ಖೇಲ್‌ ರತ್ನಗೆ ಕೊಹ್ಲಿ, ಅರ್ಜುನ್‌ ಪ್ರಶಸ್ತಿಗೆ ರಹಾನೆ ಹೆಸರು

ಹೊಸದಿಲ್ಲಿ: ದೇಶದ ಅತ್ಯುನ್ನತ ಕ್ರೀಡಾ ಗೌರವ ರಾಜೀವ್‌ ಗಾಂಧಿ'ಖೇಲ್‌ ರತ್ನ' ಪ್ರಶಸ್ತಿಗೆ ಭಾರತ ಟೆಸ್ಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಹಾಗೂ ಅರ್ಜುನ್‌ ಪ್ರಶಸ್ತಿಗೆ ಅಂಜಿಕ್ಯ ರಹಾನೆ ಹೆಸರನ್ನು ಶಿಫಾರಸು ಮಾಡಲಾಗಿದೆ.

ಬಿಸಿಸಿಐ ಮಂಗಳವಾರ ಇಬ್ಬರ ಹೆಸರನ್ನು ಪ್ರಶಸ್ತಿಗಳಿಗೆ ಶಿಫಾರಸು ಮಾಡಿದೆ.

ಕೊಹ್ಲಿಗೆ ಈ ಪ್ರಶಸ್ತಿ ಒಲಿದರೆ ಸಚಿನ್‌ ತೆಂಡೂಲ್ಕರ್‌, ಎಂಎಸ್‌ ಧೋನಿ ನಂತರ ಖೇಲ್ ರತ್ನ ಪ್ರಶಸ್ತಿಗೆ ಪಾತ್ರರಾದ ಮೂರನೇ ಕ್ರಿಕೆಟಿಗ ಎಂಬ ಹೆಮ್ಮೆಗೆ ಪಾತ್ರರಾಗಲಿದ್ದಾರೆ.

ಖೇಲ್‌ ರತ್ನ ಪ್ರಶಸ್ತಿ 7.5 ಲಕ್ಷ ನಗದು, ಸ್ಮರಣಿಕೆಯನ್ನು ಒಳಗೊಂಡಿದ್ದರೆ, ಅರ್ಜುನ್ ಪ್ರಶಸ್ತಿ 5 ಲಕ್ಷ ನಗದು, ಸ್ಮರಣಿಕೆಯನ್ನು ಒಳಗೊಂಡಿದೆ.