ಮಯಾಂಕ್ ಅಗರ್ವಾಲ್ ಬಾಚಿದ ಕಿಂಗ್ಸ್ ಇಲೆವೆನ್

ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2018ನೇ ಸಾಲಿನ ಆಟಗಾರರ ಹರಾಜು ಪ್ರಕ್ರಿಯೆ ಶನಿವಾರದಂದು ನಮ್ಮ ಬೆಂಗಳೂರಿನಲ್ಲಿ ಭರದಿಂದ ಸಾಗುತ್ತಿದೆ.

ಇದರೊಂದಿಗೆ 1 ಕೋಟಿ ಅದಕ್ಕಿಂತಲೂ ಹೆಚ್ಚು ಕೋಟಿ ರೂಪಾಯಿಗಳನ್ನು ಬಾಚಿಕೊಂಡಿರುವ ಕರ್ನಾಟಕದ ಆಟಗಾರರ ಸಾಲಿಗೆ ಮಯಾಂಕ್ ಅಗರ್ವಾಲ್ ಸಹ ಸೇರಿದ್ದಾರೆ.

ಪ್ರಸಕ್ತ ಸಾಲಿನ ರಣಜಿ ಟ್ರೋಫಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿರುವ ಕರ್ನಾಟಕದ ಈ ಬ್ಯಾಟ್ಸ್‌ಮನ್‌ರನ್ನು ಬರೋಬ್ಬರಿ 1 ಕೋಟಿ ರೂ.ಗಳಿಗೆ ಕಿಂಗ್ಸ್ ಇಲೆವೆನ್ ಪಂಜಾಬ್ ಖರೀದಿಸಿದೆ.

20 ಲಕ್ಷ ರೂ. ಮೂಲ ಬೆಲೆಯ ಮಯಾಂಕ್ ಅವರಿಗೆ ಐಪಿಎಲ್ ಹರಾಜಿನಲ್ಲಿ ಉತ್ತಮ ಮನ್ನಣೆ ಸಿಕ್ಕಂತಾಗಿದೆ.

ಈ ಮೊದಲು ಮನೀಷ್ ಪಾಂಡೆ ಹಾಗೂ ಕೆಎಲ್ ರಾಹುಲ್ ತಲಾ 11 ಕೋಟಿ ರೂ.ಗಳಿಗೆ ಹರಾಜುಗೊಂಡಿದ್ದರು. ರಾಬಿನ್ ಉತ್ತಪ್ಪ ಹಾಗೂ ಕರುಣ್ ನಾಯರ್ ಸಹ ಒಂದು ಕೋಟಿಗೂ ಹೆಚ್ಚು ರೂ.ಗಳಿಗೆ ಸೇಲ್ ಆಗಿದ್ದರು.

Mayank Agarwal is sold to @lionsdenkxip for INR 100 lacs VIVO #IPLAuction — IndianPremierLeague (@IPL) January 27, 2018 ಮಯಾಂಕ್ ಅಗರ್ವಾಲ್
ಮೂಲ ಬೆಲೆ: 20 ಲಕ್ಷ ರೂ.
ಖರೀದಿ: ಕಿಂಗ್ಸ್ ಇಲೆವೆನ್ ಪಂಜಾಬ್
ಮಾರಾಟ ಬೆಲೆ: 1 ಕೋಟಿ ರೂ.