ಮರು ಹರಾಜಿನಲ್ಲೂ ಕ್ರಿಸ್ ಗೇಲ್ ಅನ್‌ಸೋಲ್ಡ್

ಬೆಂಗಳೂರು: ಇಂಡಿಯನ್‌ ಪ್ರೀಮಿಯರ್‌ ಲೀಗ್‌(ಐಪಿಎಲ್‌) 2018ನೇ ಸಾಲಿನ ಆಟಗಾರರ ಹರಾಜು ಪ್ರಕ್ರಿಯೆ ಎರಡನೇ ದಿನವಾದ ಇಂದು (ಭಾನುವಾರ) ಕೂಡಾ ಭರದಿಂದ ಸಾಗುತ್ತಿದೆ.

ಈ ನಡುವೆ ವೆಸ್ಟ್‌ಇಂಡೀಸ್‌ನ ದೈತ್ಯ ಎಡಗೈ ಬ್ಯಾಟ್ಸ್‌ಮನ್ ಕ್ರಿಸ್ ಗೇಲ್ ಮರು ಹರಾಜಿನಲ್ಲೂ ಮಾರಾಟವಾಗದೇ ಆಘಾತಕ್ಕೊಳಗಾಗಿದ್ದಾರೆ.

ಕ್ರಿಸ್ ಗೇಲ್ ಅವರಿಗೆ 2 ಕೋಟಿ ರೂ. ಮೂಲಬೆಲೆ ನಿಗದಿಪಡಿಸಲಾಗಿತ್ತು. ಆದರೆ ಶನಿವಾರ ನಡೆದ ಮೊದಲ ಹಂತದ ಹರಾಜು ಪ್ರಕ್ರಿಯೆಯಲ್ಲಿ ಖರೀದಿಸಲು ಯಾವುದೇ ಫ್ರಾಂಚೈಸಿಗಳು ಆಸಕ್ತಿ ತೋರಲಿಲ್ಲ.

Chris Gayle remains unsold again VIVO #IPLAuction — IndianPremierLeague (@IPL) January 28, 2018 ಅನ್‌ಸೋಲ್ಡ್ ಆಟಗಾರರಿಗಾಗಿ ಭಾನುವಾರ ನಡೆದ ಹರಾಜಿನಲ್ಲೂ ಕ್ರಿಸ್ ಗೇಲ್ ಖರೀದಿಸಲು ಯಾರೂ ಮನಸ್ಸು ಮಾಡಲಿಲ್ಲ. ಇದರಿಂದಾಗಿ ಗೇಲ್ ಐಪಿಎಲ್ ಕನಸು ಭಗ್ನಗೊಂಡಿದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅತಿ ಜನಪ್ರಿಯ ಹಾಗೂ ಅತಿ ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವ ಹೊರತಾಗಿಯೂ ಗೇಲ್ ಖರೀದಿಸಲು ಆರ್‌ಸಿಬಿ ಮನಸ್ಸು ಮಾಡಿರಲಿಲ್ಲ.

ಕಳಪೆ ಬ್ಯಾಟಿಂಗ್ ಪ್ರದರ್ಶನ, ಕಳಪೆ ಫಿಟ್ನೆಸ್ ಮಟ್ಟ ಹಾಗೂ ಮೈದಾನದ ಹೊರಗಿನ ವಿಷಯಗಳಲ್ಲಿ ಪದೇ ಪದೇ ವಿವಾದಕ್ಕೊಳಗಾಗುವ ಹಿನ್ನಲೆಯಲ್ಲಿ ಗೇಲ್ ಖರೀದಿಸಲು ಎಲ್ಲ ಫ್ರಾಂಚೈಸಿಗಳು ಹಿಂದೇಟು ಹಾಕಿದ್ದರು.