11.5 ಕೋಟಿ ರೂ.ಗೆ ಉನಾದ್ಕಟ್ ಬಾಚಿದ ರಾಜಸ್ತಾನ

ಬೆಂಗಳೂರು: ಇಂಡಿಯನ್‌ ಪ್ರೀಮಿಯರ್‌ ಲೀಗ್‌(ಐಪಿಎಲ್‌) 2018ನೇ ಸಾಲಿನ ಆಟಗಾರರ ಹರಾಜು ಪ್ರಕ್ರಿಯೆ ಎರಡನೇ ದಿನವಾದ ಇಂದು (ಭಾನುವಾರ) ಕೂಡಾ ಭರದಿಂದ ಸಾಗುತ್ತಿದೆ.

ಇದರಂತೆ ಭಾರತೀಯ ಕ್ರಿಕೆಟ್ ತಂಡದ ಎಡಗೈ ವೇಗಿ ಜೈದೇವ್ ಉನಾದ್ಕಟ್ ಅವರನ್ನು ರಾಜಸ್ತಾನ ರಾಯಲ್ಸ್ ಫ್ರಾಂಚೈಸಿ ಖರೀದಿಸಿದೆ.

1.5 ಕೋಟಿ ರೂ. ಮೂಲಬೆಲೆಯ ಉನಾದ್ಕಟ್ ಖರೀದಿಗಾಗಿ ಚೆನ್ನೈ ಹಾಗೂ ಪಂಜಾಜ್ ಫ್ರಾಂಚೈಸಿಗಳ ನಡುವೆ ಜಿದ್ದಾಜಿದ್ದಿನ ಪೈಪೋಟಿ ನಡೆದಿತ್ತು. ಆದರೆ ಅಚ್ಚರಿಯೆಂಬಂತೆ ಹರಾಜಿಗೆ ಧುಮುಕಿದ ರಾಜಸ್ತಾನ ಗರಿಷ್ಠ 11.5 ಕೋಟಿ ರೂ. ನೀಡಿ ಖರೀದಿಸಲು ನಿರ್ಧರಿಸಿತ್ತು.

ಇದರಂತೆ ಜೈದೇವ್ ಉನಾದ್ಕಟ್ ಎರಡನೇ ದಿನದ ಹಾಟ್ ಸೇಲ್ ಆಗಿ ಮೂಡಿಬಂದಿದ್ದಾರೆ. ಕಳೆದ ದಿನ ಇಂಗ್ಲೆಂಡ್‌ನ ಬೆನ್ ಸ್ಟೋಕ್ಸ್ 12.5 ಕೋಟಿ ರೂ.ಗಳಿಗೆ ರಾಜಸ್ತಾನ ರಾಯಲ್ಸ್ ತಂಡದ ಪಾಲಾಗಿರುವುದು ಹೆಚ್ಚಿನ ಗಮನ ಸೆಳೆದಿದೆ. ಈ ಮೂಲಕ 2018 ಐಪಿಎಲ್ ಹರಾಜಿನಲ್ಲಿ ಅತಿ ಹೆಚ್ಚು ಬೇಡಿಕೆ ಗಿಟ್ಟಿಸಿಕೊಂಡ ಇಬ್ಬರು ಟಾಪ್ ಆಟಗಾರರನ್ನು ರಾಜಸ್ತಾನವೇ ಖರೀದಿಸಿದಂತಾಗಿದೆ.

.@JUnadkat is sold to @rajasthanroyals for INR 1150 lacs VIVO #IPLAuction — IndianPremierLeague (@IPL) January 28, 2018 ಜೈದೇವ್ ಉನಾದ್ಕಟ್
ಮೂಲ ಬೆಲೆ: 1.5 ಕೋಟಿ ರೂ.
ಖರೀದಿ: ರಾಜಸ್ತಾನ ರಾಯಲ್ಸ್
ಮಾರಾಟ ಬೆಲೆ: 11.5 ಕೋಟಿ ರೂ.