ಬೆಂಗಳೂರು: ಮುಂಬರುವ ಜೂನ್ನಲ್ಲಿ ಭಾರತ ತಂಡ, ಐರ್ಲೆಂಡ್ನಲ್ಲಿ ಆತಿಥೇಯರ ವಿರುದ್ಧ ಎರಡು ಪಂದ್ಯಗಳ ಟಿ20 ಸರಣಿಯನ್ನಾಡಲಿದೆ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ)ಯ ಪ್ರಕಟಣೆ ತಿಳಿಸಿದೆ.
ಜುಲೈನಲ್ಲಿ ಭಾರತ ತಂಡ ಇಂಗ್ಲೆಂಡ್ ಪ್ರವಾಸ ಕೈಗೊಳ್ಳಲಿದ್ದು, ಅದಕ್ಕೂ ಮುನ್ನ ಐರ್ಲೆಂಡ್ನಲ್ಲಿ ಚುಟುಕು ಸರಣಿಯನ್ನು ಆಯೋಜಿಸಲಾಗಿದೆ. ಸರಣಿಯ ಪಂದ್ಯಗಳು ಜೂ.27 ಹಾಗೂ 29ರಂದು ಡುಬ್ಲಿನ್ನಲ್ಲಿ ನಡೆಯಲಿವೆ.
2007ರಲ್ಲಿ ಭಾರತ ಕೊನೆಯ ಬಾರಿ ಐರ್ಲೆಂಡ್ ಪ್ರವಾಸ ಕೈಗೊಂಡಿತ್ತು. 11 ವರ್ಷಗಳ ಹಿಂದೆ ಬೆಲ್ಫಾಸ್ಟ್ನಲ್ಲಿ ನಡೆದ ಏಕದಿನ ಸರಣಿಯನ್ನು ಭಾರತ ಗೆದ್ದುಕೊಂಡಿತ್ತು.