ಜಮೈಕಾ: ಕಿಂಗ್ಸ್ಟನ್ನ ಜಮೈಕಾ ಪಾರ್ಕ್ ಕ್ರೀಡಾಂಗಣದಲ್ಲಿ ಆತಿಥೇಯ ವೆಸ್ಟ್ಇಂಡೀಸ್ ವಿರುದ್ಧ ನಡೆದ ಐದನೇ ಹಾಗೂ ಕೊನೆಯ ಏಕದಿನ ಪಂದ್ಯವನ್ನು ನಾಯಕ ವಿರಾಟ್ ಕೋಹ್ಲಿ ಬಾರಿಸಿದ ಸಮಯೋಚಿತ ಶತಕದ (111*) ನೆರವಿನೊಂದಿಗೆ ಟೀಮ್ ಇಂಡಿಯಾ ಎಂಟು ವಿಕೆಟ್ಗಳ ಅಂತರದಿಂದ ಗೆಲುವು ದಾಖಲಿಸಿದೆ.
ಈ ಮೂಲಕ ಐದು ಪಂದ್ಯಗಳ ಏಕದಿನ ಸರಣಿಯಲ್ಲಿ 3-1 ಅಂತರದ ಗೆಲುವು ದಾಖಲಿಸಿದೆ. ಸರಣಿಯ ಮೊದಲ ಪಂದ್ಯ ಮಳೆಯಿಂದಾಗಿ ರದ್ದುಗೊಂಡಿತ್ತು.
206 ರನ್ಗಳ ಸ್ಪರ್ಧಾತ್ಮಕ ಮೊತ್ತ ಬೆನ್ನತ್ತಿದ ಭಾರತಕ್ಕೆ ಆರಂಭದಲ್ಲೇ ಶಿಖರ್ ಧವನ್ (4) ವಿಕೆಟ್ ನಷ್ಟವಾಗಿತ್ತು. ಈ ಹಂತದಲ್ಲಿ ಕ್ರೀಸಿಗಿಳಿದ ನಾಯಕ ಕೋಹ್ಲಿ ಜೊತೆಗೂಡಿದ ಅಜಿಂಕ್ಯಾ ರಹಾನೆ ತಂಡವನ್ನು ಮುನ್ನಡೆಸಿದರು. ಇವರಿಬ್ಬರು ದ್ವಿತೀಯ ವಿಕೆಟ್ಗೆ 79 ರನ್ಗಳ ಮಹತ್ವದ ಜೊತೆಯಾಟ ನೀಡಿದರು.
ಆದರೆ ಸತತ ಐದನೇ ಅರ್ಧಶತಕ ಬಾರಿಸುವ ಅವಕಾಶದಿಂದ ರಹಾನೆ ವಂಚಿತರಾದರು. 51 ಎಸೆತಗಳನ್ನು ಎದುರಿಸಿದ ರಹಾನೆ ಐದು ಬೌಂಡರಿಗಳಿಂದ 39 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು.
ಇನ್ನೊಂದೆಡೆ ಆಕ್ರಮಣಕಾರಿ ಆಟಕ್ಕೆ ಒತ್ತು ನೀಡಿದ ಕೋಹ್ಲಿ ವಿಂಡೀಸ್ ದಾಳಿಯನ್ನು ಸಮರ್ಥವಾಗಿ ಎದುರಿಸಿದರು. ದಿನೇಶ್ ಕಾರ್ತಿಕ್ ಜೊತೆಗೂಡಿ ಮುರಿಯದ ಮೂರನೇ ವಿಕೆಟ್ಗೆ 122 ರನ್ ಪೇರಿಸಿ ಕೋಹ್ಲಿ ತಂಡವನ್ನು ಗೆಲುವಿನತ್ತ ಮುನ್ನಡೆಸಿದರು.
ದಾಖಲೆಯ ಶತಕ...
