ಭಾರತ v/s ದಕ್ಷಿಣ ಆಫ್ರಿಕಾ ಟಿ20 ಕ್ರಿಕೆಟ್‌: ರೋಹಿತ್‌-ವಿರಾಟ್‌ ನಡುವಣ ರೇಸ್‌ನಲ್ಲಿ ಗೆಲ್ಲೋರು ಯಾರು?

ಬೆಂಗಳೂರು: ಟೀಮ್‌ ಇಂಡಿಯಾದ ನಾಯಕ ವಿರಾಟ್‌ ಕೊಹ್ಲಿ ಮತ್ತು ಉಪನಾಯಕ ರೋಹಿತ್‌ ಶರ್ಮಾ ನಡುವೆ ರನ್‌ ಗಳಿಕೆಯಲ್ಲಿ ಭಾರಿ ಪೈಪೋಟಿಯೇ ಏರ್ಪಟಿದ್ದಾರೆ. ಶತಕ ಬಾರಿಸುವುದರಲ್ಲಿ ನಾ ಮುಂದು, ತಾ ಮುಂದು ಎಂದು ಮುನ್ನುಗ್ಗುತ್ತಿರುವ ಭಾರತ ತಂಡದ ಬ್ಯಾಟ್ಸ್‌ಮನ್‌ಗಳು ಭಾನುವಾರ (ಸೆ.22) ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿರುವ ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ20 ಸರಣಿಯಲ್ಲಿನ 3ನೇ ಹಾಗೂ ಅಂತಿಮ ಪಂದ್ಯದಲ್ಲಿ ಹೊಸದೊಂದು ದಾಖಲೆ ಬರೆಯುವುದನ್ನು ಎದುರು ನೋಡುತ್ತಿದ್ದಾರೆ.

ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್‌ಗಳಿಸಿದ ಬ್ಯಾಟ್ಸ್‌ಮನ್‌ ಎನಿಸಿಕೊಳ್ಳುವ ರೇಸ್‌ನಲ್ಲಿ ಕೊಹ್ಲಿ ಮತ್ತು ರೋಹಿತ್‌ ಇಬ್ಬರೂ ಸಮಬಲದಲ್ಲಿ ಮುನ್ನುಗ್ಗುತ್ತಿದ್ದಾರೆ. ರೋಹಿತ್‌ ಇನ್ನು 8 ರನ್‌ ಗಳಿಸಿದರೆ ಕೊಹ್ಲಿಯನ್ನು ಹಿಂದಿಕ್ಕೆ ಮರಳಿ ಅಗ್ರ ಸ್ಥಾನ ಪಡೆಯಲಿದ್ದಾರೆ.

ವಿದೇಶ ಪ್ರವಾಸದ ವೇಳೆ ಟೀಮ್‌ ಇಂಡಿಯಾ ಆಟಗಾರರಿಗೆ ಸಿಗಲಿರುವ ದಿನದ ಭತ್ಯೆ ಎಷ್ಟು ಗೊತ್ತಾ?

ಆದರೆ, ಬೆಂಗಳೂರಿನಲ್ಲಿ ನಡೆಯಲಿರುವ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಈ ಇಬ್ಬರು ಆಟಗಾರರಿಗೂ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ 2500 ರನ್ಗಳ ಗಡಿ ದಾಟಿದ ಮೊತ್ತ ಮೊದಲ ಬ್ಯಾಟ್ಸ್‌ಮನ್‌ ಎಂದೆನಿಸಿಕೊಳ್ಳುವ ಉತ್ತಮ ಅವಕಾಶವಿದೆ. ಆದರೆ, ಈ ಮೈಲುಗಲ್ಲನ್ನು ಯಾರು ಮೊದಲು ಮುಟ್ಟುತ್ತಾರೆ ಎಂಬುದು ಕೊಹ್ಲಿ ಮತ್ತು ರೋಹಿತ್‌ ಅಭಿಮಾನಿಗಳಲ್ಲಿ ಕಾಡುತ್ತಿರುವ ಕುತೂಹಲವಾಗಿದೆ.

ಕಿಂಗ್‌ ಕೊಹ್ಲಿ, ಸದ್ಯ ಆಡಿದ 69 ಇನಿಂಗ್ಸ್‌ಗಳಿಂದ 2,441 ರನ್‌ಗಳನ್ನು ಗಳಿಸಿದ್ದರೆ. ಮತ್ತೊಂದೆಡೆ ಹಿಟ್‌ಮ್ಯಾನ್‌ ಖ್ಯಾತಿಯ ರೋಹಿತ್‌ 89 ಇನಿಂಗ್ಸ್‌ಗಳಿಂದ 2,434 ರನ್‌ಗಳನ್ನು ಬಾರಿಸಿದ್ದಾರೆ. ಇದರೊಂದಿಗೆ 2500 ರನ್‌ಗಳ ಮೈಲುಗಲ್ಲು ಮುಟ್ಟಲು ವಿರಾಟ್‌ಗೆ 59 ರನ್‌ಗಳ ಅಗತ್ಯವಿದ್ದರೆ, ರೋಹಿತ್‌ 66 ರನ್‌ಗಳನ್ನು ಗಳಿಸಬೇಕಿದೆ.

