ಐಪಿಎಲ್‌ನಲ್ಲಿ ನಾಯಕತ್ವವಿಲ್ಲದೆ ಮೊದಲ ಬಾರಿ ಧೋನಿ ಕಣಕ್ಕೆ
ಪುಣೆ: ಎರಡು ಬಾರಿಯ ಚಾಂಪಿಯನ್‌ ಮುಂಬಯಿ ಇಂಡಿಯನ್ಸ್‌ ತಂಡ, ಐಪಿಎಲ್‌-10ರ ತನ್ನ ಮೊದಲ ಪಂದ್ಯದಲ್ಲಿ ರೈಸಿಂಗ್‌ ಪುಣೆ ಸೂಪರ್‌ ಜಯಂಟ್ಸ್‌ ತಂಡವನ್ನು ಎದುರಿಸಲಿದೆ.
ಪುಣೆಯ ಎಂಸಿಎ ಕ್ರೀಡಾಂಗಣದಲ್ಲಿ ಗುರುವಾರ ನಡೆಯುವ ಪಂದ್ಯದಲ್ಲಿ ಉಭಯ ತಂಡಗಳು ಶುಭಾರಂಭದ ವಿಶ್ವಾಸದಲ್ಲಿವೆ. ಭಾರತ ತಂಡದ ಮಾಜಿ ನಾಯಕ ಎಂ.ಎಸ್‌ ಧೋನಿ ಇದೇ ಮೊದಲ ಬಾರಿ ಐಪಿಎಲ್‌ನಲ್ಲಿ ನಾಯಕತ್ವವಿಲ್ಲದೆ ಸಾಮಾನ್ಯ ಆಟಗಾರನಾಗಿ ಆಡಲಿದ್ದಾರೆ. ಎಂಟು ವರ್ಷಗಳ ಕಾಲ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ನಾಯಕರಾಗಿದ್ದ ಧೋನಿ ಕಳೆದ ವರ್ಷ ಪುಣೆ ತಂಡವನ್ನು ಮುನ್ನಡೆಸಿದ್ದರು. ಆದರೆ ಈ ಬಾರಿ ಧೋನಿ ಬದಲು ಪುಣೆ ಫ್ರಾಂಚೈಸಿ ಸ್ಟೀವನ್‌ ಸ್ಮಿತ್‌ ಅವರ ನಾಯಕತ್ವದಲ್ಲಿ ಅದೃಷ್ಟ ಪರೀಕ್ಷೆಗೆ ಮುಂದಾಗಿದೆ.
ಈ ಸಾಲಿನ ಹರಾಜಿನಲ್ಲಿ ಅತ್ಯಧಿಕ 14.5 ಕೋಟಿ ರೂ. ಮೊತ್ತಕ್ಕೆ ಪುಣೆ ತಂಡ ಸೇರಿರುವ ಇಂಗ್ಲೆಂಡ್‌ ಆಲ್‌ರೌಂಡರ್‌ ಬೆನ್‌ ಸ್ಟೋಕ್ಸ್‌ ಅವರ ಮೇಲೆ ತಂಡ ಭಾರಿ ನಿರೀಕ್ಷೆಯಿಟ್ಟಿದೆ. ಕಳೆದ ಬಾರಿ ಪುಣೆ ತಂಡ ಕೇವಲ ಐದು ಗೆಲುವುಗಳೊಂದಿಗೆ 7ನೇ ಸ್ಥಾನಕ್ಕೆ ತೃಪ್ತಿ ಪಟ್ಟಿತ್ತು. 2016ನೇ ಸಾಲಿನ ಟೂರ್ನಿಯಲ್ಲಿ 5ನೇ ಸ್ಥಾನಕ್ಕೆ ಕುಸಿಯುವುದರೊಂದಿಗೆ ಪ್ಲೇ ಆಫ್‌ ಪ್ರವೇಶಿಸುವಲ್ಲಿ ವಿಫಲಗೊಂಡಿದ್ದ ಮಾಜಿ ಚಾಂಪಿಯನ್‌ ಮುಂಬಯಿ, ಈ ಬಾರಿ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡಗಳಲ್ಲೊಂದಾಗಿದೆ.
ಸ್ಟಾರ್‌ ಆಟಗಾರರು
ಸೂಪರ್‌ಜಯಂಟ್ಸ್‌
ಎಂ.ಎಸ್‌ ಧೋನಿ
ಸ್ಟೀವನ್‌ ಸ್ಮಿತ್‌
ಫಾಫ್‌ ಡು'ಪ್ಲೆಸಿಸ್‌
ಬೆನ್‌ ಸ್ಟೋಕ್ಸ್‌
ಮುಂಬಯಿ ಇಂಡಿಯನ್ಸ್‌
ರೋಹಿತ್‌ ಶರ್ಮಾ
ಜೋಸ್‌ ಬಟ್ಲರ್‌
ಕೀರನ್‌ ಪೊಲಾರ್ಡ್‌
ಜಸ್‌ಪ್ರೀತ್‌ ಬುಮ್ರಾ
ಮುಖಾಮುಖಿ: 02
ಪುಣೆ ಗೆಲುವು: 01
ಮುಂಬಯಿ ಗೆಲುವು: 01