ಇದು ಏಕದಿನ ಕ್ರಿಕೆಟ್ನಲ್ಲಿ ಕೋಹ್ಲಿ ಬ್ಯಾಟ್ನಿಂದ ದಾಖಲಾದ 28ನೇ ಶತಕವಾಗಿದೆ. ಈ ಪೈಕಿ ದಾಖಲೆಯ 18 ಶತಕಗಳು ಚೇಸಿಂಗ್ ವೇಳೆ ದಾಖಲಾಗಿರುವುದು ಗಮನಾರ್ಹವೆನಿಸುತ್ತದೆ. ಅಂತಿಮವಾಗಿ 115 ಎಸೆತಗಳನ್ನು ಎದುರಿಸಿದ ಕೋಹ್ಲಿ 12 ಬೌಂಡರಿ ಹಾಗೂ ಎರಡು ಸಿಕ್ಸರ್ ನೆರವಿನಿಂದ 111 ರನ್ ಗಳಿಸಿ ಅಜೇಯರಾಗುಳಿದರು.
ಇವರಿಗೆ ಉತ್ತಮ ಸಾಥ್ ನೀಡಿದ ಕಾರ್ತಿಕ್ ಸಹ ಆಕರ್ಷಕ ಅರ್ಧಶತಕ ಬಾರಿಸುವ ಮೂಲಕ ತಮ್ಮ ಆಯ್ಕೆಯನ್ನುಸಮರ್ಥಿಸಿಕೊಂಡರು. 52 ಎಸೆತಗಳನ್ನು ಎದುರಿಸಿದ ಕಾರ್ತಿಕ್ ಐದು ಬೌಂಡರಿಗಳಿಂದ 50 ರನ್ ಗಳಿಸಿ ಔಟಾಗದೆ ಉಳಿದರು. ಈ ಮೂಲಕ ವಿಂಡೀಸ್ ಒಡ್ಡಿದ ಟಾರ್ಗೆಟನ್ನು 36.5 ಓವರ್ಗಳಲ್ಲೇ ಎರಡು ವಿಕೆಟ್ ನಷ್ಟಕ್ಕೆ ಗುರಿ ತಲುಪಿತು.
ನಿಖರ ದಾಳಿ, ವಿಂಡೀಸ್ 205/9
ಇದಕ್ಕೂ ಮೊದಲು ಮೊಹಮ್ಮದ್ ಶಮಿ (48/4) ಹಾಗೂ ಉಮೇಶ್ ಯಾದವ್ (53/3) ಪರಿಣಾಮಕಾರಿ ದಾಳಿಗೆ ಸಿಲುಕಿದ್ದ ವೆಸ್ಟ್ಇಂಡೀಸ್ ಬ್ಯಾಟಿಂಗ್ ವೈಫಲ್ಯ ಕಂಡು ನಿಗದಿತ 50 ಓವರ್ಗಳಲ್ಲಿ ಒಂಬತ್ತು ವಿಕೆಟ್ ನಷ್ಟಕ್ಕೆ 205 ರನ್ ಗಳಿಸಲಷ್ಟೇ ಶಕ್ತವಾಗಿತ್ತು.
ಗೆಲುವಿನ ಆತ್ಮವಿಶ್ವಾಸದೊಂದಿಗೆ ಕಣಕ್ಕಿಳಿದಿದ್ದ ವಿಂಡೀಸ್ಗೆ ಆರಂಭದಲ್ಲೇ ಎವಿನ್ ಲೆವಿಸ್ (9) ರೂಪದಲ್ಲಿ ಆಘಾತ ಎದುರಾಗಿತ್ತು. ಈ ನಡುವೆ ಮಹತ್ವದ ಇನ್ನಿಂಗ್ಸ್ ಕಟ್ಟಿದ ಕೈಲ್ ಹೋಪ್ ಮತ್ತು ಶೈ ಹೋಪ್ ತಂಡಕ್ಕೆ ಆಸರೆಯಾದರು.
ಬಿರುಸಿನ ಆಟವನ್ನು ಪ್ರದರ್ಶಿಸಿದ ಕೈಲ್ ಹೋಪ್ 50 ಎಸೆತಗಳಲ್ಲಿ ಒಂಬತ್ತು ಬೌಂಡರಿಗಳಿಂದ 46 ರನ್ ಗಳಿಸಿದರು. ಇನ್ನೊಂದೆಡೆ ಕಲಾತ್ಮಕ ಇನ್ನಿಂಗ್ಸ್ ಕಟ್ಟಿದ ಶೈ ಹೋಪ್ 98 ಎಸೆತಗಳಲ್ಲಿ ಐದು ಬೌಂಡರಿಗಳಿಂದ 51 ರನ್ ಗಳಿಸಿದರು.
ಬಳಿಕ ಬಂದ ರೋಸ್ಟನ್ ಚೇಸ್ (0) ಖಾತೆ ತೆರೆಯಲಾಗದೇ ನಿರಾಸೆ ಅನುಭವಿಸಿದರು. ಇವರನ್ನು ಜಾಸನ್ ಮೊಹಮ್ಮದ್ (16) ಹಿಂಬಾಲಿಸಿದರು. ಈ ನಡುವೆ ಉಪಯುಕ್ತ ಬ್ಯಾಟಿಂಗ್ ಪ್ರದರ್ಶಿಸಿದ ನಾಯಕ ಜಾಸನ್ ಹೋಲ್ಡರ್ ತಂಡವನ್ನು ಮೇಲೆತ್ತುವ ಪ್ರಯತ್ನ ಮಾಡಿದರು. 34 ಎಸೆತಗಳನ್ನು ಎದುರಿಸಿದ ಜಾಸನ್ ನಾಲ್ಕು ಬೌಂಡರಿ ಹಾಗೂ ಒಂದು ಸಿಕ್ಸರ್ ನೆರವಿನಿಂದ 36 ರನ್ ಗಳಿಸಿದರು.
ಕೊನೆಯ ಹಂತದಲ್ಲಿ ಬಿರುಸಿನ ಬ್ಯಾಟಿಂಗ್ ಪ್ರದರ್ಶಿಸಿದ ರೋವ್ಮ್ಯಾನ್ (31) ತಂಡದ ಮೊತ್ತವನ್ನು 200ರ ಗಡಿ ದಾಟಿಸಲು ನೆರವಾದರು. 32 ಎಸೆತಗಳನ್ನು ಎದುರಿಸಿದ ರೋವ್ಮ್ಯಾನ್ ಎರಡು ಸಿಕ್ಸರ್ಗಳಿಂದ 31 ರನ್ ಗಳಿಸಿದರು.
ಇನ್ನುಳಿದಂತೆ ದೇವೇಂದ್ರ ಬಿಶೂ (6), ಎಎಸ್ ಜೋಸೆಫ್ (3*) ರನ್ ಗಳಿಸಿದರು. ಅತ್ತ ನಿರಂತರ ಅಂತರಾಳದಲ್ಲಿ ವಿಕೆಟ್ ಕಬಳಿಸಿದ ಭಾರತೀಯ ಬೌಲರ್ಗಳು ವಿಂಡೀಸ್ ಹೋರಾಟಕ್ಕೆ ಕಡಿವಾಣ ಹಾಕಿದರು. ಈ ಪೈಕಿ ಮೊಹಮ್ಮದ್ ಶಮಿ ನಾಲ್ಕು, ಉಮೇಶ್ ಯಾದವ್ ಮೂರು ಮತ್ತು ಹಾರ್ದಿಕ್ ಪಾಂಡ್ಯ ಹಾಗೂ ಕೇದರ್ ಜಾಧವ್ ತಲಾ ಒಂದು ವಿಕೆಟನ್ನು ಹಂಚಿಕೊಂಡರು.
