'ಟ್ರಂಪ್ ಕಾರ್ಡ್' ಚಹಲ್ ನೆಚ್ಚಿಕೊಂಡ ಆರ್‌ಸಿಬಿ

ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2018ನೇ ಸಾಲಿನ ಆಟಗಾರರ ಹರಾಜು ಪ್ರಕ್ರಿಯೆ ಶನಿವಾರದಂದು ನಮ್ಮ ಬೆಂಗಳೂರಿನಲ್ಲಿ ಭರದಿಂದ ಸಾಗುತ್ತಿದೆ.

ಈ ನಡುವೆ ತಮ್ಮ ಟ್ರಂಪ್ ಕಾರ್ಡ್ ಯಜುವೇಂದ್ರ ಚಹಲ್ ಅವರನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ತಮ್ಮ ಬಳಿಯೇ ಕಾಯ್ದಿರಿಸಿಕೊಂಡಿದೆ.

ಭಾರತದ ಪ್ರಮುಖ ಅಸ್ತ್ರವಾಗಿರುವ ಚಹಲ್‌ಗಾಗಿ ಹಲವಾರು ಫ್ರಾಂಚೈಸಿಗಳು ಬೇಟೆ ಆರಂಭಿಸಿದ್ದವು. ಅಂತಿಮವಾಗಿ ಆರು ಕೋಟಿ ರೂ.ಗಳಿಗೆ ಡೆಲ್ಲಿ ಡೇರ್ ಡೆವಿಲ್ಸ್ ಪಾಲಾಗುವುದು ಬಹುತೇಕ ಖಚಿತವೆನಿಸಿತ್ತು.

ಈ ಹಂತದಲ್ಲಿ ರೈಟ್‌ ಟು ಮ್ಯಾಚ್‌ ಕಾರ್ಡ್ ಬಳಕೆ ಮಾಡಿದ ಆರ್‌ಸಿಬಿ, ಚಹಲ್ ಅವರನ್ನು ತಮ್ಮ ತೆಕ್ಕೆಗೆ ಸೇರಿಸಿಕೊಂಡಿತು.

ನಿಮಗೆಲ್ಲರಿಗೂ ತಿಳಿದಿರುವಂತೆಯೇ ಚಹಲ್ ಅವರು ಆರ್‌ಸಿಬಿ ನಾಯಕ ವಿರಾಟ್ ಕೊಹ್ಲಿ ಅವರ ನೆಚ್ಚಿನ ಲೆಗ್ ಸ್ಪಿನ್ ಬೌಲರ್ ಆಗಿದ್ದಾರೆ. ಅಲ್ಲದೆ ಕಳೆದ ಕೆಲವು ಸಾಲುಗಳಿಂದ ಪ್ರಭಾವಿ ಪ್ರದರ್ಶನ ನೀಡುತ್ತಲೇ ಬಂದಿದ್ದಾರೆ.

.@RCBTweets use their RTM to retain @yuzi_chahal for INR 600 lacs VIVO #IPLAuction — IndianPremierLeague (@IPL) January 27, 2018 ಯಜುವೇಂದ್ರ ಚಹಲ್
6 ಕೋಟಿ ರೂ.ಗೆ ಡೆಲ್ಲಿ ಡೇರ್ ಡೆವಿಲ್ಸ್ ಬಿಡ್
ಆದರೆ ರೈಟ್‌ ಟು ಮ್ಯಾಚ್‌ನಲ್ಲಿ (RTM) ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಖರೀದಿ