ನಿವೃತ್ತಿ ನಂತರ ಮಾಡೋದೇನು? ಎಂಬ ಪ್ರಶ್ನೆಗೆ ಕೊಹ್ಲಿ ಉತ್ತರ ಅಚ್ಚರಿ ತರೋದು ಖಂಡಿತಾ!

ಹೊಸದಿಲ್ಲಿ: ಪಂಜಾಬಿ ಕುಟುಂಬದಲ್ಲಿ ಜನಿಸಿದ ವಿರಾಟ್‌ ಕೊಹ್ಲಿ, ಹುಟ್ಟಿದ್ದು-ಬೆಳೆದದ್ದು ಎಲ್ಲವೂ ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ. ಅಂದಹಾಗೆ ಕೊಹ್ಲಿ ತಮ್ಮ ಬಾಲ್ಯದ ದಿನಗಳಲ್ಲಿ ಭಾರಿ ತಿಂಡಿ ಪೋತರಾಗಿದ್ದರು. ಬಾಯಲ್ಲಿ ನೀರು ತರುವಂತಹ ರುಚಿಕರ ತಿಂಡಿ ತಿನಿಸುಗಳೆಂದರೆ ಕೊಹ್ಲಿಗೆ ಅಚ್ಚುಮೆಚ್ಚು.

ತಿಂಡಿಪೋತ ವಿರಾಟ್‌ ಕೊಹ್ಲಿ, ಟೀಮ್‌ ಇಂಡಿಯಾಗೆ ಪದಾರ್ಪಣೆ ಮಾಡಿದ ಬಳಿಕ ತಮ್ಮ ಫಿಟ್ನೆಸ್‌ ಮತ್ತು ಡಯೆಟ್‌ ಕಡೆಗೆ ಹೆಚ್ಚಿನ ಆದ್ಯತೆ ನೀಡಲಾರಂಭಿಸಿದರು. ತಮ್ಮ ಅಚ್ಚು ಮೆಚ್ಚಿನ ಜಂಕ್‌ ಫುಡ್‌ಗಳೆಲ್ಲವನ್ನೂ ದೂರ ಮಾಡಿ ಕಡಿಮೆ ಉಪ್ಪು-ಖಾರ ಹೊಂದಿರುವ ಆರೋಗ್ಯಕರ ಹಾಗೂ ಸಂಪೂರ್ಣ ಸ್ಯಾಹಾರದ ಕಡೆಗೆ ಕೊಹ್ಲಿ ಮುಂದಾದರು.

ಸಚಿನ್‌ ತೆಂಡೂಲ್ಕರ್‌ ಅವರ 30 ವರ್ಷ ಹಳೆಯ ದಾಖಲೆ ಮುರಿದ ಶಫಾಲಿ ವರ್ಮಾ!

ಇವೆಲ್ಲದರ ಪರಿಣಾಮ ಇಂದು ಕಿಂಗ್ ಕೊಹ್ಲಿ ಭಾರತ ಕ್ರಿಕೆಟ್‌ ತಂಡದ ಅತ್ಯಂತ ಫಿಟ್‌ ಆಟಗಾರ. ಸಸ್ಯಾಹಾರಿಯಾಗಿ ಪರಿವರ್ತನೆ ಆದ ಬಳಿಕವಷ್ಟೇ ತಮ್ಮ ಫಿಟ್ನೆಸ್‌ನಲ್ಲಿ ಮಹತ್ವದ ಬದಲಾವಣೆಯಾಯಿತು ಎಂದು ಕೊಹ್ಲಿ ಇತ್ತೀಚೆಗೆ ತಮ್ಮ ಫಿಟ್ನೆಸ್‌ ಗುಟ್ಟನ್ನು ಬಿಚ್ಚಿಟ್ಟಿದ್ದರು.

31 ವರ್ಷ ವಯಸ್ಸಿನ ಭಾರತ ಕ್ರಿಕೆಟ್‌ ತಂಡ ದನಾಯಕ ವಿರಾಟ್‌ ಕೊಹ್ಲಿ ಇನ್ನು ಹೆಚ್ಚೆಂದರೆ 5-6 ವರ್ಷ ಟೀಮ್‌ ಇಂಡಿಯಾದಲ್ಲಿ ಆಡಬಹುದು. ಈ ಅವಧಿಯಲ್ಲಿ ಅವರು ಸಾಧಿಸುವುದು ಬಹಳಷ್ಟಿದೆ. ಆದರೆ, ಇವೆಲ್ಲವೂ ಮುಗಿದ ನಂತರ ಅವರು ಮಾಡುವುದಾದದರೂ ಏನು? ಕೊಹ್ಲಿ ನಿವೃತ್ತಿ ನಂತರದ ದಿನಗಳ ಕುರಿತಾಗಿ ಏನಾದರೂ ಆಲೋಚಿಸಿದ್ದಾರ? ಈ ಪ್ರಶಸ್ನೆಗಳಿಗೆ ಖುದ್ದಾಗಿ ಕೊಹ್ಲಿಯೇ ಉತ್ತರ ನೀಡಿದ್ದಾರೆ.