ಇಲ್ಲಿ ಸ್ಪಿನ್ನರ್ಗಳ ಪ್ರದರ್ಶನವನ್ನು ವಿಶೇಷವಾಗಿಯೂ ಉಲ್ಲೇಖಿಸಬೇಕಾಗುತ್ತದೆ. ವಿಕೆಟ್ ಕಬಳಿಸುವಲ್ಲಿ ವಿಫಲವಾದರೂ ವಿಫಲವಾದರೂ ರವೀಂದ್ರ ಜಡೇಜಾ ಹಾಗೂ ಕುಲ್ದೀಪ್ ಯಾದವ್ ತಮ್ಮ 10 ಓವರ್ಗಳ ಕೋಟಾದಲ್ಲಿ ಅನುಕ್ರಮವಾಗಿ 27 ಹಾಗೂ 36 ರನ್ಗಳನ್ನಷ್ಟೇ ಬಿಟ್ಟುಕೊಟ್ಟಿದ್ದರು.
ಈ ಮೂಲಕ ಐದು ಪಂದ್ಯಗಳ ಏಕದಿನ ಸರಣಿಯಲ್ಲಿ 3-1 ಅಂತರದ ಗೆಲುವು ದಾಖಲಿಸಿದೆ. ಸರಣಿಯ ಮೊದಲ ಪಂದ್ಯ ಮಳೆಯಿಂದಾಗಿ ರದ್ದುಗೊಂಡಿತ್ತು.
206 ರನ್ಗಳ ಸ್ಪರ್ಧಾತ್ಮಕ ಮೊತ್ತ ಬೆನ್ನತ್ತಿದ ಭಾರತಕ್ಕೆ ಆರಂಭದಲ್ಲೇ ಶಿಖರ್ ಧವನ್ (4) ವಿಕೆಟ್ ನಷ್ಟವಾಗಿತ್ತು. ಈ ಹಂತದಲ್ಲಿ ಕ್ರೀಸಿಗಿಳಿದ ನಾಯಕ ಕೋಹ್ಲಿ ಜೊತೆಗೂಡಿದ ಅಜಿಂಕ್ಯಾ ರಹಾನೆ ತಂಡವನ್ನು ಮುನ್ನಡೆಸಿದರು. ಇವರಿಬ್ಬರು ದ್ವಿತೀಯ ವಿಕೆಟ್ಗೆ 79 ರನ್ಗಳ ಮಹತ್ವದ ಜೊತೆಯಾಟ ನೀಡಿದರು.
ಆದರೆ ಸತತ ಐದನೇ ಅರ್ಧಶತಕ ಬಾರಿಸುವ ಅವಕಾಶದಿಂದ ರಹಾನೆ ವಂಚಿತರಾದರು. 51 ಎಸೆತಗಳನ್ನು ಎದುರಿಸಿದ ರಹಾನೆ ಐದು ಬೌಂಡರಿಗಳಿಂದ 39 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು.
ಇನ್ನೊಂದೆಡೆ ಆಕ್ರಮಣಕಾರಿ ಆಟಕ್ಕೆ ಒತ್ತು ನೀಡಿದ ಕೋಹ್ಲಿ ವಿಂಡೀಸ್ ದಾಳಿಯನ್ನು ಸಮರ್ಥವಾಗಿ ಎದುರಿಸಿದರು. ದಿನೇಶ್ ಕಾರ್ತಿಕ್ ಜೊತೆಗೂಡಿ ಮುರಿಯದ ಮೂರನೇ ವಿಕೆಟ್ಗೆ 122 ರನ್ ಪೇರಿಸಿ ಕೋಹ್ಲಿ ತಂಡವನ್ನು ಗೆಲುವಿನತ್ತ ಮುನ್ನಡೆಸಿದರು.
ದಾಖಲೆಯ ಶತಕ...
ಇದು ಏಕದಿನ ಕ್ರಿಕೆಟ್ನಲ್ಲಿ ಕೋಹ್ಲಿ ಬ್ಯಾಟ್ನಿಂದ ದಾಖಲಾದ 28ನೇ ಶತಕವಾಗಿದೆ. ಈ ಪೈಕಿ ದಾಖಲೆಯ 18 ಶತಕಗಳು ಚೇಸಿಂಗ್ ವೇಳೆ ದಾಖಲಾಗಿರುವುದು ಗಮನಾರ್ಹವೆನಿಸುತ್ತದೆ. ಅಂತಿಮವಾಗಿ 115 ಎಸೆತಗಳನ್ನು ಎದುರಿಸಿದ ಕೋಹ್ಲಿ 12 ಬೌಂಡರಿ ಹಾಗೂ ಎರಡು ಸಿಕ್ಸರ್ ನೆರವಿನಿಂದ 111 ರನ್ ಗಳಿಸಿ ಅಜೇಯರಾಗುಳಿದರು.
