ಬ್ಯಾಕ್‌ ಸಿಕ್ಸರ್‌ ಸಿಡಿಸಿ ವಿಶೇಷ ದಾಖಲೆ ಮುಡಿಗೇರಿಸಿದ ಉಮೇಶ್‌ ಯಾದವ್‌!

ರಾಂಚಿ: ಕೆಳ ಕ್ರಮಾಂಕದಲ್ಲಿ ಸ್ಫೋಟಕ ಬ್ಯಾಟಿಂಗ್‌ ನಡೆಸಿ ಚುರುಕಾಗಿ ರನ್‌ ಹೆಕ್ಕಿ ತರುವುದರಲ್ಲಿ ನಿಸ್ಸೀಮರಾದ ಪಿಂಚ್‌ ಹಿಟ್ಟರ್‌ ಉಮೇಶ್‌ ಯಾದವ್‌ ವಿಶೇಷ ದಾಖಲೆಯೊಂದನ್ನು ಮುಡಿಗೇರಿಸಿಕೊಂಡಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್‌ ಸರಣಿಯ ಮೂರನೇ ಪಂದ್ಯದ 2ನೇ ದಿನದಾಟದಂದು ಬ್ಯಾಟಿಂಗ್‌ಗೆ ಇಳಿದ ಉಮೇಶ್‌, ಎದುರಿಸಿದ ಮೊದಲ ಎರಡು ಎಸೆತಗಳನ್ನೇ ಸಿಕ್ಸರ್‌ಗೆ ಅಟ್ಟುವ ಮೂಲಕ ವಿಶ್ವ ದಾಖಲೆಯ ಪುಟದಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.

ಇಲ್ಲಿನ ಜಾರ್ಖಂಡ್‌ ರಾಜ್ಯ ಕ್ರಿಕೆಟ್‌ ಸಂಸ್ಥೆ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಟೆಸ್ಟ್‌ ಪಂದ್ಯದ ಎರಡನೇ ದಿನವಾದ ಭಾನುವಾರ 9ನೇ ಬ್ಯಾಟ್ಸ್‌ಮನ್‌ ಆಗಿ ಕಣಕ್ಕಿಳಿದ ಉಮೇಶ್‌ ಯಾದವ್‌, 112ನೇ ಓವರ್‌ ಬೌಲ್‌ ಮಾಡಿದ ಜಾರ್ಜ್‌ ಲಿಂಡೆ ಅವರ ಕೊನೆಯ ಎರಡು ಎಸೆತಗಳನ್ನು ಸಿಕ್ಸರ್‌ಗೆ ಅಟ್ಟಿದ್ದರು.

ಅನಗತ್ಯ ಕಾರಣ ಕೊಟ್ಟ ಡೀನ್‌ ಎಲ್ಗರ್‌ಗೆ ಬಿಸಿ ಮುಟ್ಟಿಸಿದ ಟೀಮ್‌ ಇಂಡಿಯಾ ಫ್ಯಾನ್ಸ್‌!

ಅಂದಹಾಗೆ ಟೆಸ್ಟ್‌ ಕ್ರಿಕೆಟ್‌ನ ಇತಿಹಾಸದಲ್ಲಿ ಇದಕ್ಕೂ ಮುನ್ನ ಕೇವಲ ಇಬ್ಬರು ಬ್ಯಾಟ್ಸ್‌ಮನ್‌ಗಳು ಮಾತ್ರವೇ ಈ ಸಾಧನೆ ಮಾಡಿದ್ದರು. 1948ರಲ್ಲಿ ಇಂಗ್ಲೆಂಡ್‌ ವಿರುದ್ಧದ ಟೆಸ್ಟ್‌ ಪಂದ್ಯದಲ್ಲಿ ಎದುರಿಸಿದ ಮೊದಲ ಓವರ್‌ನಲ್ಲೇ ವಿಲಿಯಮ್ಸ್‌ 6, 6, 4, 4, 4, 4 ರನ್‌ಗಳನ್ನು ಬಾರಿಸಿದ್ದರು. ಬಳಿಕ 2013ರಲ್ಲಿ ಸಚಿನ್‌ ತೆಂಡೂಲ್ಕರ್‌ ಈ ಸಾಧನೆ ಮಾಡಿದರು.

