ಕೇವಲ ಐದು ಸ್ಥಳಗಳಲ್ಲಿ ಮಾತ್ರ ಟೆಸ್ಟ್‌ ಪಂದ್ಯ ಆಯೋಜಿಸಬೇಕು ಎಂದ ಕ್ಯಾಪ್ಟನ್‌ ಕೊಹ್ಲಿ!

ರಾಂಚಿ: ಟೆಸ್ಟ್‌ ಕ್ರಿಕೆಟ್‌ ಆಯೋಜಿಸಲು ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್‌ ಮಾದರಿಯಂತೆ ಐದು ಖಾಯಂ ಸ್ಥಳಗಳನ್ನು ನಿಗದಿ ಪಡಿಸಲು ಬಿಸಿಸಿಐಗೆ ಇದು ಸೂಕ್ತ ಕಾಲ ಎಂದು ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಅಭಿಪ್ರಾಯಪಟ್ಟಿದ್ದಾರೆ. ಇದರಿಂದ ಟೆಸ್ಟ್‌ ಕ್ರಿಕೆಟ್‌ ಜನಪ್ರಿಯತೆ ಹೆಚ್ಚಿಸಲು ಸಾಧ್ಯವಾಗುತ್ತದೆ ಎಂದಿದ್ದಾರೆ.

ಆಸ್ಟ್ರೇಲಿಯಾದಲ್ಲಿ ಮೆಲ್ಬೋರ್ನ್‌, ಸಿಡ್ನಿ, ಬ್ರಿಸ್ಬೇನ್‌, ಪರ್ತ್‌ ಮತ್ತು ಅಡಿಲೇಡ್‌ನಲ್ಲಿ ಮಾತ್ರವೇ ಟೆಸ್ಟ್‌ ಕ್ರಿಕೆಟ್‌ ಪಂದ್ಯಗಳನ್ನು ಆಯೋಜಿಸಲಾಗುತ್ತದೆ. ಅಂತೆಯೇ ಇಂಗ್ಲೆಂಡ್‌ನಲ್ಲೂ ಲಾರ್ಡ್ಸ್‌, ಓವಲ್‌, ಟ್ರೆಂಟ್‌ ಬ್ರಿಡ್ಜ್‌, ಓಲ್ಡ್‌ ಟ್ರಾಫರ್ಡ್‌, ಎಡ್ಜ್‌ಬಾಸ್ಟನ್‌, ಸೌತ್‌ ಹ್ಯಾಂಪ್ಟನ್‌ ಮತ್ತು ಹೆಡಿಂಗ್ಲೇಯಲ್ಲಿ ಮಾತ್ರವೇ ಟೆಸ್ಟ್‌ ಕ್ರಿಕೆಟ್‌ ಪಂದ್ಯಗಳನ್ನು ನಡೆಸಲಾಗುತ್ತದೆ.

5 ಪಂದ್ಯಗಳಲ್ಲಿ ಭರ್ತಿ 240 ಅಂಕ; ಟೆಸ್ಟ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ನಾಗಾಲೋಟ!

ರಾಂಚಿಯಲ್ಲಿ ಟೆಸ್ಟ್‌ ಕ್ರಿಕೆಟ್‌ಗೆ ದೊರೆತ ನೀರಸ ಬೆಂಬಲ ಕುರಿತಾಗಿ ಮಾತನಾಡಿದ ಕೊಹ್ಲಿ, "ಇದೊಂದು ಅತ್ಯುತ್ತಮ ಪ್ರಶ್ನೆ. ಬಹಳ ಸಮಯದಿಂದ ನಾವು ಈ ಬಗ್ಗೆ ಚರ್ಚೆ ಮಾಡುತ್ತಿದ್ದೇವೆ. ನಮ್ಮಲ್ಲೂ ಕೂಡ 5 ಸ್ಥಳಗಳನ್ನು ಟೆಸ್ಟ್‌ ಕ್ರಿಕೆಟ್‌ಗೆ ನಿಗದಿಪಡಿಸುವ ಅಗತ್ಯವಿದೆ," ಎಂದು ಬಿಸಿಸಿಐನ ನೂತನ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಲಿರುವ ಸೌರವ್‌ ಗಂಗೂಲಿ ಇಂಥದ್ದೊಂದು ಮಹತ್ವದ ನಿರ್ಧಾರ ತೆಗೆದುಕೊಳ್ಳಬಹುದಾಗಿದೆ ಎಂದು ಸಲಹೆ ನೀಡಿದ್ದಾರೆ.

"ಟೆಸ್ಟ್‌ ಕ್ರಿಕೆಟ್‌ಗೆ ಜೀವತುಂಬಲು ಮತ್ತು ಹೆಚ್ಚು ಆಕರ್ಷಣೀಯವನ್ನಾಗಿಸಲು ಗರಿಷ್ಠ 5 ಟೆಸ್ಟ್‌ ಅಂಗಳನಗಳನ್ನು ಮಾತ್ರವೇ ಹೊಂದಬೇಕು ಎಂಬ ವಾದವನ್ನು ನಾನು ಒಪ್ಪಿಕೊಳ್ಳುತ್ತೇನೆ. ಇದರಿಂದ ಭಾರತ ಪ್ರವಾಸ ಕೈಗೊಳ್ಳುವ ತಂಡಗಳಿಗೂ ನಾವು ಈ ಐದು ಅಂಗಣಗಳಲ್ಲಿ ಮಾತ್ರವೇ ಆಡಲಿದ್ದೇವೆ ಎಂಬ ಅಂದಾಜು ಲಭ್ಯವಾಗುತ್ತದೆ," ಎಂದು ವಿರಾಟ್‌ ವಿವರಿಸಿದ್ದಾರೆ.

IND vs SA: ದಕ್ಷಿಣ ಆಫ್ರಿಕಾ ಟೆಸ್ಟ್ ಸರಣಿಯನ್ನು 3-0 ಅಂತರದಲ್ಲಿ ಕ್ಲೀನ್‌ ಸ್ವೀಪ್‌ಗೈದ ಭಾರತ

ಸದ್ಯ ಭಾರತದಲ್ಲಿ ಟೆಸ್ಟ್‌ ಪಂದ್ಯವನ್ನು ಆಯೋಜಿಸುವ ಸಮರ್ಥ್ಯ ಹೊಂದಿರುವ ಒಟ್ಟು 15 ಕೇಂದ್ರಗಳಿವೆ. "ರಾಜ್ಯ ಕ್ರಿಕೆಟ್‌ ಸಂಸ್ಥೆಗಳಿವೆ ಎಂಬುದನ್ನು ಒಪ್ಪಿಕೊಳ್ಳುತ್ತೇನೆ. ಹೀಗಾಗಿ ಒಂದರ ನಂತರ ಒಂದು ಅಂಗಣಕ್ಕೆ ಪಂದ್ಯದ ಆತಿಥ್ಯ ವಹಿಸಬೇಕಾಗುತ್ತದೆ. ಇದು ಟಿ20 ಮತ್ತು ಏಕದಿನ ಪಂದ್ಯಗಳಿಗೆ ಸರಿ. ಆದರೆ, ಭಾರತ ಪ್ರವಾಸ ಕೈಗೊಳ್ಳುವ ತಂಡಗಳಿಗೆ ಟೆಸ್ಟ್‌ ಆಡಲು ಈ 5 ಅಂಗಣಗಳಷ್ಟೇ ಲಭ್ಯವಾಗುತ್ತವೆ ಎಂಬುದು ತಿಳಿಸಿಕೊಡುವುದರ ಅಗತ್ಯವಿದೆ," ಎಂದಿದ್ದಾರೆ.