ರಾಜಸ್ಥಾನ ರಾಯಲ್ಸ್‌ ನಾಯಕತ್ವ ಕಳಕೊಂಡ ಸ್ಮಿತ್‌: ರಹಾನೆಗೆ ಪಟ್ಟ

ಮುಂಬಯಿ: ದಕ್ಷಿಣ ಆಫ್ರಿಕಾ ವಿರುದ್ಧ ಟೆಸ್ಟ್‌ ಪಂದ್ಯದಲ್ಲಿ ಚೆಂಡು ವಿರೂಪಗೊಳಿಸಿದ ಆರೋಪ ಹೊತ್ತಿರುವ ಆಸ್ಟ್ರೇಲಿಯಾ ತಂಡ ನಾಯಕ ಸ್ಟೀವ್‌ ಸ್ಮಿತ್‌ ಈಗ ಮತ್ತೊಂದು ಪಟ್ಟವನ್ನೂ ಕಳೆದುಕೊಂಡಿದ್ದಾರೆ.

ರಾಜಸ್ಥಾನ ರಾಯಲ್ಸ್‌ ತಂಡದ ನಾಯಕತ್ವ ಸ್ಥಾನದಿಂದ ಸ್ಟೀವ್‌ ಸ್ಮಿತ್‌ ಕೆಳಗಿಳಿದಿದ್ದಾರೆ.

ಭಾರತದ ಭರವಸೆಯ ಆಟಗಾರ ಅಜಿಂಕ್ಯಾ ರಹಾನೆ ರಾಜಸ್ಥಾನ ರಾಯಲ್ಸ್ ತಂಡದ ನಾಯಕರಾಗಿ ಆಯ್ಕೆಯಾಗಿದ್ದಾರೆ.

ಏಪ್ರಿಲ್‌ 7ರಿಂದ ಭಾರತೀಯ ಪ್ರೀಮಿಯರ್‌ ಲೀಗ್‌ ಪಂದ್ಯಾವಳಿ ಆರಂಭವಾಗಲಿದೆ.

2008ರಲ್ಲಿ ಮುಂಬೈ ಇಂಡಿಯನ್ಸ್‌ ಪರ ಆಡಿದ್ದ ಅಜಿಂಕ್ಯಾ ರಹಾನೆ, 2011ರಿಂದ 2015ರವರೆಗೆ ರಾಯಲ್ಸ್‌ ತಂಡದ ಪರ ಆಡಿದ್ದರು. ನಂತರ ಕಳ್ಳಾಟದ ಆರೋಪದ ಮೇರೆಗೆ ರಾಜಸ್ಥಾನ ರಾಯಲ್ಸ್‌ ತಂಡವನ್ನು ಬಿಸಿಸಿಐ ಎರಡು ವರ್ಷನಿಷೇಧಗೊಳಿಸಿತ್ತು.