ನಿವೃತ್ತಿ ನೀಡದೇ ಕ್ರಿಕೆಟ್‌ನಿಂದ ದೂರ ಉಳಿದಿರುವ ಧೋನಿ ಮಾಡುತ್ತಿರುವುದಾದರೂ ಏನು?

ಎನ್‌ಡಿಟಿವಿಗೆ ನೀಡಿರುವ ವಿಶೇಷ ಸಂದರ್ಶನವೊಂದರಲ್ಲಿ ಮಾತನಾಡಿರುವ ವಿರಾಟ್‌, ಹೊಸ ಹೊಸ ಆಹಾರ ಪದಾರ್ಥಗಳನ್ನು ನಿನ್ನುವ ಹವ್ಯಾಸ ತಮಗಿರುವುದಾಗಿ ಹೇಳಿಕೊಂಡಿದ್ದಾರೆ. "ಬಾಲ್ಯದಿಂದಲೇ ನಾನು ತಿಂಡಿಪೋತ. ಹೊಸ ತಿನಿಸುಗಳನ್ನು ತಿನ್ನುವುದು ನನ್ನ ಹವ್ಯಾಸ. ಹಿಂದೆಲ್ಲಾ ಬಹಳಷ್ಟು ಜಂಕ್‌ ಫುಡ್‌ ತಿನ್ನುತ್ತಿದ್ದೆ. ಅತ್ಯುತ್ತಮ ಆಹಾರ ಪದಾರ್ಥಗಳು ನನಗಿಷ್ಟ," ಎಂದು ಹೇಳಿದ್ದಾರೆ.

"ನನಗೆ ಅಡುಗೆ ಮಾಡಲು ಬರುವುದಿಲ್ಲ. ಆದರೆ ಅದರ ರುಚಿ ಗುರುತಿಸಬಲ್ಲ. ಆಹಾರ ಪದಾರ್ಥ ಎಷ್ಟು ಅದ್ಭುತವಾಗಿ ತಯಾರಾಗಿದೆ ಎಂಬುದನ್ನು ತಿಳಿಸಬಲ್ಲೆ. ಅಂದಹಾಗೆ ನನ್ನ ನಿವೃತ್ತಿ ಬಳಿಕ ಖಂಡಿತವಾಗಿಯೂ ಅಡುಗೆ ಮಾಡುವುದು ನನ್ನ ಆಸಕ್ತಿಯ ಮೊದಲ ವಿಷಯವಾಗಿರಲಿದೆ," ಎಂದು ತಮ್ಮ ನಿವೃತ್ತಿ ನಂತರದ ಯೋಜನೆ ಕುರಿತಾಗಿ ವಿರಾಟ್‌ ಬಾಯ್ಬಿಟ್ಟಿದ್ದಾರೆ.

ವಿರಾಟ್ ಕೊಹ್ಲಿ ಹುಟ್ಟೂರು ಯಾವುದು, ಅಲ್ಲಿನ ವಿಶೇಷತೆ ಏನು ಗೊತ್ತಾ?

ನವೆಂಬರ್‌ 5ರಂದು ತಮ್ಮ 31ನೇ ಹುಟ್ಟುಹಬ್ಬ ಆಚರಿಸಿಕೊಂಡ ವಿರಾಟ್‌ ಕೊಹ್ಲಿ, ಸದ್ಯ ಪತ್ನಿ ಅನುಷ್ಕಾ ಶರ್ಮಾ ಅವರೊಟ್ಟಿಗೆ ಭೂತಾನ್‌ ಪ್ರವಾಸದಲ್ಲಿದ್ದಾರೆ. ತಮ್ಮ ಈ ಹ್ಯಾಪಿ ಹಾಲಿಡೇಸ್‌ನ ಫೋಟೊಗಳನ್ನು ಸೋಷಿಯಲ್‌ ಮೀಡಿಯಾಗಳ ಮೂಲಕ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.

ಪ್ರಸ್ತುತ ಬಾಂಗ್ಲಾದೇಶ ವಿರುದ್ಧದ ಟಿ20 ಕ್ರಿಕೆಟ್‌ ಸರಣಿಯಿಂದ ವಿಶ್ರಾಂತಿ ಪಡೆದುಕೊಂಡಿರುವ ವಿರಾಟ್‌ ಕೊಹ್ಲಿ, ಮುಂಬರುವ ಟೆಸ್ಟ್‌ ಸರಣಿಗೆ ತಂಡ ಸೇರಿಕೊಳ್ಳಲಿದ್ದಾರೆ. ಬಾಂಗ್ಲಾ ವಿರುದ್ಧದ ಮೊದಲ ಟೆಸ್ಟ್‌ ಪಂದ್ಯ ನ.14ರಂದು ನಡೆಯಲಿದ್ದು, 2ನೇ ಪಂದ್ಯ ಕೋಲ್ಕತಾದ ಈಡನ್‌ ಗಾರ್ಡನ್ಸ್‌ನಲ್ಲಿ ನ.22ರಂದು ಆರಂಭವಾಗಲಿದೆ. ಈ ಪಂದ್ಯ ಭಾರತದ ಪಾಲಿಗೆ ಮೊತ್ತ ಮೊದಲ ಡೇ-ನೈಟ್‌ ಟೆಸ್ಟ್‌ ಪಂದ್ಯವಾಗಲಿದೆ.