ವಿಶ್ವ ಚಾಂಪಿಯನ್‌ಷಿಪ್‌ನಲ್ಲಿ ಬಾಕ್ಸರ್‌ ಅಮಿತ್‌ ಪಂಘಲ್‌ ದಂಡಯಾತ್ರೆಗೆ ಕನ್ನಡಿಗ ಕುಟ್ಟಪ್ಪ ಸಾರಥಿ!

ಆರಂಭಿಕರಾಗಿ ಕಣಕ್ಕಿಳಿಯಲಿರುವ ರೋಹಿತ್‌ ಅರ್ಧಶತಕ ಬಾರಿಸಿದರೆ 3ನೇ ಕ್ರಮಾಂಕದಲ್ಲಿ ಆಡುವ ವಿರಾಟ್‌ಗಿಂತಲೂ ಮೊದಲೇ ಈ ಸಾಧನೆ ಮೆರೆಯುವ ಅವಕಾಶ ಹೊಂದಿದ್ದಾರೆ. ಆದರೆ, ರೋಹಿತ್‌ ಬೇಗನೆ ವಿಕೆಟ್‌ ಒಪ್ಪಿಸಿದರೆ ತಂಡವನ್ನು ಮೇಲೆತ್ತುವುದರ ಒತ್ತಡದ ಜೊತೆಗೆ ದಾಖಲೆ ಕೂಡ ತಮ್ಮದಾಗಿಸಿಕೊಳ್ಳು ಅವಕಾಶ ಕೊಹ್ಲಿಗೆ ಸಿಗಲಿದೆ.

ಧರ್ಮಶಾಲಾದಲ್ಲಿ ನಡೆಯಬೇಕಿದ್ದ ಸರಣಿಯ ಮೊದಲ ಪಂದ್ಯ ಮಳೆಯಿಂದಾಗಿ ರದ್ದಾಗಿತ್ತು. ಬಳಿಕ ಮೊಹಾಲಿಯಲ್ಲಿ ಸೆ.18ರಂದು ನಡೆಯ 2ನೇ ಪಂದ್ಯದಲ್ಲಿ ಭಾರತ 7 ವಿಕೆಟ್‌ಗಳ ಜಯ ದಾಖಲಿಸಿ 1-0 ಅಂತರದ ಮುನ್ನಡೆ ಪಡೆದುಕೊಂಡಿತು.

ಆರ್‌ಸಿಬಿ ನಾಯಕತ್ವ ಬದಲಾವಣೆ ಪ್ರಶ್ನೆಗೆ ಉತ್ತರಿಸಿದ ನೂತನ ಟೀಮ್‌ ಡೈರೆಕ್ಟರ್‌ ಮೈಕ್‌ ಹೇಸನ್‌!

ಮೊಹಾಲಿಯಲ್ಲಿ ಭಾರತದ ಪರ ಅಜೇಯ 72 ರನ್‌ಗಳನ್ನು ಸಿಡಿಸಿ ಪಂದ್ಯಶ್ರೇಷ್ಠ ಗೌರವ ಪಡೆದ ವಿರಾಟ್‌, ಈ ಸಂದರ್ಭದಲ್ಲಿ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್‌ ಗಳಿಸಿದವರ ಪೈಕಿ ರೋಹಿತ್‌ಗೆ ಸಡ್ಡು ಹೊಡೆದು ಅಗ್ರಸ್ಥಾನಕ್ಕೇರಿದರು.

ಧವನ್‌ಗೆ 4 ರನ್‌ ಅಗತ್ಯ
ಟೀಮ್‌ ಇಂಡಿಯಾದ ಆರಂಭಿಕ ಬ್ಯಾಟ್ಸ್‌ಮನ್‌ ಶಿಖರ್‌ ಧವನ್‌ ಸಮಗ್ರ ಟಿ20 ಕ್ರಿಕೆಟ್‌ನಲ್ಲಿ 7 ಸಾವಿರ ರನ್‌ಗಳ ಗಡಿ ಮುಟ್ಟಲ್ಲಿ ಇನ್ನು 4 ರನ್‌ಗಳನ್ನು ಮಾತ್ರವೇ ಗಳಿಸಬೇಕಿದೆ. ಸದ್ಯ 6996 ರನ್‌ಗಳನ್ನು ಗಳಿಸಿರುವ ಧವನ್‌ ಈ ಸಾಧನೆ ಮಾಡಿದ ನಲ್ಕನೇ ಬ್ಯಾಟ್ಸ್‌ಮನ್‌ ಎನಿಸಿಕೊಳ್ಳಲಿದ್ದಾರೆ. ಸುರೇಶ್‌ ರೈನಾ, ವಿರಾಟ್‌ ಕೊಹ್ಲಿ ಮತ್ತು ರೋಹಿತ್‌ ಶರ್ಮಾ ಈ ದಾಖಲೆ ಬರೆದಿರುವ ಭಾರತೀಯ ಬ್ಯಾಟ್ಸ್‌ಮನ್‌ಗಳಾಗಿದ್ದಾರೆ.