ಏಂಜೆಲೊ ಮ್ಯಾಥ್ಯೂಸ್‌, ಚಂಡಿಮಲ್‌ ಶತಕ: ಲಂಕಾ 9/356

ಹೊಸದಿಲ್ಲಿ: ಶ್ರೀಲಂಕಾದ ಅನುಭವಿ ಆಟಗಾರರಾ ಏಂಜೆಲೊ ಮ್ಯಾಥ್ಯೂಸ್‌ ಮತ್ತು ದಿನೇಶ್‌ ಚಂಡಿಮಲ್‌ ಶತಕೆ ನೆರವಿನಿಂದ ಶ್ರೀಲಂಕಾ ತಂಡ ಆತಿಥೇಯ ಭಾರತ ತಂಡಕ್ಕೆ ತಿರುಗೇಟು ನೀಡಿದೆ. ಮೂರನೇ ದಿನದಾಟದ ಅಂತ್ಯಕ್ಕೆ ಶ್ರೀಲಂಕಾ 9 ವಿಕೆಟ್‌ ನಷ್ಟಕ್ಕೆ 356 ರನ್‌ ಗಳಿಸಿದೆ. ಅಲ್ಲದೇ ಫಾಲೋ ಆನ್‌ ತಪ್ಪಿಸಿಕೊಂಡಿದೆ.

ಫಿರೋಜ್ ಷಾ ಕೋಟ್ಲಾ ಮೈದಾನದಲ್ಲಿ ಪ್ರವಾಸಿ ಶ್ರೀಲಂಕಾ ಮೂರನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದ 3 ನೇ ದಿನದಾಟದಲ್ಲಿ ಮ್ಯಾಥ್ಯೂಸ್‌ ಮತ್ತು ಚಂಡಿಮಲ್‌ ಶತಕದ ಜತೆಯಾಟ ಪ್ರಮುಖ ಆಕರ್ಷಣೆಯಾಗಿತ್ತು. ಮೊದಲ ಇನಿಂಗ್ಸ್‌ನಲ್ಲಿ 356 ರನ್‌ ಗಳಿಸಿರುವ ಲಂಕಾ 180 ರನ್‌ ಹಿನ್ನಡೆ ಹೊಂದಿದೆ.

ಏಂಜೆಲೊ ಮ್ಯಾಥ್ಯೂಸ್‌ ಅದ್ಭುತ ಆಟವಾಡಿ ತಮ್ಮ ವೃತ್ತಿ ಬದುಕಿನ 8ನೇ ಶತಕ ಗಳಿಸಿದರು. ಮ್ಯಾಥ್ಯೂಸ್‌ಗೆ ಭರ್ಜರಿ ಸಾಥ್‌ ನೀಡಿದ ಚಂಡಿಮಲ್‌ ಕೂಡ ಶತಕ ಬಾರಿಸಿದರು. ಇದು ಚಂಡಿಮಲ್‌ ವೃತ್ತಿ ಬದುಕಿನ 10ನೇ ಶತಕವಾಗಿದೆ.

ಮಧ್ಯಮ ಕ್ರಮಾಂಕದಲ್ಲಿ ಲಂಕಾ ದಾಂಡಿಗರು ತಿರುಗೇಟು ನೀಡಿದರು. ಬಾಲಂಗೋಚಿಗಳು ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ಉಳಿಯಲಿಲ್ಲ.

ಮೂರನೇ ದಿನದಾಟದ ಕೊನೆಗೆ ಶ್ರೀಲಂಕಾ ತಂಡ 9 ವಿಕೆಟ್‌ ನಷ್ಟಕ್ಕೆ 356 ರನ್‌ ಗಳಿಸಿದೆ.