ಇದೀಗ ಮೊದಲೆರಡು ಎಸೆತಗಳಲ್ಲಿ ಸಿಕ್ಸರ್‌ ಸಿಡಿಸುವ ಮೂಲಕ ವಿಲಿಯಮ್ಸ್‌ ಮತ್ತು ತೆಂಡೂಲ್ಕರ್‌ ಅವರ ಅಪರೂಪದ ದಾಖಲೆಯ ಪುಟಕ್ಕೆ ವೇಗಿ ಉಮೇಶ್ ಯಾದವ್‌ ಸೇರ್ಪಡೆಯಾಗಿದೆ. ಉಮೇಶ್‌ ಯಾದವ್‌ ಕೇವಲ 10 ಎಸೆತಗಳಲ್ಲಿ 5 ಸಿಕ್ಸರ್‌ ಒಳಗೊಂಡ 31 ರನ್‌ ಗಳಿಸಿ ಮತ್ತೊಂದು ದೊಡ್ಡ ಹೊಡೆತದ ಪ್ರಯತ್ನದಲ್ಲಿ ವಿಕೆಟ್‌ ಒಪ್ಪಿಸಿದರು. 310ರ ಸ್ಟ್ರೈಕ್‌ ರೇಟ್‌ನಲ್ಲಿ ಬ್ಯಾಟ್‌ ಬೀಸಿದ ಉಮೇಶ್‌ ಯಾದವ್‌, ಟೆಸ್ಟ್‌ ಕ್ರಿಕೆಟ್‌ ಇತಿಹಾಸದಲ್ಲಿ 10ಕ್ಕೂ ಹೆಚ್ಚು ಎಸೆತಗಳನ್ನು ಎದುರಿಸಿ ಅತಿ ಹೆಚ್ಚು ಸ್ಟ್ರೈಕ್‌ರೇಟ್‌ ಹೊಂದಿದ ಬ್ಯಾಟ್ಸ್‌ಮನ್‌ ಎಂಬ ಕೀರ್ತಿಗೂ ಪಾತ್ರರಾಗಿದ್ದಾರೆ. ಜೊತೆಗೆ ಟೆಸ್ಟ್‌ ಇನಿಂಗ್ಸ್‌ ಒಂದರಲ್ಲಿ 5 ಸಿಕ್ಸರ್‌ ಬಾರಿಸಿ ಒಂದು ಫೋರ್‌ ಕೂಡ ಗಳಿಸದೇ ಇರುವುದು ಇದೇ ಮೊದಲಾಗಿದೆ.

ಸಿಕ್ಸ್‌ ಹೊಡೆದು ದ್ವಿಶತಕ ಬಾರಿಸಿದ ಹಿಟ್‌ಮ್ಯಾನ್‌, ಸೆಹ್ವಾಗ್‌, ಗವಾಸ್ಕರ್‌ ಎಲೈಟ್‌ ಸಾಲಿಗೆ ರೋಹಿತ್‌!

ಇದರೊಂದಿಗೆ ಟೀಮ್‌ ಇಂಡಿಯಾ ತನ್ನ ಮೊದಲ ಇನಿಂಗ್ಸ್‌ನಲ್ಲಿ 116.3 ಓವರ್‌ಗಳಲ್ಲಿ 9 ವಿಕೆಟ್‌ಗೆ 497 ರನ್‌ಗಳನ್ನು ದಾಖಲಿಸಿ ಇನಿಂಗ್ಸ್‌ ಡಿಕ್ಲೇರ್‌ ಮಾಡಿಕೊಂಡಿತು. ರೋಹಿತ್‌ ಶರ್ಮಾ (212), ಅಜಿಂಕ್ಯ ರಹಾನೆ (115) ಮತ್ತು ರವೀಂದ್ರ ಜಡೇಜಾ (51) ಶ್ರೇಷ್ಠ ಬ್ಯಾಟಿಂಗ್‌ ಪ್ರದರ್ಶನ ನೀಡಿ ತಂಡದ ಬೃಹತ್‌ ಮೊತ್ತಕ್ಕೆ ಕಾರಣರಾದರು.

ಭಾರತ vs ದ. ಆಫ್ರಿಕಾ 3ನೇ ಟೆಸ್ಟ್‌: 9 ರನ್‌ಗೆ 2 ವಿಕೆಟ್‌ ಕಳೆದುಕೊಂಡ ಹರಿಣ ಪಡೆ

ಬಳಿಕ ಮೊದಲ ಇನಿಂಗ್ಸ್‌ ಆರಂಭಿಸಿದ ದಕ್ಷಿಣ ಆಫ್ರಿಕಾ ತಂಡ ಮಂದ ಬೆಳಕಿನ ಕಾರಣ ಪಂದ್ಯ ನಿಗದಿತ ಅವಧಿಗೂ ಮುನ್ನ ಅಂತ್ಯಗೊಳ್ಳುವ ಹೊತ್ತಿಗೆ 5 ಓವರ್‌ಗಳಲ್ಲಿ 9 ರನ್‌ಗೆ 2 ವಿಕೆಟ್‌ಗಳನ್ನು ಕಳೆದುಕೊಂಡಿತ್ತು. ಆರಂಭಿಕ ಬ್ಯಾಟ್ಸ್‌ಮನ್‌ಗಳಾದ ಡೀನ್‌ ಎಲ್ಗರ್‌ (0) ಮತ್ತು ಕ್ವಿಂಟನ್‌ ಡಿ'ಕಾಕ್‌ (4) ಟೀಮ್‌ ಇಂಡಯಾ ವೇಗಿಗಳಿಗೆ ತಲೆಬಾಗಿದರು. ಮೊಹಮ್ಮದ್‌ ಶಮಿ (0ಕ್ಕೆ 1) ಮತ್ತು ಉಮೇಶ್‌ ಯಾದವ್‌ (4ಕ್ಕೆ 1) ತಲಾ ಒಂದು ವಿಕೆಟ್‌ ಪಡೆದು ಭಾರತಕ್ಕೆ ಭರ್ಜರಿ ಆರಂಭ ಒದಗಿಸಿದರು.