ಭಾರತ ‘ಎ’ ಮಡಿಲಿಗೆ ಟೆಸ್ಟ್‌ ಸರಣಿ

ಪೋರ್ಟ್‌ ಆಫ್‌ ಸ್ಪೇನ್‌ : ಆರಂಭಿಕ ಬ್ಯಾಟ್ಸ್‌ಮನ್‌ಗಳಾದ ಮಯಾಂಕ್‌ ಅಗರ್ವಾಲ್‌ ಮತ್ತು ಪ್ರಿಯಾಂಕ್‌ ಪಾಂಚಾಲ್‌ ಅವರ ಅರ್ಧಶತಕಗಳ ಬಲದಿಂದ ಭಾರತ 'ಎ' ತಂಡ ಇಲ್ಲಿ ನಡೆದ 2ನೇ ಅನಧಿಕೃತ ಟೆಸ್ಟ್‌ ಪಂದ್ಯದಲ್ಲಿ ವೆಸ್ಟ್‌ ಇಂಡೀಸ್‌ 'ಎ' ವಿರುದ್ಧ 7 ವಿಕೆಟ್‌ಗಳ ಜಯ ಗಳಿಸಿ ಒಂದು ಪಂದ್ಯ ಬಾಕಿ ಇರುವಂತೆಯೇ ಮೂರು ಪಂದ್ಯಗಳ ಸರಣಿಯನ್ನು 2-0 ಅಂತರದಿಂದ ವಶಪಡಿಸಿಕೊಂಡಿದೆ.

278 ರನ್‌ಗಳ ಗುರಿ ಬೆನ್ನಟ್ಟಿದ ಭಾರತ, ಮಯಾಂಕ್‌ (81) ಮತ್ತು ಪಾಂಚಾಲ್‌ (68) ಅವರ ಸಾಹಸದಿಂದ ಸುಲಭ ಜಯ ಗಳಿಸಿತು. ಅಗರ್ವಾಲ್‌ ಮತ್ತು ಪಾಂಚಾಲ್‌ ಮೊದಲ ವಿಕೆಟ್‌ಗೆ 150 ರನ್‌ ಕಲೆಹಾಕುವ ಮೂಲಕ ತಂಡದ ಗೆಲುವಿಗೆ ಭದ್ರ ಅಡಿಪಾಯ ಹಾಕಿದರು. ಜುಲೈ 24ರಿಂದ 27ರವರೆಗೆ ನಡೆದಿದ್ದ ಮೊದಲ ಹಣಾಹಣಿಯಲ್ಲಿ ಹನುಮ ವಿಹಾರಿ ಬಳಗ ಜಯ ಗಳಿಸಿತ್ತು. ಉಭಯ ತಂಡಗಳ 3ನೇ ಹಾಗೂ ಕೊನೆಯ ಪಂದ್ಯ ಆ.6ರಿಂದ 9ರವರೆಗೆ ನಡೆಯಲಿದೆ.