ಕೆಎಲ್ ರಾಹುಲ್, ಪಡಿಕ್ಕಲ್ ಮಿಂಚು; ವಿನಯ್ ಪಡೆ ಮಣಿಸಿ ಸೆಮೀಸ್‌ಗೆ ಲಗ್ಗೆಯಿಟ್ಟ ಕರ್ನಾಟಕ

ಬೆಂಗಳೂರು: ಬ್ಯಾಟಿಂಗ್‌ ಮತ್ತು ಬೌಲಿಂಗ್‌ ಎರಡರಲ್ಲೂ ಪಾರಮ್ಯ ಮೆರೆದ ಕರ್ನಾಟಕ ತಂಡ ವಿಜಯ್‌ ಹಜಾರೆ ಟ್ರೋಫಿ ಏಕದಿನ ಕ್ರಿಕೆಟ್‌ ಟೂರ್ನಿಯ ಕ್ವಾರ್ಟರ್‌ಫೈನಲ್‌ 1ರಲ್ಲಿ ವಿನಯ್‌ ಕುಮಾರ್‌ ನಾಯಕತ್ವದ ಪುದುಚೆರಿ ತಂಡದ ವಿರುದ್ಧ 8 ವಿಕೆಟ್‌ಗಳ ಭರ್ಜರಿ ಗೆಲುವು ಸಾಧಿಸಿ ಉಪಾಂತ್ಯ ಪ್ರವೇಶಿಸಿದೆ.

ಇಲ್ಲಿನ ಎಂ.ಚಿನ್ನಸ್ವಾಮಿ ಕ್ರೀಡಾಂಗಣ­ದಲ್ಲಿ ಭಾನುವಾರ ನಡೆದ ಹಣಾಹಣಿ­ಯಲ್ಲಿ ಟಾಸ್‌ ಗೆದ್ದು ಬೌಲಿಂಗ್‌ ಆಯ್ದುಕೊಂಡ ಮನೀಶ್‌ ಪಾಂಡೆ ಸಾರಥ್ಯದ ಕರ್ನಾಟಕ ತಂಡ ಎದುರಾಳಿ ಪುದುಚೆರಿ ತಂಡವನ್ನು 207 ರನ್‌ಗಳಿಗೆ ಕಟ್ಟಿ ಹಾಕಿತು. ಬಳಿಕ 41 ಓವರ್‌ಗಳಲ್ಲಿಕೇವಲ 2 ವಿಕೆಟ್‌ ನಷ್ಟಕ್ಕೆ 213 ರನ್‌ ಗಳಿಸಿ ಸಂಭ್ರಮ ಆಚರಿಸಿತು.

ಭಾರತ vs ದಕ್ಷಿಣ ಆಫ್ರಿಕಾ ದ್ವಿತೀಯ ದಿನ ವರದಿ

ಅಗ್ರಮಾನ್ಯ ಬ್ಯಾಟ್ಸ್‌ಮನ್‌ಗಳಾದ ಕೆ.ಎಲ್‌.ರಾಹುಲ್‌ (90 ರನ್‌, 112 ಎಸೆತ, 8 ಫೋರ್‌, 1 ಸಿಕ್ಸರ್‌), ದೇವದತ್‌ ಪಡಿಕ್ಕಲ್‌ (50 ರನ್‌, 54 ಎಸೆತ) ಮತ್ತು ರೋಹನ್‌ ಕದಂ (50 ರನ್‌, 68 ಎಸೆತ) ತಲಾ ಅರ್ಧಶತಕ ಗಳಿಸಿ ಕರ್ನಾಟಕಕ್ಕೆ ಸುಲಭ ಗೆಲುವು ಒಲಿಸಿಕೊಟ್ಟರು.

ಇದಕ್ಕೂ ಮುನ್ನ ಆತಿಥೇಯ ತಂಡ ಲೆಗ್‌ಸ್ಪಿನ್ನರ್‌ ಪ್ರವೀಣ್‌ ದುಬೆ (44ಕ್ಕೆ 3), ವೇಗಿ ಅಭಿಮನ್ಯು ಮಿಥುನ್‌ (35ಕ್ಕೆ 2), ಮಧ್ಯಮ ವೇಗಿ ವಿ.ಕೌಶಿಕ್‌ (33ಕ್ಕೆ 2) ಅವರ ಕರಾರುವಾಕ್‌ ದಾಳಿಯ ನೆರವಿನಿಂದ ಪ್ರವಾಸಿ ತಂಡವನ್ನು ಸಾಧಾರಣ ಮೊತ್ತಕ್ಕೆ ನಿಯಂತ್ರಿಸಿತು.

ಸಿಕ್ಸ್‌ ಹೊಡೆದು ದ್ವಿಶತಕ ಬಾರಿಸಿದ ಹಿಟ್‌ಮ್ಯಾನ್‌, ಸೆಹ್ವಾಗ್‌, ಗವಾಸ್ಕರ್‌ ಎಲೈಟ್‌ ಸಾಲಿಗೆ ರೋಹಿತ್‌!

ಪುದುಚೆರಿ ಪರ ಸಾಗರ್‌ ತ್ರಿವೇದಿ (54) ಮತ್ತು ವಿ. ಮಾರಿಮುತ್ತು (58) ತಲಾ ಅರ್ಧಶತಕ ಗಳಿಸಿ ಗಮನ ಸೆಳೆದರು. ಇದೇ ಮೊದಲ ಬಾರಿ ಕರ್ನಾಟಕ ವಿರುದ್ಧ ಕಣಕ್ಕಿಳಿದಿದ್ದ ಮಧ್ಯಮ ವೇಗಿ ವಿನಯ್‌ ಕುಮಾರ್‌ ವಿಕೆಟ್‌ ಪಡೆಯಲು ವಿಫಲರಾದರು.

ಜಸ್ಟ್‌ ಕ್ರಿಕೆಟ್‌ ಅಕಾಡೆಮಿ ಕ್ರೀಡಾಂಗಣ­ದಲ್ಲಿನಡೆದ 2ನೇ ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿಗುಜರಾತ್‌ ತಂಡ 9 ವಿಕೆಟ್‌ಗಳಿಂದ ದಿಲ್ಲಿತಂಡವನ್ನು ಮಣಿಸಿತು.

ಅನಗತ್ಯ ಕಾರಣ ಕೊಟ್ಟ ಡೀನ್‌ ಎಲ್ಗರ್‌ಗೆ ಬಿಸಿ ಮುಟ್ಟಿಸಿದ ಟೀಮ್‌ ಇಂಡಿಯಾ ಫ್ಯಾನ್ಸ್‌!