ವಿಚಿತ್ರ ಕೈಸನ್ನೆಯ ಮೂಲಕ ಎಬಿಡಿಗೆ ವಿದಾಯ ನೀಡಿದ ಕೃುನಾಲ್

ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟ್ವೆಂಟಿ-20 ಚಾಂಪಿಯನ್‌ಶಿಪ್‌ನಲ್ಲಿ ಸೋಮವಾರ ಮುಂಬೈ ಇಂಡಿಯನ್ಸ್ ವಿರುದ್ಧ ಪಂದ್ಯವನ್ನು ಐದು ವಿಕೆಟ್‌ಗಳ ಅಂತರದಿಂದ ಮಣಿದಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಕೂಟದಿಂದಲೇ ಹೊರನಡೆದಿದೆ.

ಆದರೆ ಮುಂಬೈ ಇಂಡಿಯನ್ಸ್ ಆಲ್‌ರೌಂಡರ್ ಆಟಗಾರ ಕುೃನಾಲ್ ಪಾಂಡ್ಯ, ವಿಚಿತ್ರವಾದ ಕೈಸನ್ನೆಯ ಮೂಲಕ ಎಬಿ ಡಿ ವಿಲಿಯರ್ಸ್ ಅವರನ್ನು ಹೊರಗಟ್ಟಿದ್ದರು.


27 ಎಸೆತಗಳಲ್ಲಿ 43 ರನ್ ಗಳಿಸಿ ಉತ್ತಮವಾಗಿ ಆಡುತ್ತಿದ್ದ ಎಬಿಡಿ, ಎಡಗೈ ಸ್ಪಿನ್ನರ್ ಕುೃನಾಲ್ ಎಸೆತದಲ್ಲಿ ಸ್ವೀಪ್ ಮಾಡಲು ಹೋಗಿ ಕ್ಯಾಚಿತ್ತು ಮರಳಿದರು. ಈ ಸಂದರ್ಭದಲ್ಲಿ ಕುೃನಾಲ್ ಸಂಭ್ರಮಾಚರಿಸಿಕೊಂಡಿದ್ದರು.

ಐಪಿಎಲ್‌ನಲ್ಲಿ ನಾಲ್ಕನೇ ಬಾರಿಗೆ ವಿಲಿಯರ್ಸ್ ಅವರ ವಿಕೆಟ್ ಕುೃನಾಲ್ ಪಾಲಾಗಿದೆ. ಇದು ಪಾಂಡ್ಯ ಸಂಭ್ರಮವನ್ನು ಇಮ್ಮಡಿಗೊಳಿಸಿತ್ತು. ಅಲ್ಲದೆ ನಾಲ್ಕು ಬಾರಿ ಎಬಿಡಿ ಹೊರದಬ್ಬಿರುವುದನ್ನು ಸೂಚಿಸಿದ್ದರು.