ಇವರಿಗೆ ಉತ್ತಮ ಸಾಥ್ ನೀಡಿದ ಕಾರ್ತಿಕ್ ಸಹ ಆಕರ್ಷಕ ಅರ್ಧಶತಕ ಬಾರಿಸುವ ಮೂಲಕ ತಮ್ಮ ಆಯ್ಕೆಯನ್ನುಸಮರ್ಥಿಸಿಕೊಂಡರು. 52 ಎಸೆತಗಳನ್ನು ಎದುರಿಸಿದ ಕಾರ್ತಿಕ್ ಐದು ಬೌಂಡರಿಗಳಿಂದ 50 ರನ್ ಗಳಿಸಿ ಔಟಾಗದೆ ಉಳಿದರು. ಈ ಮೂಲಕ ವಿಂಡೀಸ್ ಒಡ್ಡಿದ ಟಾರ್ಗೆಟನ್ನು 36.5 ಓವರ್ಗಳಲ್ಲೇ ಎರಡು ವಿಕೆಟ್ ನಷ್ಟಕ್ಕೆ ಗುರಿ ತಲುಪಿತು.
ನಿಖರ ದಾಳಿ, ವಿಂಡೀಸ್ 205/9
ಇದಕ್ಕೂ ಮೊದಲು ಮೊಹಮ್ಮದ್ ಶಮಿ (48/4) ಹಾಗೂ ಉಮೇಶ್ ಯಾದವ್ (53/3) ಪರಿಣಾಮಕಾರಿ ದಾಳಿಗೆ ಸಿಲುಕಿದ್ದ ವೆಸ್ಟ್ಇಂಡೀಸ್ ಬ್ಯಾಟಿಂಗ್ ವೈಫಲ್ಯ ಕಂಡು ನಿಗದಿತ 50 ಓವರ್ಗಳಲ್ಲಿ ಒಂಬತ್ತು ವಿಕೆಟ್ ನಷ್ಟಕ್ಕೆ 205 ರನ್ ಗಳಿಸಲಷ್ಟೇ ಶಕ್ತವಾಗಿತ್ತು.
ಗೆಲುವಿನ ಆತ್ಮವಿಶ್ವಾಸದೊಂದಿಗೆ ಕಣಕ್ಕಿಳಿದಿದ್ದ ವಿಂಡೀಸ್ಗೆ ಆರಂಭದಲ್ಲೇ ಎವಿನ್ ಲೆವಿಸ್ (9) ರೂಪದಲ್ಲಿ ಆಘಾತ ಎದುರಾಗಿತ್ತು. ಈ ನಡುವೆ ಮಹತ್ವದ ಇನ್ನಿಂಗ್ಸ್ ಕಟ್ಟಿದ ಕೈಲ್ ಹೋಪ್ ಮತ್ತು ಶೈ ಹೋಪ್ ತಂಡಕ್ಕೆ ಆಸರೆಯಾದರು.
ಬಿರುಸಿನ ಆಟವನ್ನು ಪ್ರದರ್ಶಿಸಿದ ಕೈಲ್ ಹೋಪ್ 50 ಎಸೆತಗಳಲ್ಲಿ ಒಂಬತ್ತು ಬೌಂಡರಿಗಳಿಂದ 46 ರನ್ ಗಳಿಸಿದರು. ಇನ್ನೊಂದೆಡೆ ಕಲಾತ್ಮಕ ಇನ್ನಿಂಗ್ಸ್ ಕಟ್ಟಿದ ಶೈ ಹೋಪ್ 98 ಎಸೆತಗಳಲ್ಲಿ ಐದು ಬೌಂಡರಿಗಳಿಂದ 51 ರನ್ ಗಳಿಸಿದರು.
