Ishant Sharma: ಖಾತೆ ತೆರೆಯುವ ಮುನ್ನವೇ ಫಿಂಚ್ ಕ್ಲೀನ್ ಬೌಲ್ಡ್ ಮಾಡಿದ ಇಶಾಂತ್..!

ಆಡಿಲೇಡ್: ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದ ಎರಡನೇ ದಿನದಾಟದಲ್ಲಿ ಭಾರತೀಯ ಬೌಲರ್‌ಗಳು ಪರಿಣಾಮಕಾರಿ ದಾಳಿ ಸಂಘಟಿಸುತ್ತಿದ್ದಾರೆ.

ಭಾರತದ 250 ರನ್‌ಗಳ ಸಾಧಾರಣ ಉತ್ತರವಾಗಿ ಬ್ಯಾಟಿಂಗ್‌ಗಿಳಿದ ಆಸೀಸ್ ತಂಡಕ್ಕೆ ಆರಂಭದಲ್ಲೇ ಬಲಗೈ ವೇಗಿ ಇಶಾಂತ್ ಶರ್ಮಾ ಆಘಾತ ನೀಡಿದ್ದರು.

ಮೊದಲ ಓವರ್‌ನಲ್ಲೇ ಆಸ್ಟ್ರೇಲಿಯಾದ ಆಕ್ರಮಣಕಾರಿ ಓಪನರ್ ಬ್ಯಾಟ್ಸ್‌ಮನ್ ಆ್ಯರೋನ್ ಫಿಂಚ್‌ರನ್ನು ಖಾತೆ ತೆರೆಯುವ ಮುನ್ನವೇ ಪೆವಿಲಿಯನ್‌ಗಟ್ಟಿದ್ದರು.

ಮಾರಕ ದಾಳಿ ಸಂಘಟಿಸಿದ ಇಶಾಂತ್ ಪ್ರಥಮ ಓವರ್‌ನಲ್ಲೇ ಕ್ಲೀನ್ ಬೌಲ್ಡ್ ಮಾಡಿದರು. ಬಳಿಕ ತಮ್ಮ ಎಂದಿನ ಶೈಲಿಯಲ್ಲಿ ಸಂಭ್ರಮ ಮಾಡಿದರು.

ಈ ಮೊದಲು ಚೇತೇಶ್ವರ ಪೂಜಾರ (123) ಶತಕದ ಹೊರತಾಗಿಯೂ ಟೀಮ್ ಇಂಡಿಯಾ 250 ರನ್‌ಗಳಿಗೆ ತನ್ನೆಲ್ಲ ವಿಕೆಟುಗಳನ್ನು ಕಳೆದುಕೊಂಡಿತು.