ಬಳಿಕ ಬಂದ ರೋಸ್ಟನ್ ಚೇಸ್ (0) ಖಾತೆ ತೆರೆಯಲಾಗದೇ ನಿರಾಸೆ ಅನುಭವಿಸಿದರು. ಇವರನ್ನು ಜಾಸನ್ ಮೊಹಮ್ಮದ್ (16) ಹಿಂಬಾಲಿಸಿದರು. ಈ ನಡುವೆ ಉಪಯುಕ್ತ ಬ್ಯಾಟಿಂಗ್ ಪ್ರದರ್ಶಿಸಿದ ನಾಯಕ ಜಾಸನ್ ಹೋಲ್ಡರ್ ತಂಡವನ್ನು ಮೇಲೆತ್ತುವ ಪ್ರಯತ್ನ ಮಾಡಿದರು. 34 ಎಸೆತಗಳನ್ನು ಎದುರಿಸಿದ ಜಾಸನ್ ನಾಲ್ಕು ಬೌಂಡರಿ ಹಾಗೂ ಒಂದು ಸಿಕ್ಸರ್ ನೆರವಿನಿಂದ 36 ರನ್ ಗಳಿಸಿದರು.
ಕೊನೆಯ ಹಂತದಲ್ಲಿ ಬಿರುಸಿನ ಬ್ಯಾಟಿಂಗ್ ಪ್ರದರ್ಶಿಸಿದ ರೋವ್ಮ್ಯಾನ್ (31) ತಂಡದ ಮೊತ್ತವನ್ನು 200ರ ಗಡಿ ದಾಟಿಸಲು ನೆರವಾದರು. 32 ಎಸೆತಗಳನ್ನು ಎದುರಿಸಿದ ರೋವ್ಮ್ಯಾನ್ ಎರಡು ಸಿಕ್ಸರ್ಗಳಿಂದ 31 ರನ್ ಗಳಿಸಿದರು.
ಇನ್ನುಳಿದಂತೆ ದೇವೇಂದ್ರ ಬಿಶೂ (6), ಎಎಸ್ ಜೋಸೆಫ್ (3*) ರನ್ ಗಳಿಸಿದರು. ಅತ್ತ ನಿರಂತರ ಅಂತರಾಳದಲ್ಲಿ ವಿಕೆಟ್ ಕಬಳಿಸಿದ ಭಾರತೀಯ ಬೌಲರ್ಗಳು ವಿಂಡೀಸ್ ಹೋರಾಟಕ್ಕೆ ಕಡಿವಾಣ ಹಾಕಿದರು. ಈ ಪೈಕಿ ಮೊಹಮ್ಮದ್ ಶಮಿ ನಾಲ್ಕು, ಉಮೇಶ್ ಯಾದವ್ ಮೂರು ಮತ್ತು ಹಾರ್ದಿಕ್ ಪಾಂಡ್ಯ ಹಾಗೂ ಕೇದರ್ ಜಾಧವ್ ತಲಾ ಒಂದು ವಿಕೆಟನ್ನು ಹಂಚಿಕೊಂಡರು.
ಇಲ್ಲಿ ಸ್ಪಿನ್ನರ್ಗಳ ಪ್ರದರ್ಶನವನ್ನು ವಿಶೇಷವಾಗಿಯೂ ಉಲ್ಲೇಖಿಸಬೇಕಾಗುತ್ತದೆ. ವಿಕೆಟ್ ಕಬಳಿಸುವಲ್ಲಿ ವಿಫಲವಾದರೂ ವಿಫಲವಾದರೂ ರವೀಂದ್ರ ಜಡೇಜಾ ಹಾಗೂ ಕುಲ್ದೀಪ್ ಯಾದವ್ ತಮ್ಮ 10 ಓವರ್ಗಳ ಕೋಟಾದಲ್ಲಿ ಅನುಕ್ರಮವಾಗಿ 27 ಹಾಗೂ 36 ರನ್ಗಳನ್ನಷ್ಟೇ ಬಿಟ್ಟುಕೊಟ್ಟಿದ್ದರು.